LATEST NEWS
MU RWANDA
Ngoma : Polisi y’u Rwanda yafashe ibiro 150 by’urumogi byari bitwawe mu modoka
Publish Date: dimanche 6 décembre 2015
VISITS :260
By Admin

Polisi y’u Rwanda mu karere ka Ngoma, ku itariki 3 Ukuboza 2015, yafashe imifuka itanu irimo urumogi rungana n’ibiro 150 bikaba byari bitwawe mu modoka ifite nomero za purake RAB 029 R.

Umuvugizi wa Polisi y’u Rwanda mu ntara y’Uburasirazuba, Inspector of Police (IP) Emmanuel Kayigi, yavuze ko urwo rumogi rwafatiwe mu kagari ka Muzingira, mu murenge wa Mutenderi , ahagana saa munani z’ijoro.

Yagize ati :"Polisi y’u Rwanda muri aka karere imaze kumenya ko iriya modoka itwawemo urumogi, yahise ishyiraho uburyo bwo kuyifata. Abantu babiri bari bayirimo bageze hariya rwafatiwe, babonye bariyeri ya Polisi y’u Rwanda imbere yabo maze bayivamo, bariruka."

IP Kayigi yavuze ko iyo modoka n’urwo rumogi biri kuri sitasiyo ya Polisi y’u Rwanda ya Kibungo, mu gihe iperereza rikomeje kugira ngo hafatwe abari bayirutwayemo ndetse n’abandi bafite aho bahuriye na rwo.

Na none, mu rukerera rwo ku itariki 2 Ukuboza 2015, Polisi y’u Rwanda mu karere ka Kayonza yafatanye ibiro 15 by’urumogi uwitwa Ayinkamiye Xavera uri mu kigero cy’imyaka 31 y’amavuko, akaba yari umwe mu bagenzi bari mu modoka yavaga ku Rusumo yerekeza mu mujyi wa Kigali.

IP Kayigi yagize ati : "Ubwo Polisi y’u Rwanda yatangiraga gusaka iyo modoka, Ayinkamiye yahise ayisohokamo, asiga urwo rumogi aho yari yicaye, ariruka. Umupolisi yahise amwirukaho, aramugarura, maze basanga ruriya rumogi aho yari arusize."

Yavuze ko afungiwe kuri sitasiyo ya Polisi y’u Rwanda ya Kabarondo ndetse n’urwo rumogi akaba ari ho rubitse mu gihe iperereza rikomeje.

IP Kayigi yongeye kwibutsa ko kunywa, gucuruza no gukwirakwiza urumogi kimwe n’ibindi biyobyabwenge, uretse kuba binyuranyije n’amategeko, kubishoramo amafaranga ari ukuyapfusha ubusa kuko iyo bifashwe birangizwa kandi uhamwe n’ibyo byaha akaba afungwa ndetse agacibwa ihazabu.

Na none yibukije abaturage ko ibyaha nko gukubita no gukomeretsa, ihohoterwa rishingiye ku gitsina, gufata ku ngufu, no gusambanya abana, bikorwa ahanini n’abanyoye ibiyobyabwenge.

Yongeyeho ko bishobora kandi gutuma abantu bishora mu busambanyi, kandi ko ingaruka zabwo harimo gutwara inda zitateganyijwe zituma urubyiruko ku buryo by’umwihariko ruva mu ishuri , no kwandura zimwe mu ndwara zandurira mu mibonano mpuza bitsina .

IP Kayigi yagize ati :"Ibyaha bikorwa n’ababinyoye biteza umutekano muke, akaba ari yo mpamvu buri wese akwiye kutabinywa, kutabicuruza, no kutabikwirakwiza."

Yakanguriye abaturage kwirinda ikintu cyose kinyuranyije n’amategeko kandi abasaba kujya baha amakuru Polisi y’u Rwanda yatuma gikumirwa cyangwa yatuma hafatwa abagikoze cyangwa abategura kugikora.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
Umunani bafunzwe bazira kugerageza guha ruswa abapolisi

Umunani bafunzwe bazira kugerageza guha ruswa abapolisi

Perezida Kagame yibukije abayobozi ko Imana yabaremanye ubushobozi

Perezida Kagame yibukije abayobozi ko Imana yabaremanye ubushobozi

Babiri bafunzwe bakekwaho guha ruswa abayobozi b’inzego z’ibanze

Babiri bafunzwe bakekwaho guha ruswa abayobozi b’inzego z’ibanze

Umunyamakuru Shyaka Kanuma wafashwe atorotse yasabiwe kuburana afunzwe

Umunyamakuru Shyaka Kanuma wafashwe atorotse yasabiwe kuburana...

Abayobozi b’ibigo by’amashuri bane bafunzwe bakekwaho kunyereza arenga miliyoni 50

Abayobozi b’ibigo by’amashuri bane bafunzwe bakekwaho kunyereza arenga...

NEW POSTS
Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...

Uko Kigeli bashakaga kumutabariza muri Portugal, n’ uko yazanywe mu Rwanda bujura

13-01-2017

Uko Kigeli bashakaga kumutabariza muri Portugal, n’ uko yazanywe mu Rwanda...