LATEST NEWS
New section No17
Nyabihu : Abatwara abagenzi ku magare bakanguriwe kwirinda no kurwanya ibiyobyabwenge
Publish Date: dimanche 27 décembre 2015
VISITS :32
By Admin

Abatwara abagenzi ku magare bazwi ku izina ry’abanyonzi bagera ku 150 bakorera umwuga wabo mu murenge wa Mukamira, wo mu karere ka Nyabihu, bibumbiye muri Mukamira Bicycle Travel Service Cooperative (MUBTSC) bakanguriwe kutanywa, kudatunda, no kudacuruza ibiyobyabwenge, kandi bagaha Polisi y’u Rwanda amakuru y’ababikora.

Ubu butumwa babuhawe ku ya 23 Ukuboza 2015 na Assistant Inspector of Police (AIP) Marie Rose Uwizera, akaba ashinzwe imikoranire ya Polisi y’u Rwanda n’abaturage ndetse n’izindi nzego hagamijwe ubufatanye mu kurwanya no gukumira ibyaha muri aka karere.

AIP Uwizera yabwiye abo banyonzi ati :"Ibiyobyabwenge birisobanuye. Nk’uko bivugitse, biyobya ubwenge bw’uwabinyoye, akaba ari nayo mpamvu akora ibyaha kuko nta mutimanama baba bafite."

Yabasobanuriye ko ibyaka nko gukubita no gukomeretsa, ihohoterwa rishingiye ku gitsina, gufata ku ngufu, no gusambanya abana, bikorwa ahanini n’abanywi babyo.

Yabibabwiye muri aya magambo :"Abantu bamwe bishora mu biyobyabwenge bibwira ko bizatuma bakira vuba, ariko mu by’ukuri, kubishoramo amafaranga ni ukuyapfusha ubusa kuko iyo bifashwe birangizwa. Ikindi kandi, ubifatanywe arafungwa akanacibwa ihazabu. Iyo afunzwe, ntaba akora ngo yiteze imbere. Ibyo byose bidindiza iterambere ry’uwabifatanywe ."

Na none AIP Uwizera yabwiye abo banyonzi ko ibiyobyabwenge bitera uburwayi ababinywa kandi ko bishora abantu mu ngeso mbi nk’ubusambanyi kandi ko ingaruka zabwo zirimo kwandura indwara zandurira mu mibonano mpuzabitsina.

Yababwiye kubahiriza amategeko agenga gutwara igare mu muhanda kugira ngo birinde gukora cyangwa guteza impanuka.

AIP Uwizera yabasabye kandi gukomeza guha amakuru Polisi y’u Rwanda yatuma harwanywa ndetse hakanakumirwa ikintu cyose gishobora guhungabanya ituze rya rubanda.

Yanababwiye na none kujya bagira amakenga kugira ngo badatwara abagiye gukora ibyaha cyangwa abafite ibintu binyuranyije n’amategeko nk’urumogi, kandi abasaba kujya bihutira guha Polisi y’u Rwanda amakuru mu gihe babonye cyangwa bumvise ikintu cyose giciye ukubiri n’amategeko.

Umuyobozi wa MUBTSC, ari we Twizeyimana Jean Baptiste yagize ati :"Iyi nama ni ingirakamaro kuko twayihwituriwemo kubahiriza amategeko agenga umwuga wacu no kugira uruhare mu kurwanya no gukumira ibyaha."

Mu izina rya Koperative abereye umuyobozi, Twizeyimana yashimye Polisi y’u Rwanda mu karere ka Nyabihu ku nama yabagiriye, maze asaba bagenzi kuzikurikiza uko zakabaye.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Diane Rwigara yaretse NEC ko afite ’ Ubwenegihugu bw’Ububiligi ’ ngo akaba yifuza kuyobora u Rwanda

22-06-2017

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba...

Kagame yagaragaje ko yagakwiye kuba ahereza undi ubuyobozi ariko FPR yamusabye ko bakomezanya

21-06-2017

Kagame yagaragaje ko yagakwiye kuba ahereza undi ubuyobozi ariko FPR...

Amabanga y’Ubuto bwa Kagame [ Secrets de Jeunesse ]

20-06-2017

Amabanga y’Ubuto bwa Kagame [ Secrets de Jeunesse ]

Uko Perezida Kagame yasubije umukobwa w’ Umunya Mali wibaza niba yabona Ubunyarwanda

12-06-2017

Uko Perezida Kagame yasubije umukobwa w’ Umunya Mali wibaza niba yabona...

RWANDA DAY : Perezida Kagame yabwiye abanyarwanda ko muri raporo zitandukanye u Rwanda rukomeje kuza ku isonga

12-06-2017

RWANDA DAY : Perezida Kagame yabwiye abanyarwanda ko muri raporo...

Bruxelles : Imyiteguro ya Rwanda Day irarimbanije [ AMAFOTO ]

12-06-2017

Bruxelles : Imyiteguro ya Rwanda Day irarimbanije [ AMAFOTO...

Bruxelles : Abarundi benshi n’ Abacongomani batawe muri yombi bazira gutera amabuye abanyarwanda baje kwakira Perezida Kagame

12-06-2017

Bruxelles : Abarundi benshi n’ Abacongomani batawe muri yombi bazira gutera...

Hari impamvu muri PL na PSD koko bagombaga guhitamo Kagame

9-06-2017

Hari impamvu muri PL na PSD koko bagombaga guhitamo Kagame