LATEST NEWS
MU RWANDA
Minecofin yahumurije Abanyarwanda batewe impungenge n’imyenda igihugu gifite
Publish Date: samedi 5 décembre 2015
VISITS :349
By Admin

Ni kenshi u Rwanda rwumvikana ko rwahawe umwenda wo kwifashisha mu bikorwa byo kuzamura ubukungu n’iterambere ryarwo. Ibi bitera impungenge bamwe mu banyarwanda, bakibaza niba iki gihugu kitazarenza igipimo cy’imyenda bigatera ingorane.

Kuri izi mpungenge, Minisiteri y’Imari n’Igenamigambi itanga ihumure igaragaza ko ku gipimo mpuzamahanga, u Rwanda ruri mu bihugu bifite imyenda micye ingana na 30% by’umusaruro rusange wacyo (GDP).

Imibare yagaragajwe n’igenamigambi ry’igihe gito rigomba kugenga Politiki ya Leta y’inguzanyo mu gihe cy’imyaka itatu (2015/16-2017/18) ,yagaragaje ko ubu u Rwanda rufite umwenda usaga miliyari ebyiri na miliyoni 719 z’Amadolari ya Amerika ,angana na 33% by’umusaruro rusange w’igihugu (GDP) usaga miliyari umunani z’Amadorali y’Amerika.

Impungenge z’imyenda u Rwanda rwaka zagaragajwe n’abagize Inteko Ishinga
Amategeko, umutwe w’Abadepite, ubwo batoraga itegeko ryemerera kwemeza burundu amasezerano y’inguzanyo hagati ya Repubulika y’u Rwanda n’Ikigega cya OPEC gitsura Amajyambere Mpuzamahanga (OFID), ingana na miliyoni 15 z’Amadorali ya Amerika.

Depite Nyirahirwa Veneranda yagize ati “Turashaka kumenya uko umwenda igihugu gifite uhagaze, cyane cyane ko izi nguzanyo ziba ari nziza, zifite n’inyungu ntoya mu gihe kirekire. Ese ntabwo dushobora kuzarenza igipimo cy’imyenda bikadutera ingorane ?”

U Rwanda ni rwo rufite imyenda micye ugereranyije n’ubukungu bwarwo hano mu karere, ndetse no ku gipimo mpuzamahanga ruri mu bihugu bifite imyenda micye.

Umunyamabanga wa Leta muri Minisiteri y’Imari n’Igenamigambi ( Minecofin) ,ushinzwe igenamigambi ,Dr.Uzziel Ndagijimana, yavuze ko nk’uko byemezwa n’ikigega cy’imari ku Isi, u Rwanda ruri ku gipimo cyiza kirwemerera kuba rwaguza n’indi myenda ruyikeneye.

Yagize ati “Politiki y’imyenda mu Rwanda ni politiki yitonderwa cyane kugira ngo igihugu kitajya mu myenda ikomeye. Ubu ngubu u Rwanda ruri mu bihugu bifite imyenda micye upimiye ku musaruro rusange (GDP) ,biduha n’umwanya mwiza mu bijyanye no kuguza igihe bibaye ngombwa.”

Muri EAC u Rwanda ni rwo rufite imyenda micye

Dr. Ndagijimana yongeraho ko ugereranyije no mu karere k’Afurika y’Iburasirazuba (EAC), igipimo cy’inguzanyo zose zaba izo hanze n’izo mu gihugu imbere, u Rwanda rufite 30% bya GDP, mu gihe nka Tanzania na Kenya bari hejuru ya 40%, Uganda ikaba kuri 36%, u Burundi na bwo bukaba buri hejuru ya 30%.

U Rwanda ni igihugu kitari mu kibazo cy’imyenda ikabije, bitewe n’imicungire myiza y’impano n’inguzanyo, ndetse n’uko ubukungu bwacyo buhagaze. Igenzura rya Banki y’Isi rizwi nka “CPIA (Country Policy and Institutional Assessment)” ryahaye u Rwanda amanota 3.9 kuri 6 mu micungire y’inguzanyo, birugira kimwe mu bihugu bya mbere muri Afurika.

Mu myaka itatu imyenda yikubye hafi kabiri

Ugeranyije umwenda u Rwanda rwari rufite mu mwaka wa 2012 n’uwo rufite muri 2015 , usanga ujya kwikuba kabiri ariko nta wakwirengagiza ko n’umusaruro rusange (GDP), wazamutse. Kugera mu mpera za 2013, umwenda w’imbere mu gihugu wiyongereyeho 0,9%, ugera kuri 6,3%.

