LATEST NEWS
New section No17
Muzabe intangarugero mwitorere “Yego” mwitahire — Rev. Pasiteri Sibomana
Publish Date: mercredi 16 décembre 2015
VISITS :604
By Admin

Mu gihe Abanyarwanda bitegura amatora ya Kamarampaka azaba tariki 18 Ukuboza 2015 , hari bamwe mu banyapolitiki ndetse n’abakuru b’Amadini bakomeje gushimangira ko bazakomeza gusaba Perezida Paul Kagame kwiyamamaza ngo bamutore, kubera ko imiyoborere ye itagereranywa n’ibyiza yagejeje ku banyarwanda.

Ubwo yari yitabiriye umuhango wo gutaha ibyumba by’amashuri abanza n’ikibuga cy’imikino y’intoki ( Volley Ball na Basket Ball ) byubatswe mu murenge wa Bugarama , akarere ka Rusizi mu ntara y’Uburengerazuba , umuvugizi w’Itorero rya Adepr mu Rwanda yasabye abakristu bo mu Itorero ayoboye kurushaho kuba intangarugero batora kare , kandi bagashimangira ko Perezida wa Repuburika y’u Rwanda Paul Kagame yongera kwiyamamaza.

Umuvugizi w’Itorero rya Adepr mu Rwanda Rev. Pasiteri Jean Sibomana ati "Turashimira imikoranire myiza ituranga hagati y’Itorero n’ubuyobozi kandi tuzakomeza twese gufatanyiriza hamwe ibyo bikorwa, kugira ngo gukomeza guteza imbere Abanyarwanda. Ndashimangira cyane igikorwa cyiza cyane cy’Abanyarwanda twiteguye mur’iki cyumweru ku wa gatanu tariki 18.

Muzi mwese ko Abanyarwanda twahagurutse, abanyetorero tugahaguruka tuti "Ingingo yi 101 ivugururwe", ibyo byarakiriwe neza mu nteko ishinga amategeko, byakirwa neza, babikora neza, ingingo iravugurwa kugira ngo umukuru w’Igihugu cyacu Prezida wa Repubulika Paul Kagame abashe kugira uburenganzira bwo kuzongera kwiyamamaza no mu zindi manda zikurikira, ibyo byarakozwe.”

Umushumba mukuru akaba n’umuvugizi w’Itorero rya ADEPR yakomeje avuga ati "Ubwo rero ikigamijwe kuri uyu wa gatanu tariki 18 Ukoboza 2015, ni ukujya kwemeza ririya vugururwa ry’Itegeko nshinga […], ahasigaye rero twebwe nk’abanyarwanda kugira ngo tuziyemereze iriya Referendumu twitorere << Yego >>, mwakoze neza kuvugurura Itegeko nshinga."

Umuvugizi w’Itorero rya Adepr mu Rwanda Rev. Pasiteri Jean Sibomana, akangurira abayoboke b’Itorero rya Adepr kujya gutora kare kandi bagatora yego yagize ati "Ndagira ngo rero nsabe abakristu bacu basengera muri ADEPR, saa moya za mu gitondo nibwo ibiro by’Itora bizaba bikinguye, muzabe aba mbere.

Turifuza y’uko abakristu bacu ba Adepr bazaba intangarugero mu bandi bakristu bose, baboneka mu yandi matorero yose, muzabe aba mbere kwigerera ku biro by’Itora mwitorero Yego mwitahire, mwigire muri bya bikorwa byanyu, mujye guhinga […], mushake ibiteza imbere imiryango yanyu, mwe kwirirwa muhagaze hariya ku mirongo."

Umushumba mukuru akaba n’Umuvugizi wa Adepr yasabye abatuye mu murenge wa Bugarama kwibuka kwitwaza ibyangombwa bisabwa umuntu wese ugiye gutora, harimo ikarita y’Itora ndetse n’Irangamuntu.

Muri ibi birori, Abayobozi bakuru b’Itorero rya Adepr mu Rwanda bari bayobowe n’Umushumba mukuru akaba n’Umuvugizi w’Itorero rya Adepr mu Rwanda Rev. Pasiteri Jean Sibomana, Umunyamabanga w’Itorero rya Adepr mu Rwanda, Abayobozi b’Ingabo na Polisi, abavugabutumwa n’abaterankunga b’iki gikorwa baturutse mu gihugu cy’Ubwongereza, bayobowe na Mike Haden, Jane na Kenny bayoboye umuryango w’abakorerabushake witwa Hands Around the World.

Umuhango wo gufungura ibi bikorwa ,wanitabiriwe n’abavugabutumwa n’Abakristu baturutse mu yandi matorero akorera mu karere ka Rusizi.

Inyubako zose zubatswe mu murenge wa Bugarama zatwaye amafaranga Miliyoni 29 n’ibihumbi 500 by’u Rwanda. Uretse aya mafaranga yatanzwe, ikibuga cy’imikino y’Intoki nacyo cyatwaye Miliyoni 10 n’ibihumbi 730 y’u Rwanda.

Intumwa ya Ministiri w’uburezi Bwana Gerald Rutari wari n’umushyitsi mukuru, muri ibi birori yashimiye cyane umuyobozi wa Rwanda School Virage Project Bwana Dr. Simon Mbarushimana uburyo akunda igihugu cye kandi agaharanira kuzana Iterambere aho yavukiye.

Gerald Rutari yagize ati "Ndashimira cyane buri wese wakoze icyo ashoboye ngo Mihabura itere imbere. Ndashimira cyane abaterankunga bose uburyo bitanze bakaba bamaze kuzuza amashuri ndetse n’ikibuga twiboneye hano.

Ndasaba buri wese hano kumva ko ijambo Gukunda Igihugu bikwiye kuva mu magambo bikajya no mubikorwa […]. Niba uvuga ngo ukunda igihugu, utangire ubirebere muri Simon Mbarushimana.

Uyu akunda igihugu kuko nubwo ataba mu Rwanda, ahora azirikana iterambere ryaho akomoka. Ashaka kugeza Iguhugu cye ku Iterambere binyuze mu burezi bw’Abagituye […].”

Umuvugizi w’Itorero rya Adepr Rev. Pasiteri Jean Sibomana yashimiye byimazeyo Dr. Simon Mbarushimana ukomeje guteza imbere aho avuka mu karere ka Rusizi mu murenge wa Bugarama. Uyu mugabo akaba akora ubuvuzi mu gihugu cy’Ubwongereza.

IBYISHIMO.COM

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...