LATEST NEWS
New section No17
Mukomeze kurangwa n’imyitwarire myiza ishingiye Ku mahame ngenderwaho agenga akazi mugiyemo-IGP Gasana
Publish Date: mercredi 19 octobre 2016
VISITS :671
By Admin

Umuyobozi mukuru wa Polisi y’u Rwanda IGP Emmanuel K. Gasana yagiriye inama abapolisi bazayobora bagenzi babo mu butumwa bwo kubungabunga amahoro mu gihugu cya Centrafrika (MINUSCA), kuzahora barangwa n’imyitwarire myiza mu kazi bazaba barimo bo ubwabo n’abo bayoboye ndetse bakubahiriza igihe csoiryose inshingano bazashingwa.

Umuyobozi mukuru wa Polisi y’u Rwanda yabivuze ku itariki ya 18 Ukwakira, ku cyicaro gikuru cya Polisi y’u Rwanda ku Kacyiru, ubwo yatangizaga ku mugaragaro amahugurwa y’iminsi ibiri y’aba bapolisi 45 bazayobora bagenzi babo. Abapolisi bazoherezwa muri centrafrika barimo amatsinda abiri, aho rimwe rishinzwe kubungabunga umutekano mu buryo bwo gucunga ibigo, ibikoresho no gufasha Polisi ya Centrafrika mu kazi kabo gahoraho. Irindi tsinda ryo rikaba rishinzwe kurinda abayobozi gusa. Biteganyijwe ko bazajya mu butumwa bwo kubungabunga amahoro mu gihugu cya Centrafrika mbere y’uko uku kwezi kurangira.

IGP Gasana yasabye aba bapolisi bazayobora abandi kuzakora ibishoboka byose abapolisi bayoboye bagahora barangwa n’ubunyangamugayo no kwitwara neza mu kazi nk’uko babitojwe.

IGP. Emmanuel Gasana

Yagize ati :” mugomba guharanira inyungu z’u Rwanda mbere ya byose kandi mukarangwa n’imyitwarire myiza ; mukaba inyangamugayo, mugaharanira indangagaciro z’u Rwanda, mukamenya ikibajyanye kandi abapolisi muyoboye bagahora bafite imbaraga z’umubiri, no mu mutwe hameze neza bityo bikabafasha kuzuza neza inshingano zabo”.

Yakomeje abasaba kuzabana neza na bagenzi babo bo mu bindi bihugu bagakorana neza mu kazi ko kubungabunga amahoro bityo bakababera intangarugero mu kazi.

Umuyobozi mukuru wa Polisi y’u Rwanda yakomeje abwira aba bapolisi ko ari ngombwa guhora biteguye bakamenya neza niba aho bakorera hari amhoro n’umutekano kugira ngo bibafashe gukora neza akazi kabo.

Ikindi yabasabye ni ukumenya uburyo babayeho no kugira ubuzima bwiza n’imibereho myiza, bakagaragaza ubunyamwuga mu kazi bakirinda ndetse bakarinda n’ibikoresho byabo by’akazi, bagakora gahunda z’uko akazi kagomba gukorwa kandi bagatanga raporo z’imigendekere y’akazi bashinzwe.

Mu kiganiro yagiranye n’aba bapolisi bazayobora bagenzi babo kandi, basabwe kuzakorera hamwe, ndetse ababwira ko bazunguka ibintu byinshi kuri bagenzi babo bo mu bindi bihugu.

IBITEKEREZO
olivier gakwandi

Ukurikije inama umuyobozi w'igipolice yabagiriye ntagushidikanya n'ubutumwa bwabo buzajyenda neza. Gusa hari ikintu k'ingenzi yababwiye bakwiye kwitaho ! Kurinda indangagaciro z'umuco nyarwanda, ibi ni ingenzi cyane kuko nibyo byerekana itandukaniro riri hagati yabo n'abandi bapolisi bo mu ibindi bihugu kandi nibyo bituma buri gihe bambikwa imidari. Inama z'uyu muyobozi bazazibike ku mutima bajye bazizirikana kandi bazazigeze no kubandi bapolisi bo baje bahagarariye.

rucogoza

Turashimira Police y'igihugu cyacu, byumwihariko Ubuyobozi bwabo iyo tureba ukuntu bahabwa impanuro ubwabyo bigaragaza ikizere ko Police yacu ishoboye ! bazajye bagaragaza indanga gaciro ndetse nubunyamwuga mubintu bitandukanye aho bageze hose.


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’