LATEST NEWS
MU RWANDA
Padiri Ubald avuga ko nta dini ryajyaho ngo ryiyemere ko ritakoze Jenoside
Publish Date: mercredi 13 avril 2016
VISITS :2441
By Admin

Padiri Ubald Rugirangoga avuga ko nta dini cyangwa itorero ryo mu Rwanda ryajyaho ngo ryiyemere ngo ntiryagize uruhare muri Jenoside yakorewe Abatutsi mu 1994.

Ibi yabivugiye mu isengesho ryo gusabira abarwayi no gukira ibikomere ryateguwe na Paruwasi ya Remera, Regina Pacis, ryabaye kuri uyu wa 10 Mata 2016 kuri Stade Amahoro.

Ni isengesho ryari ryitabiriwe n’abantu baturutse imihanda yose aho Stade Amahoro yari yuzuye.

Padiri Ubald avuga ko bitumvikana uburyo mu Rwanda habura itorero na rimwe ryatangwaho urugero rwo kuba ritaragize uruhare muri Jenoside yakorewe Abatutsi.

Yagize ati “Habure itorero na rimwe ryakwivuga ibigwi ngo twebwe nk’itorero ryacu ni ukuri turi abere b’amaraso y’Abatutsi yamenetse muri Jenoside”.

Ubald yongeraho kandi ko yakoreye ubutumwa butandukanye muri za gereza zo mu Rwanda agasanga abakoze Jenoside bose bari mu matorero atandukanye, aho yemeza ko yose ahagarariwe.

Kuri we nta dini rikwiye kubeshya ngo abayoboke baryo ntibakoze Jenoside.

Yifashishije urugero rw’idini rya Islam, yagize ati “Abayisilamu bari aha ngaha, kubera iki gitambo cyo gusabira abarwayi, n’Abayisiramu nzi ko muri aha ngaha, ntimuzongere kubeshya, nimujya i Cyangugu muzasanga uwitwa Yusufu wari Umwisilamu ari we wamaze abantu. Ariko ugasanga muravuga ngo twebwe Abayisilamu ntabwo twamaze abantu, nta Jenoside twakoze, mwitonde mwo kujya mubeshya. Muzajye yo muzasanga Yusufu ni we wagiye kwica Abatutsi mu Bisesero.”

Yunzemo ati “Jyewe iyo bavuze ngo Abisilamu ntibakoze Jenoside nk’umuntu uvuka i Cyangugu natekereza ibyo Yusufu yakoze i Cyangugu, yaratumaze ! Oya nta n’umwe urokoka iki kintu (Jenoside). Muze twese dusabe imbabazi ahubwo.”

Uyu mupadiri ntiyiyumvisha uburyo abantu bakorera Imana, banigisha ijambo ryayo bose habura uwaba yarabaye intwari ngo ibibi byabaye ntibibe.

Ati “Habure itorero na rimwe ? Habure Paruwasi n’imwe yarokoka muri iki gihugu cyacu ? Nk’abantu twigisha ivanjiri umuntu agahaguruka akavuga ngo mbaye padiri nzigisha urukundo. Nzaba umuhamya warwo ! Ni igikomere dufite.”

Kuri we ibibazo byarabaye, ariko n’ibisubizo birahari kugira ngo ingengabitekerezo ya Jenoside yakorewe Abatutsi irwanywe.

Ahamya ko ibibazo Jenoside yasize bizarangira ari uko Abanyarwanda bemeye gusaba no gutanga imbabazi.

Ubald ahamya ko amaze kubona uko Jenoside ikozwe, yararaga arira yicuza impamvu yabaye padiri. Aha anagaya bamwe mu bapadiri badafata iya mbere ngo babe bashishikariza Abanyarwanda gusaba no gutanga imbabazi.

Uku ni ko yabibwiye imbaga y’Abanyarwanda : “Nararaga ndira, nkavuga nti Mana kuki nabaye Padiri iyo mba wenda ikindi kitari padiri. Kubona uri padiri abantu bakicana !

Abapadiri hari igihe njya mbareba ngo bari muri za paruwasi badashaka gufasha abantu ngo binjire muri ibi bintu byo gufasha abantu ngo basabe imbabazi babikuye ku mutima banazitange babikuye ku mutima, ndabareba nti sha ikinyoma cyaritse muri paruwasi yawe.

