LATEST NEWS
MU RWANDA
Korali Salemu yashimye Imana inatanga mituweli ku miryango 10 itishoboye
Publish Date: lundi 28 décembre 2015
VISITS :150
By Admin

Korali Salemu ikorera umurimo w’ Imana mu itorero ry’ADEPR Kabuga Ville mu murenge wa Rusororo mu karere ka Gasabo mu mujyi wa Kigali, yatanze mituweli ku miryango 10 itishoboye, isangira n’abana mu rwego rwo kwizihiza ivuka rya Yezu, hiyongereho no gushima Imana.

Nkuko bitangazwa na Jeanette Kampororo Perezida wa Korali Salemu, avuga ko bateguye igiterane cyo gushimira Imana ko umwaka urangiye bari amahoro, ariko bakanibuka ko hari abatishoboye bakeneye ubufasha mu buryo bw’umubiri.

Uretse igikorwa cyo gufasha abatishoboye babatangira ubwisungane mu kwivuza, bishimira ko batangiye ari abaririmbyi batageze kuri 20 none ubu, bakaba ari abaririmbyi 95 ibyo ngo babishimira Imana.

Mu kiganiro yagiranye n’itangazamakuru ryigenga ryo mu Rwanda, Kampororo yavuze ati “Ikindi dushimira Imana, nka Korali Salemu twari abantu badashoboye nta n’ ubushobozi, ariko muri uyu mwaka abaririmbyi bose uko 95 bafite akazi, babasha kwiyishyurira mituweli, babasha gushyira abana mu mashuri, icyo na cyo ni kintu cyaduteye gushima Imana."


Jeanette Kampororo Perezida wa Korali Salemu.

Ku rundi ruhande ariko, Perezida wa Korali Salemu avuga ko muri iyi korali harimo abana b’imfubyi Imana ikaza kubakorera ibitangaza. Ati “Muri twe harimo abana b’imfubyi badafite ubushobozi, Imana ibakorera ubukwe, hari umusore turirimbana wari umaze imyaka 12 nta mwana afite, Imana imuha umwana, ubu amaze kugira abana babiri, ibyo na byo byaduteye imbaraga kumva tugomba gushimira Imana."

Nyamara ariko ngo Imana yaguye iyi korali mu bijyanye no kuririmba kuko imiririmbire yabo iri hejuru, akaba ari ibintu bagomba gushimira Imana kuko ngo atari imbaraga zabo ahubwo ko ari iz’Imana nkuko Kamuroro yabibwiye itangazamakuru.

Ku bijyanye no gukora umurimo w’Imana Korali Salem imaze imyaka cumi n’ indi irenga, batangiye nta bushobozi bafite, ubu barakora nta kibazo. Kugeza ubu, bamaze gukora indirimbo nyinshi zirimo n’ iyitwa “Ibanga imaze kumenyekana."

Umuterankunga wa korali Salemu, Anicet Kibiliga, ahamya ko Korali Salemu abona ko ari korali ihagaze neza kandi ifite ejo hazaza heza, ibi akabishingira kukuba yaratangiranye abaririmbyi 20, ubu bakaba barenga 90.

Impamvu yahisemo kubera umuterankunga wa Korali Salemu mu gihe hari andi makorali akorera umurimo w’Imana ku mudugudu w’ADEPR Kabuga Ville, Kibiliga yagize ati "Hano kuri uyu mudugudu mpakorera umurimo w’Imana nk’umudiyakoni, ni byiza ko abadiyakoni dufasha abaririmbyi gukora umurimo w’Imana."

RUSHYASHYA

IBITEKEREZO
nshimiye

Uko nukuri niryo vugabutumwa rikenewe cyane iryamagambo ririmo kurangira hskenewe iryibikorwa.


TANGA IGITEKEREZO

Kwamamaza
Kwamamaza
Also in this section
Visi Perezida w’u Buhinde, Hamid Ansari yagiranye ibiganiro na Perezida wa Sena y’u Rwanda

Visi Perezida w’u Buhinde, Hamid Ansari yagiranye ibiganiro na Perezida wa...

Moto yibwe mu karere ka Bugesera yafatanywe umugabo muri Gakenke

Moto yibwe mu karere ka Bugesera yafatanywe umugabo muri Gakenke

Incamake y’amakuru yatangajwe na Polisi y’u Rwanda mu cyumweru gishize

Incamake y’amakuru yatangajwe na Polisi y’u Rwanda mu cyumweru...

Impanuro z’Umukuru w’Igihugu Perezida Kagame i Nyagatare

Impanuro z’Umukuru w’Igihugu Perezida Kagame i Nyagatare

Polisi y’u Rwanda irihanangiriza abantu batanga ruswa ngo bahabwe uruhushya rwo gutwara ibinyabiziga

Polisi y’u Rwanda irihanangiriza abantu batanga ruswa ngo bahabwe uruhushya...

NEW POSTS
Uganda : Kijuru muri District ya Kibaale Inkambi y’ imyitozo ya Kayumba n’abashaka gutera u Rwanda

21-02-2017

Uganda : Kijuru muri District ya Kibaale Inkambi y’ imyitozo ya Kayumba...

Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

RNC –Ishaje yadukanye ’Agashya ’ noneho igeze no mubapfakazi

20-02-2017

RNC –Ishaje yadukanye ’Agashya ’ noneho igeze no mubapfakazi

Ibya Dr. Rudasingwa n’abagenzi be Musonera na Ngarambe biteye kwibaza byinshi !

17-02-2017

Ibya Dr. Rudasingwa n’abagenzi be Musonera na Ngarambe biteye kwibaza...

“ Udashinga ntabyina” MPAYIMANA, NAHIMANA na HABINEZA kuyobora u Rwanda - twisekere !!!!

14-02-2017

“ Udashinga ntabyina” MPAYIMANA, NAHIMANA na HABINEZA kuyobora u Rwanda -...

Ubutinganyi (homosexuals) buravuza ubuhuha muri RNC

13-02-2017

Ubutinganyi (homosexuals) buravuza ubuhuha muri RNC