LATEST NEWS
New section No17
Musanze : Abapolisi bashoje amahugurwa ku kurwanya ruswa
Publish Date: jeudi 31 décembre 2015
VISITS :80
By Admin

Abapolisi bagera kuri 40 batangiye amahugurwa y’iminsi 3 yo gukumira no kurwanya ruswa no kunyereza ibya rubanda nk’uko Polisi y’u Rwanda ihora ishyize imbere gahunda yo kongerera ubumenyi abapolisi ngo ruswa icike burundu.

Aya mahugurwa yateguwe na Polisi y’u Rwanda ku bufatanye n’ikigo cyitwa Legal Aid Forum(LAF), akaba yaratangiye ku italiki 28 Ukuboza 2015 mu Ishuri Rikuru rya Polisi NPC riri mu karere ka Musanze, akaba yari agamije kongera kwibukiranya no gushimangira uburenganzira bw’ukekwa mu gihe cy’iperereza.

Nk’uko bitangazwa n’umuyobozi mukuru w’Ishuri Rikuru rya Polisi NPC, Commissioner of Police (CP) Felix Namuhoranye, aya mahugurwa yari agenewe abagenzacyaha mu turere, abagenzacyaha bashinzwe ibyaha byo mu bukungu bakorera mu ishami rya Polisi y’u Rwanda rishinzwe gukumira, kurwanya ruswa no kunyereza ibya rubanda.

CP Namuhoranye yagize ati :” Kugirango Polisi y’u Rwanda itange serivisi nziza ku baturarwanda, igomba gukorana n’abafatanyabikorwa nka LAF mu guteza imbere ubumenyi butandukanye mu kazi kabo, hari hagamijwe rero kubahugura ku burenganzira bwa muntu tugira umuco wo kubwubahiriza mu gihe cy’iperereza, mu gufata no gufunga abakekwa kandi bigakorwa kinyamwuga.”

Yavuze ko bahuguwe ku kubaza abakekwa no gufata neza inyandikomvugo zabo ndetse no guhanahana amakuru n’izindi nzego kuri ruswa no kunyereza ibya rubanda.

Yagize kandi ati "Abahuguwe banaganiriye ku mbogamizi bahura nazo muri aka kazi, uburyo ibi byaha bigenzwa, gukoresha ibimenyetso mu kugenzura ikoreshwa ry’imari n’ibindi"

Abahuguye bavuye muri Polisi y’u Rwanda, mu biro by’Umugenzuzi w’Imari ya Leta, Ikigo cy’igihugu gishinzwe amasoko, mu bushinjacyaha bukuru na LAF.

Ibyo guhugura abapolisi ku burenganzira bwa muntu, Polisi y’u Rwanda na LAF babitangiye umwaka ushize, aho muri Mata uyu mwaka kandi hahuguwe abashinzwe uburenganzira bwa muntu na za kasho za Polisi, bakurikiwe n’abagenzacyaha mu gihugu hose.

Kurandura ruswa ni imwe mu ntego icumi Polisi y’u Rwanda ishyize imbere nk’uko yabigaragaje aho imaze gusezerera abapolisi 193 bafatiwe mu cyaha cya ruswa mu myaka 3 ishize ndetse n’abantu 341 yataye muri yombi bagerageza guha ruswa abapolisi mu gihe nk’icyo.

Kugira ngo igere ku ntego zayo zo kurwanya ruswa, Polisi y’u Rwanda yashyizeho kandi iha ingufu umutwe ushinzwe kuyirwanya, ishyiraho ikoranabuhanga ririnda abapolisi kugira aho bahurira n’amafaranga, ishyiraho imirongo yo guhamagara itishyurwa ariyo 997 na 3511, kandi igirana ubufatanye n’ibindi bigo bishinzwe kuyirwanya nk’Urwego rw’Umuvunyi Mukuru, Transparency Rwanda n’izindi,..

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yarahiriye kuyobora u Rwanda muri manda y’imyaka irindwi

22-08-2017

Perezida Kagame yarahiriye kuyobora u Rwanda muri manda y’imyaka...

Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...