Ibi bintu mvuze bijya binteranya n’abantu ariko uwo ivanjiri idateranya aba atayikurikiza. Iyo mvuze ngo iyo intama zonnye hatukwa abashumba, Abasenyeri n’abapadiri bahita bavuga ngo ariko ibintu uba uvuga ni ibiki ? None ndongeye ndabivuze. Iyo intama zonnye hatukwa abashumba.”



Padiri Ubald Rugirangoga (Ifoto Ndayishimye JC)

Padiri Ubald yatambagije Ukarisitiya Stade Amahoro yose (Ifoto/Ndayishimiye JC)

Bamwe mu Bakirisitu bafashwa cyane n’isengesho rya Padiri Ubald bakabigaragaza (Ifoto/Ndayishimiye JC)

Uyu yaje acumbagira afite imbago ariko yatashye agenda neza (Ifoto/Ndayishimiye JC)

Stade Amahoro yari yakubise iruzura Abakirisitu bo mu madini n’amatorero atandukanye bakunda kwitabira isengesho rya Padiri Ubald (Ifoto/Ndayishimiye JC)

Kuri we, kugumya abantu basutamye batagira icyo bakora ngo ibibazo byasizwe na Jenoside bishire nta kamaro.

“Ari na cyo gituma abantu bahaguruka bakavuga bati “ Wenda ibyo ntashoboye gukora icyo gihe noneho reka ngerageze.”

“Ubu turi gukura intama mu bwone, ubu ngubu turi kubakura mu bwone izi nyigisho tubaha ni izo kubashishikariza gusaba imbabazi no kuzitanga, ndumva ndi kubakura mu bwone kuko ndi umushumba. Mvuge se ko ntari umushumba kandi ndi umusaseredoti ? Ndi umushumba, ndi gukura intama mu bwone, utabyumva atyo ni akazi ke, azagira uko azasubiza imbere y’Imana, cyokora tuzagira icyo tuzasubiza twese.”

Uyu wihaye Imana yemeza ko abishe abantu muri Jenoside bafungiranye abarokotse Jenoside kandi igihe batazababwira ko babasabye imbabazi, bazahorana iyo ntimba ku mutima bitatuma nabo batazitanga.

Ashingiye ku ngero z’abantu basabye imbabazi abo biciye n’abazitanze, Ubald ahamya ko gusaba no gutanga imbabazi bikiza, ari na byo byo nyine bishobora kuba umuti w’ibibazo byatewe na Jenoside yakorewe Abatutsi.

Padiri Rugirangoga Ubald yamenyekanye cyane kubera ibikorwa byiganjemo ibyo gusengera abarwayi bagakira no kwigisha ubumwe n’ubwiyunge akaba abikorera hirya no hino mu Rwanda no mu mahanga. Ni uwo Diyosezi ya Cyangugu akaba amaze imyaka 33 yarihaye Imana.

Source : Izuba rirashe

IBITEKEREZO
mukeshimana iblahim

Padri ntugasebye idini rya isramu witwaje ngo usengerabantu bagakira reka njye nzakuzanire ikirema ugisengere gikire abo nabanyamitwe uba wazanye ibirema byuzuye mugihugu kuki utabisengera ngo bikire harumunsi washira udahuye nabamugaye uzaze irubavu urebe abo muri congo na banyarwanda buzuye hano petite bariere ubasenge baseromba sibo boretse insengero none sibo bakwigishije ntugasebye murye mwera ko mwakoze amahano nabayakoze nabakritsu banyu nawe ubwawe wivugiye kuri radio rwanda ko watangiye wunga abarokotse jenoside na babishe ubwo urumva atarabakristu gusa none harumusiramu wari mwiyo kiriziya yimusha mumbabarire igitekerezo cyanjye gitambuke murakoze

ngirimana

kiriziya numubyeyi kd abakoze jenocide bayikoze kugiti cyabo kd kuba Islam nabo bakoze jenocide ntamuyoboke numwe widini runaka utarakoze jenocide Islam ntiyanjy hariya ngo ivuge ko ntamuyoboke wayo utarayikoze kba ntabaguye mumusigiti nuko babonag ntabuhungiro buhari kko ihora ifunze kd ntiwapfa kwinjira mumusigiti uko wiboney kd nabahasengera barapfuye kd bicwa nabo twunge ubumwe tubane mumahoro duharanira ko bitazasubir

