LATEST NEWS
MU RWANDA
Kigali : Abaturage basabwe kwirinda ihohoterwa rishingiye ku gitsina
Publish Date: vendredi 20 novembre 2015
VISITS :109
By Admin

Polisi y’u Rwanda mu karere ka Kicukiro, ku itariki 18 Ugushyingo 2015, yagiranye inama n’abaturage barenga 200 bo mu mirenge ya Kicukiro na Niboyi y’akarere ka Kicukiro, ibigisha ubwoko bw’ibyaha by’ihohoterwa rishingiye ku gitsina, ingaruka zabyo, uko babyirinda n’uruhare rwabo mu kubirwanya no kubikumira.

Inspector of Police (IP) Hamdun Twizeyimana, akaba ashinzwe imikoranire ya Polisi y’u Rwanda n’abaturage hagamijwe kurwanya no gukumira ibyaha muri aka karere, ni we wigishije abaturage bo mu murenge wa Kicukiro, ikiganiro yagiranye nabo kikaba cyarabereye mu kagari ka Ngoma, naho abo mu wa Niboyi bakaba baragiherewe mu kagari ka Gatare na Assistant Inspector of Police (AIP) Emmanuel Mashami, akaba ashinzwe imikoranire ya Polisi y’u Rwanda n’abaturage hagamijwe kurwanya no gukumira ibyaha mu murenge wa Kagarama.

IP Twizeyimana yasobanuriye abo mu murenge wa Kicukiro ko ihohoterwa rishingiye ku gitsina rishobora gukorwa n’igitsina gabo kirikorera igitsina gore nk’uko ryakorwa n’igitsina gore kirikorera igitsina gabo, aha akaba yaratanze urugero rw’umugabo cyangwa umugore ukoresha imibonano mpuzabitsina ku gahato uwo bashakanye, no kumubuza uburenganzira ku mutungo bashakanye.

Yababwiye ati :"Ingaruka z’ihohoterwa rishingiye ku gitsina ntizigera gusa ku warikoze n’uwarikorewe ahubwo zigera no ku miryango yabo bombi. Ni yo mpamvu buri wese akwiye kumva ko kurirwanya no kurikumira biri mu nshingano ze."

AIP Mashami yabwiye abo mu murenge wa Niboyi ko ibiyobyabwenge nk’urumogi biri ku isonga mu biritera ndetse n’ibindi byaha nko gukubita no gukomeretsa, gufata ku ngufu, n’urugomo, maze abasaba kutabinywa, kutabicuruza, no kutabitunda, kandi bagaha Polisi y’u Rwanda amakuru y’ababikora.

Yabasabye kuba ijisho ry’umuturanyi birinda igikorwa cyose kinyuranyije n’amategeko kandi bagaha Polisi y’u Rwanda amakuru yatuma gikumirwa cyangwa yatuma hafatwa abagikoze ndetse n’abategura kugikora.

Musabyimana David ,umwe mu baturage b’umurenge wa Niboyi yagize ati :"Muri iyi nama nasobanukiwe biruseho ubwoko bw’ibyaha by’ihohoterwa rishingiye ku gitsina, ibibitera, ndetse n’uruhare rwanjye mu kubirwanya. Igihe cyose nzamenya uwabikoze nzajya mbimenyesha Polisi y’u Rwanda."

Undi witwa Twayigize Marie Jeanne yagize ati :"Niyemeje kuba umufatanyabikorwa wa Polisi y’u Rwanda mu kurwanya no gukumira ihohoterwa rishingiye ku gitsina ndyirinda kandi nigisha abandi ingaruka zaryo no kubakangurira kugira uruhare mu kurirwanya."

Yasabye abari hamwe na we mu nama gukurikiza inama Polisi y’u Rwanda muri aka karere yabagiriye.

RUSHYASHYA

IBITEKEREZO
alpha rwabukamba

Ihohoterwa rishingiye ku gitsina rikwiye kurwanya !usanga ahanini riterwa no kunywa ibiyobyabwenge n'ibisindisha

juma

ubu bukangurambaga ni ingirakamaro birakwiye abanyarwabda tumenya ihohotera rishingiye ku gitsina kugira tubash kurirwanya

rukara

ubwo bukangurambaga nibwiza kabisa kuko ihohoterwa ryo mungo niryo ritera impfu zahatonahato zigatuma habaho imfubyi rero polisi yacu yakoze igikorwa cyiza cyo kubakangurira kuhohoterwa rishingiye kugitsina ko ari ribi


TANGA IGITEKEREZO

Kwamamaza
Kwamamaza
Also in this section
Ubushinjacyaha bwasobanuye iby’ifatwa ry’ Umunyamakuru Eminente

Ubushinjacyaha bwasobanuye iby’ifatwa ry’ Umunyamakuru Eminente

Polisi yafashe ibyuma by’imodoka bya Rwf 24,000,000 byibwe NPD - COTRACO

Polisi yafashe ibyuma by’imodoka bya Rwf 24,000,000 byibwe NPD -...

....’ntawe uzava ahandi ngo atwubakire ibikorwa nk’ibi’ -Perezida Kagame

....’ntawe uzava ahandi ngo atwubakire ibikorwa nk’ibi’ -Perezida...

Village Urugwiro : Perezida Kagame na Madamu bifurije Abana bato Noheli nziza

Village Urugwiro : Perezida Kagame na Madamu bifurije Abana bato Noheli...

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

Ubushinjacyaha bw’u Rwanda bwatangiye iperereza ku ruhare rw’Abafaransa 20...

NEW POSTS
Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa