LATEST NEWS
MU RWANDA
Komisiyo y’Igihugu yo Kurwanya Jenoside yishimiye intambwe yatewe n’ubutabera bwa Espagne ikanasaba Ubufaransa gukurikiza urwo rugero.
Publish Date: vendredi 27 novembre 2015
VISITS :286
By Admin

Intambwe nziza yatewe n’ubutabera bwa Espagne

Muri iyi minsi, ubutabera bw’igihugu cya Espagne bwafashe ibyemezo bishimishije birebana n’ikurikirana ry’abasirikari bakuru b’u Rwanda.

Mu kwezi kwa Mutarama 2015, urukiko rw’ubujurire Audiencia nacional, i Madrid, rwari rwatesheje agaciro impapuro 11 kuri ziriya 40 zivugwa, runahagarika by’agateganyo ikurikiranwa ry’izindi 29. Abacamanza bari bategetse ko hakurwaho impapuro zihagarika abasirikare bakuru b’u Rwanda zishobora kubangamira abaregwa bose mu gihe icyo cyemezo cyaba gihawe agaciro.

Hari hajuririwe urukiko rw’ikirenga rwa Espagne kugira ngo ruvaneho urwo rujijo. Tariki 24/9/2015, urugereko ruhana ibyaha rw’urukiko rw’ikirenga rwa Espagne rwategetse ihagarikwa ry’agateganyo mu gukurikirana abasirikare b’u Rwanda 40.

Muri iki gihe, Komisiyo y’Igihugu yo Kurwanya Jenoside ishimishijwe n’icyemezo cy’ishami rya Interpol rya Espagne cyo kumenyesha amashami ya polisi y’ibindi bihugu ko impapuro zigamije gufata abasirikare bakuru b’u Rwanda 40 zateshejwe agaciro.

UBUFARANSA

Gukomeza kubangamira ubutabera no gupfobya Jenoside yakorewe Abatutsi
Nubwo muri Espagne, ibintu bigenda bijya mu buryo, biragaragara ko inzira ikiri ndende kugira ngo ubucamanza bw’u Bufaransa butere ikirenge mu cy’ubwa Espagne. Muri 2006, Nibwo hasohotse icyemezo cy’umucamanza w’umufaransa Jean-Louis Bruguière, gishyiraho inyandiko zihagarika abasirikare 9 b’u Rwanda. Izi nyandiko ni nazo zashingiweho n’umucamanza Merelles wo muri Espagne, bikaba byerekana akagambane aba bacamanza bombi bagiriye u Rwanda n’ubuyobozi bwarwo.

Kudafata icyemezo kuri raporo y’impuguke ku ihanurwa ry’indege ya Habyarimana
Iperereza ryongeye gusubirwamo muri 2007 n’abacamanza b’Abafransa Marc Trévidic na Nathalie Poux, noneho bo baza mu Rwanda muri 2010 baherekejwe n’impuguke mu birebana n’impanuka z’indege zaturutse i Toulouse mu Bufaransa. Izo mpuguke zasohoye icyegeranyo cyatangajwe muri Mutarama 2012. Iri perereza ryakozwe n’aba bahanga b’abafaransa ryerekanaga ko ibisasu byahanuye indege ya perezida Habyarimana, tariki 6/4/1994, byarasiwe mu kigo cya gisirikare cya Kanombe cyari mu maboko y’ingabo z’u Rwanda z’icyo gihe (Ex-FAR). Icyo kigo cyarimo abasirikare bakomeye nka “bataillon para-commando” na “Compagnie Lutte anti-aérienne” (LAA) yari yarigeze kuyoborwa na Koloneli Theoneste BAGOSORA bizwi ko ari we mucuzi mukuru w’umugambi wa Jenoside yakorewe Abatutsi.

Ubundi mu mategeko mpanabyaha y’Ubufaransa, ubushinjacyaha bwari bufite amezi atatu yo gusuzuma ibyatangajwe n’inzobere, hagafatwa icyemezo cyo gukomeza dosiye cyangwa kuyishyingura burundu. None ibyavuye mw’iperereza ry’abacamanza Marc Trévidic na Nathalie Poux ryakurikiwe no kwicecekera, hakaba hagiye gushira imyaka ine (4).

Dr BIZIMANA Jean Damascène
Umunyamabanga Nshingwabikorwa.

Hakwiye kubaho byihutirwa iteshwagaciro rya ziriya nyandiko z’umucamanza Bruguière kuko zidafite ishingiro kandi bikaba byaramaze kugaragara ko zakozwe zigamije ibindi bitari ubutabera. Abo Bruguiere yashinje ibinyoma bakwiye nabo kurenganurwa kandi vuba.

Icyemezo nk’iki cyatuma abapfobya Jenoside yakorewe Abatutsi bavuga ngo habayeho “jenoside ebyiri” baceceka. Mu Bufaransa, abari kw’isonga ry’ibi bikorwa ni abibumbiye mw’ishyirahamwe bise “France Turquoise” rigamije gupfobya Jenoside yakorewe Abatutsi no gusebya ubuyobozi bw’u Rwanda. Twatanga ingero z’abajenerali bane : Jacques Hogard, Jean-Claude La Foucarde, Jacques Rosier na Michel Robardey bafite uruhare mu bufatanyacyaha muri Jenoside, cyane cyane muri “Opération Turquoise”.

Abasilikare bakuru b’Ubufaransa bagize uruhare mu ikorwa rya Jenoside nibo bakomeje gupfobya Jenoside yakorewe Abatutsi no gusebya ubuyobozi bw’u Rwanda
Mu gihe bari mu Rwanda muri Turquoise hagati ya Kamena na Kanama 1994, Jenerali Hogard na Jenerali La Fourcade banze kwemera ko ubwicanyi bwakorwaga mu Rwanda bwari bugize icyaha cya jenoside kandi ntibihishiriye mu kwerekana ko bashyigikiye intagondwa z’Abahutu zari zariyise Hutu Power zakoraga jenoside. Bafatanyije n’abo bicanyi kandi barabashyigikira mu buryo bwa gisilikare, politiki, inkunga y’ibikoresho na diplomasi.

Jenerali Jacques Rosier we yari yarayoboye DAMI (Détachement d’Assistance Militaire et d’Instruction) hagati y’ukwezi kwa Kamena n’ukw’Ukwakira muri 1992. DAMI yari ifite icyicaro mu bigo bya gisirikare bya Gabiro, Mukamira na Bigogwe, no mu kigo cya kaminuza cya Nyakinama. Ni muri icyo gihe igisirikare cy’u Rwanda gifatanyije n’ingabo z’Abafaransa zari muri DAMI, cyahaye interahamwe imyitozo ikomeye ya gisirikare ari nako zigishwa ingengabitekerezo y’urwango. Jacques Rosier ni we wari umuhuzabikorwa w’izo nyigisho nk’umuyobozi wa DAMI. Mu gihe cya Turquoise, muri 1994, Jacques Rosier yagarutse mu Rwanda, akaba ari we wari uyoboye ingabo z’Ubufaransa zari muri Perefegitura ya Kibuye. Niwe ugomba kubazwa uruhare rw’ingabo z’Ubufaransa mu iyicwa ry’Abatutsi barenga ibihumbi bibiri (2000) biciwe mu Bisesero tariki ya 30/06/1994.

Jenerali Michel Robardey we yabaye umujyanama muri “criminologie”. Yahuzaga ibikorwa byo gushakisha amakuru ku bantu bagombaga guhigwa no kwicwa, by’umwihariko Abatutsi. Raporo Mucyo yanagaragaje uruhare rwa Jenerali Robardey mu bwicanyi bwakorewe Abatutsi muri Werurwe 1992 mu Bugesera.

Twakwibutsa kandi ko, mu bijyanye na politike, mu gihe jenoside yacaga ibintu, tariki 27/04/2015, Alain Juppé wari Minisitiri w’ububanyi n’amahanga kimwe na Perezidansi y’Ubufaransa, bakiriye Jérôme Bicamumpaka wari Minisitiri w’ububanyi n’amahanga muri Guverinoma yakoraga Jenoside na Jean-Bosco Barayagwiza, umwe mu bashinze ishyaka ry’intagondwa rya CDR, akaba ari no kw’isonga mu bayobozi ba jenoside.

Mu bijyanye n’inkunga y’amafaranga, kugeza muri Kanama 1994, Banki y’Ubufaransa yateye inkunga abakoze jenoside. Banki Nasiyonali ya Paris (BNP) yishyuye kenshi amafranga y’igurwa ry’intwaro mu gihe jenoside yakorwaga. Binyujijwe kuri minisiteri y’ubutwererane, u Bufaransa bwahaye intwaro, amasasu n’ibindi bikoresho ingabo z’u Rwanda kandi zariho zitegura gutsembatsemba Abatutsi.

Igihe kirageze ngo ubutabera bw’u Bufaransa bukurikize urugero rwa Espagne, bukareka gukorera mu kwaha kw’abantu bamwe bo muri icyo gihugu bagize uruhare muri Jenoside yakorewe abatutsi hagati ya 1990 na 1994.

Ubutabera, aho bubarizwa hose, bugomba kwigenga kandi bukubaha abantu bose kimwe. Ubutabera bw’Ubufaransa bwagombye kubyumva, bugakurikiza inzira y’ukuri.
CNLG irasaba ko ubutabera bwubahirizwa hose kimwe kugira ngo abazize jenoside yakorewe Abatutsi n’abayirokotse bahabwe icyubahiro kandi basubizwe ubumuntu bambuwe.

Dr BIZIMANA Jean Damascène
Umunyamabanga Nshingwabikorwa.

IBITEKEREZO

TANGA IGITEKEREZO

Kwamamaza
Kwamamaza
Also in this section
Inama y’Abagore bo mu nzego z’umutekano muri Afurika yasojwe hafashwe ingamba zo guca ihohoterwa rishingiye ku gitsina

Inama y’Abagore bo mu nzego z’umutekano muri Afurika yasojwe hafashwe ingamba...

Abagenerwabikorwa ba Imbuto Foundation bakanguriwe kurangwa n’ikinyabupfura

Abagenerwabikorwa ba Imbuto Foundation bakanguriwe kurangwa n’ikinyabupfura

Amahanga arifuza ikoranabuhanga ryahimbwe n’Abanyarwanda mu gukurikirana abanyeshuri

Amahanga arifuza ikoranabuhanga ryahimbwe n’Abanyarwanda mu gukurikirana...

[AMAFOTO] : Mushakire hamwe ingamba zirwanya ihohoterwa rishingiye ku gitsina-Minisitri w’Intebe Murekezi

[AMAFOTO] : Mushakire hamwe ingamba zirwanya ihohoterwa rishingiye ku...

Bwa mbere, U Rwanda rurakira inama nyafurika y’abagore bo mu nzego z’umutekano

Bwa mbere, U Rwanda rurakira inama nyafurika y’abagore bo mu nzego...

NEW POSTS
Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...