jeanlee

none se kuba abantu bariciwe mu kiriziya no mu nsengero..............ese ni bangahe barokokeye mu musigiti.......ntibabura ariko impamvu ni uko abicanyi n'ubundi bateye aho basanga benshi......kandi nta nsengero zagiraga intersec.............dasso polisi........ikindi niyo bahaba bose bari kuba bari muri gahunda.................ariko nta padiri waba yarabikoze mw'izina rya kiriziya gatorika nkuko na yusufu atabikoze mw'izina rya kislamu....................rer o gatorika ntiyakoze genocide wenda ntacyo yakoze ngo iyikumire...........ariko na islamu ntacyo yakoze kuri iyo ngingo...........yararebeye nayo..............abakoze ibyuo byose ni abayboke b'amadini..............ba geze hassan harya ubwo twavuga ko mwabamaganye ku mugaragaro ? ryari ? ntibajyaga gusari se muri kumwe ?

AL BUGHARAMIY

buriya Ubald ni ukwivana mu soni, ninde uyobewe ko kiriziya ziciwemo abantu zibifashijwemo n'abapadiri n'abasenyeri ? uzajye i Rukara n'ahandi... abantu barishwe, apana guharabika Islam n'abaislam, Ubuislam bwari buzi agaciro k'ikiremwa muntu ntago bwari gushishikariza abaislam cg ngo mu misigiti hicirwe abatutsi bazira uko Allah yabaremye, Nimusabe leta imbabazi nkamwe mwabanje mu gihugu kuhagera,

Angel Uwamalaika juma

Thank you Mr djumapili, noho uwo mupadiri azasubire mu mumateka yu Rwanda Na madini .God bless Islam.

vicky

ibyo ubald yavuze nibwirako yahereye ko mbere byafatwaha ko Islam nta muyoboke wayo wakoze jenoside ariko byari ikinyoma kuko uretse Yusufu nibwirako ntamuntu mukuru utazi uwitwa NGEZE Hassan wayoboraga KANGURA (ariyo yasohoye ibyo bise amayegeko 10 ngo y'abahutu) naho kwitwaza ko mu misigiti nta muntu waguyemo ahubwo ni ikibazo wakwibaza impamvu bahatinye ese ntibyaba ari uko batari bahizeye uburinzi buhagiye cg wenda bakaba barahatinyaga kuhinjira kubera ko batari barakebwe ko mbona habamo ibintu byinshi bisabwa abinjira mu musigiti naho kiliziya zikaba zitarahezaga zikakira bose cyane ko abishwe bari abana bayo bari bayifitiye icyizere IKIBAZO KIRIZIYA NTA NGABO IGIRA rero Leta mbi iraza irabica ariko uwahishe umuntu ndumva atabizizwa

Hassan

Iyo bavuze ngo idini ryakoze Jenoside baba bavuga : administration... Ubuyobozi bw'idini uruhare bwagize, mubukangurambaga, guhururiza abarihungiyemo, n'ibindi nk'ibyo. Gaturika : Yego Islam : Oya

kamanzi aiem

Ariko padiri rwose nawe uraseka, ninde se wagutumye abasilam wa kwishakira amaramuko ukunda ariko wikwitwaza Islam nkaho hari uwagusabye kuyivugira kuko nturi umusilam, ntuyihagarariye kandi amateka ntiwayasiba ya kiliziya gatolika yoretse imbaga, . ..ugereranya Islam na katolika koko nta soni ? Ni hehe se mu Rwanda hari urwibutso rwa jenoside rwari u musigiti ? Ariko se tubare kiliziya ? Ibyo wavuze byuzuye urwango kuri Islam na abasilam kuko ntawagutumye kuvugira Islam kandi ntuyihagarariye, ugabanye amarangamutima

saim

birashoboka ko umusilam kugiti cye yakoze jenocide ariko nta musigiti numwe wiciwemo abawuhungiyemo nta muyobozi numwe mu idini ya Islam washishishikarje abayobokebe gukora ayo mahano Islam ni idini yurukundo n'amahoro padiri sigaho.