Raporo ku busesenguzi bw’imyenda y’igihugu “Rwanda’s Debt Sustainability Analysis” yasohotse muri Kanama 2014, igaragaza ko mu mwaka wa 2012 umwenda w’u Rwanda wari Miliyari imwe na Miliyoni 651 z’Amadolari ya Amerika, yanganaga na 22.6% bya GDP ; muri 2013 umwenda warazamutse ugera kuri Miliyari ebyiri na Miliyoni 79 ,yanganaga na 27.4% bya GDP.

Bitewe n’impapuro z’agaciro mpeshamwenda u Rwanda rwacururuje ku mugabane w’u Burayi (Eurobond) za Miliyoni 400 z’Amadolari ya Amerika ; muri 2014 wari Miliyari ebyiri na Miliyoni 245,yanganaga na 27.7% bya GDP.

Impungenge z’u Rwanda zo kwishyura iyi myenda

Imyenda myinshi u Rwanda rufite irimo iza nk’impano ku nyungu ntoya, izitangwa n’ibigo by’imari mpuzamahanga n’iz’ubucuruzi. Zikoreshwa cyane mu kwagura ubwikorezi bw’abantu n’ibintu, inyubako rusange, ingufu z’amashanyarazi, kugabanya ubukene no guteza imbere ibyaro.

Imwe mu mpungenge u Rwanda rufite mu kwishyura iyi myenda yiganjemo izarangira hagati ya 2023-2025 , ni ukwishyura amafaranga rwahawe n’urwunguko mu mafaranga y’amanyamahanga cyane cyane Amadolari ya Amerika, dore ko 31.9% by’umwenda w’igihugu uri mu madolari ya Amerika.

Abahanga mu bukungu basaba Leta kongera impapuro z’agaciro mpeshamwenda z’imbere mu gihugu z’igihe kirekire kugira ngo Leta yirinde ingaruka zikomeye z’ubukungu, n’ubwishyu buri hejuru.

Igihe.com

IBITEKEREZO

TANGA IGITEKEREZO

Kwamamaza
Kwamamaza
Also in this section
Perezida Kagame yahaye ipeti rya Sous-Lieutenant abasirikare ba Ofisiye 478

Perezida Kagame yahaye ipeti rya Sous-Lieutenant abasirikare ba Ofisiye...

Impuguke zasabye gushyiraho ingamba zihangana n’ubuhezanguni

Impuguke zasabye gushyiraho ingamba zihangana n’ubuhezanguni

Bane bafunzwe bacyekwaho guha ruswa abapolisi kugira ngo bakorerwe ibinyuranije n’amategeko

Bane bafunzwe bacyekwaho guha ruswa abapolisi kugira ngo bakorerwe...

Perezida Kagame yifuza impinduka mu bwikorezi bwo mu kirere

Perezida Kagame yifuza impinduka mu bwikorezi bwo mu kirere

Visi Perezida w’u Buhinde yashimye Kagame aho yavanye u Rwanda

Visi Perezida w’u Buhinde yashimye Kagame aho yavanye u Rwanda

NEW POSTS
Guverinoma y’Icyuka isa n’abana batoba akondo

24-02-2017

Guverinoma y’Icyuka isa n’abana batoba akondo

Hagati ya leta ya CNDD-FDD n’ Inshuti yayo Mkapa harimo utavugisha ukuri

23-02-2017

Hagati ya leta ya CNDD-FDD n’ Inshuti yayo Mkapa harimo utavugisha...

Kugirango u Rwanda rugire amahoro ni uko Abafaransa bava muri Uganda, ese birashoboka ?

23-02-2017

Kugirango u Rwanda rugire amahoro ni uko Abafaransa bava muri Uganda, ese...

BURUSELI : RNC irimo gucuruza urupfu rwa Col Patrick Karegeya mu gihe umuryango umaze imyaka 5 usaba ubuhungiro uhakanirwa

22-02-2017

BURUSELI : RNC irimo gucuruza urupfu rwa Col Patrick Karegeya mu gihe...

Uganda : Kijuru muri District ya Kibaale Inkambi y’ imyitozo ya Kayumba n’abashaka gutera u Rwanda

21-02-2017

Uganda : Kijuru muri District ya Kibaale Inkambi y’ imyitozo ya Kayumba...

Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

RNC –Ishaje yadukanye ’Agashya ’ noneho igeze no mubapfakazi

20-02-2017

RNC –Ishaje yadukanye ’Agashya ’ noneho igeze no mubapfakazi