LATEST NEWS
New section No17
Minisitiri Busingye yasabye Polisi z’ibihugu ubufatanye mu gucungira hamwe umutekano
Publish Date: lundi 2 novembre 2015
VISITS :72
By Admin

Minisitiri w’Ubutabera, Johnston Busingye, yagarutse ku kamaro k’ubufatanye bwa Polisi z’ibihugu mu rwego rwo gucungira hamwe umutekano no gufata abanyabyaha bakora ibyaha mu bihugu byabo bagahungira ahandi.

Yavuze ko ubu bufatanye butuma habaho umutekano usesuye bityo abaturage b’ibyo bihugu bakiteza imbere.

Minisitiri Busingye yabivuze mu nama yahuje abayobozi ba Polisi z’ibihugu byo muri Afurika i Kigali kuri iki cyumweru tariki ya 1 Ugushyingo 2015,iyi nama ikaba ari iy’ihuriro mpuzamahanga ryabo ryo munsi y’ubutayu bwa Sahara.

Iyi nama y’umunsi umwe yari ifite insanganyamatsiko igira iti :” ugukumira ibyaha ku buryo bugezweho hagamijwe kugira isi itekanye”, ikaba yarabanjirije inama Mpuzamahanga ihuza inzego za Polisi ku Isi, Interpol ; iba kuri uyu wa mbere tariki ya 2 Ugushyigo 2015.

Minisitiri Busingye yavuze ko inama nk’iyi, ari umwanya wo kungurana ibitekerezo bakarebera hamwe icyakorwa, kugira ngo habeho kubuza amahwemo abanyabyaha no kubafata bakoherezwa mu bihugu byabo.

Minisitiri Busingye yagize ati “Mu Rwanda dufite impapuro zisaba abantu bakoze ibyaha bya jenoside bagera kuri 410 zoherejwe hirya no hino ku Isi, mu bihugu bigera kuri 30. Nta washidikanya ko muri aba bantu bose bari aha, wenda muri abo bantu twasabye ko bafatwa, baba bari mu bihugu abari hano bakomokamo.”

Minisitiri Busingye yakomeje agira ati “Zimwe mu ngamba dusaba ni ubufatanye burenga imipaka, ubufatanye bwumva ko umuntu niba afite umutekano usesuye mu Rwanda akwiye kumva ko yagira umutekano usesuye ahandi ku Isi.

Bituma inzego z’umutekano mu gihugu runaka zitera intambwe ishimishije, bityo ntizikore zonyine ahubwo zigafatanya n’ibindi bihugu, kuko icyaha kirihuta, iyo ugiye mu nzira ndende zo gusaba uruhushya, abanyabyaha baba bagucitse. Habayeho ubufatanye byaba byiza cyane kuko abanyabyaha babura inzira.”

Muri iyi nama kandi habereyemo umuhango w’ihererekanyabubasha hagati y’uwari umuyobozi w’uyu muryango uhuza abayobozi ba Polisi z’ibihugu byo munsi y’ubutayu bwa Sahara, IGP Emmanuel K Gasana, uyobora Polisi y’u Rwanda aho yasimbuwe n’umuyobozi wa Polisi ya Uganda IGP Gen. Kale Kayihura.

Nawe azayobora uyu muryango uhuza Polisi igihe cy’imyaka ibiri nk’uko, uwo yasimbuye nawe yayiyoboye icyo gihe.

IGP Kayihura akaba yashimiye umuyobozi mukuru wa Polisi y’u Rwanda uburyo yayoboye uyu muryango hakabaho imikoranire ya za Polisi.

Minisitiri w’umutekano mu gihugu Sheikh Musa Fazil Harelimana asoza iyo nama y’umunsi umwe, yasabye abo bayobozi ba za Polisi z’ibihugu bitandukanye gukuraho inzitizi zimwe na zimwe zikigaragara zirebana n’imipaka, kugira ngo habeho kubonera ibisubizo byihuse by’abanyabyaha bahungira hanze y’ibihugu byabo nyuma yo gukora ibyaha bitandukanye byambukiranya imipaka birimo iby’iterabwoba, icuruzwa ry’abantu, ibiyobyabwenge,n’ibindi.

RUSHYASHYA

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...