Sheikh Mbabajende Djumapili

PADIRI UBALD Namubwira we n'Abandi nkawe bavuga ko IDINI YA ISLAMU yakoze JENOCIDE yakorewe Abatutsi atari ibyo ahubwo ari ikinyoma gikwiye kurwanywa kubera izi mpamvu nyazo zifatika kandi zikurikira : 1-Leta y'Ubumwe bw'Abanyarnda yamaze kugaragaza mu buryo budasubirwaho ko KILIZIYA GATORIKA nta gushidikanya, Yagize uruhare muri Jenoside yakorewe Abatutsi muri Mata/94 2-Leta y'u Rnda yashimiye Idini Ya Islamu kuba itarijanditse muri Jenoside ahubwo ibi bikaba ari ipfunwe kuri Ubald n'Abandi nkawe ndetse nkaba nta natinya kuuga ko ari n'ishyari bafitiye Idini ya Islamu. 3-Kuba nta Musigiti n'Umwe wigeze ugwamo Umuntu n'Umwe ngo umenekemo AMARASO nk'ayamenetse mu nsengero za KILIZIYA GATORIKA hirya no hino mu Gihugu hanaguyemo Abakiristu bayo benshi bari barazihungiyemo. 4-Nta Mu Sheikh n'Umwe habe n'Umuyobozi n'Umwe w'Idini ya ISLAMU wigeze yica Umuntu, ahubwo hari abo bakijije bavuye mu misigiti urugero ruto ni ku Musigiti wa Kamembe wo mu Mujyi i RUSIZI/CYANGUGU Ndasoza nkira nti : Ibyo Padiri Ubald avuga we n'Abandi sibyo rwose ahubwo nicyo kinyoma. Amateka ashima Islamu nk'Idini kuba yaritwaye neza muri Jenoside yakorewe Abatutsi niyo kandi ni meza ni ayo gushima nubwo bamwe mu Bayislamu bishe ku giti cyabo atari mw'Izina rya Islamu nta n'Uwishe yambaye Umwambaro w'Idini cyangwa w'Ubuyobozi bw'Idini ya Islamu nk'uko byagaragaye muri Kiliziya Gatorika Aya Mateka meza ku dini ya Islamu Padiri Ubald n'Abandi rero ntibayahindura ngo bishoboke Kuba bamwe mu Baislamu nka Yusuf wo mu Bugarama barishe nta mbaraga ngo binashingirweho byemezwa ko ISLAMU NK'IDINI hari uruhare yagize muri JENOSIDE YAKOREWE ABATUTSI MU MWAKA W'i 1994. Ndasaba igitekerezo cyanjye ko kitabikwa mi kabati nkahabwa Uburenganzira bwanjye bwo gutanga iki gitekerezo.

mahoro

nta dini ryakoze genocide. Genocide yakozwe ni inkoramaraso zikwiye gukanirwa ibizikwiye

boss

kureka rimwe gusa ry'ukuri. Ariko ayandi yise uvuze ukuri pe


TANGA IGITEKEREZO

Kwamamaza
Kwamamaza
Also in this section
Airbus 330-300, Indege nshya yiswe ‘Umurage’, iraye mu Rwanda

Airbus 330-300, Indege nshya yiswe ‘Umurage’, iraye mu Rwanda

Inama y’Abagore bo mu nzego z’umutekano muri Afurika yasojwe hafashwe ingamba zo guca ihohoterwa rishingiye ku gitsina

Inama y’Abagore bo mu nzego z’umutekano muri Afurika yasojwe hafashwe ingamba...

Abagenerwabikorwa ba Imbuto Foundation bakanguriwe kurangwa n’ikinyabupfura

Abagenerwabikorwa ba Imbuto Foundation bakanguriwe kurangwa n’ikinyabupfura

Amahanga arifuza ikoranabuhanga ryahimbwe n’Abanyarwanda mu gukurikirana abanyeshuri

Amahanga arifuza ikoranabuhanga ryahimbwe n’Abanyarwanda mu gukurikirana...

[AMAFOTO] : Mushakire hamwe ingamba zirwanya ihohoterwa rishingiye ku gitsina-Minisitri w’Intebe Murekezi

[AMAFOTO] : Mushakire hamwe ingamba zirwanya ihohoterwa rishingiye ku...

NEW POSTS
Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda