LATEST NEWS
MU RWANDA
Nyagatare : Urubyiruko rwiyemeje gukangurira abantu kwirinda ibyaha
Publish Date: jeudi 31 décembre 2015
VISITS :38
By Admin

Urubyiruko Nyarwanda rw’abakorerabushake mu kurwanya no gukumira ibyaha (Rwandan Youth Volunteers in Crime Prevention Organisation-RYVCPO) rwo mu karere ka Nyagatare rwiyemeje kurushaho gukangurira abantu kwirinda no kurwanya ibyaha.

Uyu mwanzuro rwawufatiye mu nama yarwo yabereye ku biro by’aka karere ku itariki 29 Ukuboza 2015.

Umuhuzabikorwa warwo witwa Michel Rwiyemaho yavuze ko iyo nama yari igamije gusuzuma uko imikorere yarwo imeze, n’uko imikoranire hagati yarwo n’izindi nzego imeze, ndetse no gufata ingamba zatuma ibyo birushaho kunozwa.

Iyo nama yitabiriwe kandi n’umuyobozi wa Polisi y’u Rwanda muri aka karere, Senior Superintendent of Police (SSP) Christian Safari, akaba yarabagiriye inama y’ukuntu barushaho kunoza ibyo bakora.

Ibiyobyabwenge nk’urumogi n’inzoga zitemewe nka Kanyanga biri mu byo SSP Safari yabwiye urwo rubyiruko kurushaho kurwanya.

Yarusobanuriye ko ibyaha nko gukubita no gukomeretsa, gufata ku ngufu, gusambanya abana, n’ihohoterwa rishingiye ku gitsina bikorwa ahanini n’abanyoye ibiyobyabwenge.

SSP Safari yabwiye urwo rubyiruko ati :"Ibiyobyabwenge nk’uko byitwa biyobya ubwenge bw’uwabinyoye. Ni na yo mpamvu akora bene biriya byaha ndetse n’ibindi kuko nta mutimanama aba afite."

Yarubwiye kujya rusobanurira abantu ingaruka zabyo no kubakangurira kutabinywa, kutabicuruza, no kutabikwirakwiza .

Rwiyemaho yabwiye bagenzi be ati :"Twiyemeje kuba ijisho ry’umutekano. Kugira ngo ibyo tubigereho, tugomba kurushaho kurwanya no gukumira ibyaha bitaraba, kandi tugaha amakuru Polisi y’u Rwanda ku gihe yatuma bikumirwa ndetse yanatuma hafatwa ababikoze cyangwa abari gucura imigambi yo kubikora."

Iyo nama yashojwe hemejwe ko hazajya habaho inama ngaruka kwezi izajya ihuza Polisi y’u Rwanda muri aka karere n’urwo rubyiruko kugira ngo impande zombi zifatire hamwe ingamba zo kurushaho kurwanya no gukumira ibyaha.

RYVCPO igizwe n’abanyeshuri biga muri Kaminuza n’amashuri yisumbuye ndetse n’ababirangije.

Abayigize bagera bose ku 7000, bakaba babarizwa mu turere twose tw’igihugu, aho bakorera ibikorwa bigamije kurwanya no gukumira ibyaha.

Uru rubyiruko rukora kandi ibindi bikorwa birimo kubakira imwe mu miryango itishoboye, kuyirihirira ubwisungane mu kwivuza, no kuyoroza amatungo magufi n’amaremare.

Ku itariki 7 Gicurasi 2015, RYVCPO yasinyanye na Polisi y’u Rwanda amasezerano y’ubufatanye mu kurwanya no gukumira ibyaha.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
Urukiko rwategetse ko Umunyamakuru Shyaka Kanuma afungwa by’agateganyo iminsi 30

Urukiko rwategetse ko Umunyamakuru Shyaka Kanuma afungwa by’agateganyo...

Kicukiro : Umunyeshuri yafatanwe kashe 39 z’impimbano

Kicukiro : Umunyeshuri yafatanwe kashe 39 z’impimbano

Abahuzabikorwa ba DASSO muri Nyamagabe basabwe kwibanda ku gukumira ibyaha

Abahuzabikorwa ba DASSO muri Nyamagabe basabwe kwibanda ku gukumira...

Umunani bafunzwe bazira kugerageza guha ruswa abapolisi

Umunani bafunzwe bazira kugerageza guha ruswa abapolisi

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...