LATEST NEWS
New section No17
Mukabalisa Donatille niwe watorewe gusimbura Mitali k’ubuyobozi bwa PL
Publish Date: mardi 2 août 2016
VISITS :763
By Admin

Mu matora ya PL yabaye mu mucyo kuri iki cyumweru tariki ya 31 Nyakanga 2016 Mukabalisa Donatille niwe watorewe kuyobora ishyaka riharanira kwishyira ukizana kwa muntu ( Parti Liberal-PL). naho Munyangeyo Theogene atorerwa kuba Visi Perezida wa mbere.

Mukabalisa watanzwe nk’umukandida kuri uyu mwanya na Depite François Byabarumwanzi niwe wenyine wahatanye. Yatowe n’amajwi 569 kuri 577.

Ku mwanya wa Visi Perezida wa mbere hatowe Munyangeyo Theogene wagize amajwi 472 kuri 577, akaba yatowe ku kigero cya 81.8%.

Bibaye ubwa mbere mu ishyaka PL, haba amatora ntakurikirwe n’amacakubiri nkuko byari bimenyerewe kuko mu matora yabaye 2007, yakurikiwe n’intambara y’urudaca hagati ya Mitali Protain na Gatete Polycarpe ari nabwo igice cyari gishyigikiye Gatete cyanze ibyavuye mu matora kirega Ruswa, n’uburiganya Mitali.

Ibi bikaba byarakurikiwe n’amacakubiri mu ishyaka yavuyemo iyirukanwa mu myanya ry’abayoboke barimo Depite Ngirabakunzi Elie, Depite Murashi Isae ndetse na Depite Gatete bari Abadepite mu nteko ishingamategeko.

Hon. Mukabalisa Donatille ni Perezida wa PL akaba na Perezida w’Inteko ishingamategeko

Komite isanzweho yari iyobowe na Mukabalisa Donatille, wayiboraga by’agateganyo nyuma y’uko Mitali wari Perezida w’ishyaka mu gihe cy’imyaka irindwi ahunze.

Mukabalisa yari Visi Perezida wa mbere, uwa kabiri ari François Byabarumwanzi, naho Dr Odette Nyiramirimo ari Umunyamabanga Mukuru.

Iyi komite yari isanzweho yatowe muri Kongere ya gatanu ya PL ku wa 16 Werurwe 2014.

Visi Perezida wa mbere wa PL, Munyangeyo Theogene

Amatora muri PL yahuriranye n’isabukuru y’imyaka 25 rimaze rishinzwe kuko ryashinzwe tariki ya 14 Nyakanga 1991, nyuma y’uko Perezida Habyarimana Juvenal ashyizweho igitutu na Perezida François Mitterand ngo yemere ko amashyaka menshi akorera mu Rwanda.

Isabukuru y’imyaka 25

Ishyaka PL ryatakaje abayoboke benshi muri Jenoside yakorewe abatutsi harimo n’abari abayobozi bayo igice kitiriwe icya Lando, aribwo muri iki gitondo habayeho umuhango wo gushyira indabo no kunamira abo banyapolitiki aho bashyinguwe mu cyubahiro ku i Rebero.

Umwanditsi wacu

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’