LATEST NEWS
New section No17
Kirehe : Polisi y’u Rwanda yakanguriye abaturage kwirinda ihohoterwa rikorerwa mu ngo
Publish Date: mercredi 25 novembre 2015
VISITS :36
By Admin

Polisi y’u Rwanda mu karere ka Kirehe, ku wa 22 Ugushyingo 2015, yagiranye inama n’abaturage bagera kuri 300 b’akagari ka Ntaruka, ko mu murenge wa Nasho, mu karere ka Kirehe, ibakangurira kwirinda no kurwanya ibyaha by’ihohoterwa rikorerwa mu ngo, kandi ibasaba kujya baha Polisi y’u Rwada amakuru y’ababikora kugira ngo bahanwe, naho abarikorewe bahabwe ubufasha .

Ibi babikanguriwe na Assistant Inspector of Police (AIP) Gahigi Harerimana, akaba ashinzwe imikoranire ya Polisi y’u Rwanda n’abaturage hagamijwe kurwanya no gukumira ibyaha muri aka karere.

AIP Gahigi yasobanuriye abo baturage ko ihohoterwa rikorerwa mu ngo ririmo irishingiye ku gitsina n’irikorerwa abana.

Yabasobanuriye ko irishingiye ku gitsina rishobora gukorwa n’igitsina gabo kirikorera igitsina gore nk’uko ryakorwa n’igitsina gore kirikorera igitsina gabo, aha akaba yarabahaye urugero rwo kumuhoza ku nkeke, kumutoteza, kumukoresha imibonano mpuzabitsina ku gahato, no kumubuza uburenganzira ku mutungo bashakanye.

Yabibabwiye agira ati :"Kera abantu bamwe bumvaga badashobora guhingutsa ko umwana wabo yasambanyijwe ku mbaraga cyangwa ko umugabo yamukubise.

Kubera ubukangurambaga, ubu n’abagabo bahohotewe n’abagore babo barabivuga. Ibyiciro by’abantu byose bisigaye bizi uburenganzira bwabyo ariko na none na bake bagiceceka ihohoterwa bakorewe cyangwa uwarikoze bakwiye kujya babivuga."

Yasobanuriye kandi abo baturage ko ibyaha by’ihohoterwa rikorerwa abana birimo kubakubita, kubakoresha imirimo ivunanye, kubaha ibihano bikomeye, kubasambanya, kubata, kutabandikisha cyangwa gutinda kubikora mu gihe bavutse, kubavana mu ishuri cyangwa kutabaha ibyangombwa nkenerwa mu gihe baririmo, kwihekura, no kuvanamo inda.

Yababwiye ko ibiyobyabwenge nk’urumogi biri mu bitera ababinyoye gukora bene ibyo byaha by’ihohoterwa ndetse n’ibindi byaha nko gukubita no gukomeretsa, gufata ku ngufu, n’urugomo, maze abasaba kutabinywa, kutabicuruza, no kutabitunda, kandi bagaha Polisi y’u Rwanda amakuru y’ababikora.

Umwe muri abo baturage witwa Ntambara Damien yagize ati :" "Iyi nama yatumye ndushaho gusobanukirwa n’ubwoko bw’ibyaha by’ihohoterwa rikorerwa mu ngo . Uretse kuryirinda, igihe cyose nzamenya uwarikoze cyangwa uwarikorewe ariko bigacecekwa, nzajya mbimenyesha Polisi y’u Rwanda."

Undi witwa Nikuze Saverine yagize ati :"Ubumenyi nungukiye muri iki kiganiro twahawe na Polisi y’u Rwanda nzabusangiza abandi, bityo, twese twirinde kandi dufatanye kurwanya ihohoterwa rikorerwa mu ngo ndetse n’ibindi byaha."

Yagiriye inama abandi baturage yo kudahishira abakoze ibyaha by’ihohoterwa rishingiye ku gitsina kandi abasaba kujya baha Polisi y’u Rwanda amakuru y’ababikoze.

RNP

IBITEKEREZO
Rwihandagaza

Tugeragese dufashe RPN. Ubu noneho bagiye no kutwubakira ingo zacu kweril !!!! Twibuke yuko umutekano wigihugu uhera mungo kuko niba ushobora guhohotera umugore, umugabo cyangwa umwana wawe ubwo umuturanyi we uzamwica. Police yacu yo ko ntako itagira iradukangurira kubana neza kugirango tugire igihugu cyiza.

Juma

Ubu bukanguragamba burakenewe cyane mu turere turangwamo iihohoterwa mu rwego rwo kwigisha abaturage kurirwanya no gutanga amakuru ku gihe mu gihe haramutse habaye iri hohotera, no mu Karere ka Rwamagana dukeneye ubukangurambaga kuko dufite ikibazo cy'ihohoterwa


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...