LATEST NEWS
New section No17
Nyamasheke : Umuyobozi wa SACCO afunzwe kubera gukekwaho kuba umwe mu barigishije amafaranga miliyoni 37
Publish Date: lundi 30 novembre 2015
VISITS :112
By Admin

Polisi y’u Rwanda mu karere ka Nyamasheke yafashe umuyobozi wa SACCO yo mu murenge wa Ruharambuga, mu karere ka Nyamasheke, kubera gukekwaho kuba umwe mu barigishije amafaranga y’u Rwanda arengaho gato miriyoni 37 y’iri shami yari abereye umuyobozi.

Umuvugizi wa Polisi y’u Rwanda mu ntara y’Uburengerazuba, Inspector of Police (IP) Théobald Kanamugire, yavuze ko uwo muyobozi wa SACCO yitwa Nkundibiza Jean Pierre, akaba yarafashwe ku itariki 26 Ugushyingo 2015, nyuma y’igenzura ryagaragaje ko ari mu barigishije ariya mafaranga.

IP Kanamugire yagize ati :"Kuva ku wa kane w’icyumweru gishize, itsinda ry’abagenzuzi baturutse mu Kigo cy’igihugu gishinzwe guteza imbere Amakoperative (Rwanda Cooperatives Agency- RCA) riri gukora igenzura muri ririya shami rya SACCO. Ku munsi wa mbere, ryahise ritahura ko hari amafaranga yarinyerejwemo."

Yakomeje agira ati :"Kugeza ubu, abantu babiri ni bo bakekwaho kuyanyereza, abo akaba ari Nkundibiza, ukekwaho kunyereza amafaranga y’u Rwanda angana na 14. 701, 000, na Gasore Bernard, wari ushinzwe ibaruramari muri ririya shami rya SACCO, akaba we akekwaho kunyereza miriyoni z’amafaranga y’u Rwanda zingana na 22, 376, 740.

IP Kanamugire yagize ati :"Ubwo iryo tsinda ry’abakozi ba RCA biteguraga gutangira igenzura, Gasore yasohotse aho bari bagiye kurikorera, agenda nk’ugiye kwiherera, ntiyagaruka, ahita acika mbere y’uko we na Nkundibiza bagira icyo batahurwaho."

Yavuze ko Nkundibiza afungiwe kuri sitasiyo ya Polisi y’u Rwanda ya Ruharambuga mu gihe iperereza rikomeje kugira ngo Gasore afatwe ndetse n’undi wese ufite aho ahuriye n’iki cyaha .

IP Kanamugire yagize ati :"Abantu bakwiye kwirinda konona no kurigisa umutungo. Uwaramuka amenye by’umwihariko amakuru ajyanye na ririya nyerezwa ry’ariya mafaranga, arasabwa kuyamenyesha Polisi y’u Rwanda."

Umuntu uhamwe n’iki cyaha ahanishwa igifungo kuva ku myaka irindwi (7) kugeza ku myaka icumi (10) n’ihazabu y’amafaranga yikubye inshuro kuva kuri ebyiri (2) kugeza kuri eshanu (5) z’agaciro k’umutungo warigishijwe cyangwa wononwe.

RNP

IBITEKEREZO
Juma

Kurya ni ukwishyura uyu muyobozi nta sura nziza yerekana kubaturage agomba kubiryozwa niba iki cyaha kimuhama


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...