LATEST NEWS
MU RWANDA
Pastor Ezra Mpyisi ngo Umwami Kigeli ntiyataha atavuganye na Perezida Kagame
Publish Date: samedi 4 juin 2016
VISITS :3637
By Admin

Pasiteri Ezra Mpyisi w’imyaka 94 y’amavuko yabanye n’umwami Kigeli V Ndahindurwa ibi yabitangaje nyuma yaho kuri uyu wa Mbere tariki 30 Gicurasi 2016, ishyaka rya Democratic Green Party ryasabye Leta y’u Rwanda gukora ibishoboka byose bagafasha umwami Kigeli V Ndahindurwa agataha akava mu buhungiro.

Uyu mwami wa nyuma u Rwanda rwagize akaba yarirukanywe na Parmehutu mu mwaka w’1961 ubu akaba yaraheze muri Leta Zunze Ubumwe za Amerika.

Frank Habineza

Nk’uko byatangajwe na Dr Frank Habineza uyobora ishyaka rya Democratic Green Party, bamenyesheje Leta y’u Rwanda ko komite nshingwabikorwa y’iri shyaka yagize umwiherero tariki 21 na 22 Gicurasi 2016, bakaza gusanga umwami Kigeli uri mu buhungiro agomba guhabwa ibyo amategeko ateganyiriza abigeze kuba abakuru b’igihugu cy’u Rwanda.

Pastor Mpyisi yemeza ko ubwumvikane hagati ya perezida na Kigeli v aribwo bwatuma ataha / photo internet

Mu kiganiro kigufi pastor Ezra Mpyisi yagiranye na Radiyo Ubuntu Butangaje (Amazing Grace Radio), Pasteri Ezra Mpyisi yatangaje ko impamvu Kigeli V adataha biterwa n’uko yagiye ari Umwami kandi u Rwanda narwo ubu rukaba rufite Perezida bityo ko ibyo bitakoroha mu gihe bose bayoboye u Rwanda ahubwo ko bisaba ubwumvikane hagati yabo bombi (perezida wa repubulika na Kigeli v Ndahindurwa).

Mpyisi yagize ati “ none reba uriya yabaye umwami w’u Rwanda, ubu naho hariho perezida w’u Rwanda, si amazina gusa ubundi ni ubutegetsi. Nonese babana mu Rwanda bate” ?

Umunyamakuru amubajije ku kuba leta y’u Rwanda ivuga ko Kigeli v yatahuka nk’abandi banyarwanda muri rusange akaza mu gihugu cye, Mpyisi yasubije ati “ iryo ni ikosa rya leta, nabwiye leta ko iri mu ikosa”.

Icyakora Mpyisi avuga ko inama yatanga ari uko Perezida wa repubulika na Kigeli bo ubwabo bumvikanye aribwo yataha.

Yagize ati “ inama najya, bariya babiri bumvikanye nibwo Kigeri yataha”, icyakora kuba yataha akaza ari umwami, Mpyisi avuga ko ibyo ari ubwumvikane bwabo naho we ntacyo yabivugaho. Ati “ ibyo ngibyo nibo bafite uko babikora”.

Naho kubavuga ko kuba Kigeli v Ndahindurwa yataha maze ubumwe n’ubwiyunge mu banyarwanda bukiyongera, we avuga ko ibyo byaturuka kuri Kigeri na perezida hamwe n’Imana. Mpyisi ati “ ikibazo ni icy’ Umwami na perezida… ni bicare baganire”.

Umwami Kigeli V Ndahindurwa

Mpyisi ubusanzwe ni umupasiteri mu Itorero ry’ Abadivantisiti b’Umunsi wa Karindwi, yanabaye Umujyanama wa Mutara wa III Rudahigwa.

Umwanditsi wacu

IBITEKEREZO
-

Ariko umuntu arasaza koko !

Ariko se Mzee Pastor niko abyumva. Ariko se ubu u Rwanda rwasubira inyuma ho hafi imyaka 60 rukava muri Repubulika rugasubira ku mitegekere ya cyami ? Ntibikabe..

Kalisa

Pastor Mpyisi rwose arashaje akwiye kwiga kwicecekera igihe abantu bashaka kumuzanamo ibya politiki, maze akikomereza kubwiriza ! Naho ubundi nta kuntu umuntu ushyira mu gaciro yatekereza ko President Kagame agomba kugirana imishyikirano iyo ariyo yose na Kigeli kugira ngo atahe ! Baba baganira iki se ? Ngo bigere kuki se ? Aba basaza ba Mpyisi na ba Benzige bakwiye kureka gukomeza gushuka uriya musaza Kigeli ahubwo bakamugira inama agataha nta mananiza, igihugu kikagira ibyo kimugenera (inzu, imodoka, umutekano, ibimutunga, etc) maze akisazira atanduranyije asaba kongera kuba Umwami ! Atari ibyo azagwa ishyanga kandi sintekereza ko hari Abanyarwanda bashyira mu gaciro babimwifuriza (uretse wenda bamwe mu baparimehutu bamwirukanye banze kuva ku izima).

inezaye

Ntekereza ko igikwiye gukorwa arigifitiye inyungu abanyarwanda hadashingiwe kunyungu zumuntu umwe gusa. Abanyarwanda ntibakenye ikibasubiza mubibazo, Kigeli niba ashaka ko aba umuyobozi naze aganire nabanyarwanda nasanga babyunva neza bose, azasubizeho ubwami gusa nuko atazabona umusimbura kereka niyimika abo mumiryango ye. Kuza arumwami ntekereza ko ntacyo byamarira abanyarwanda kuko icyo tubura subwami. Dukeneye politike ihamye ihangana na global challenges atarikujya muri America ngo uvugireyo gusa. Twanyuze mubibazo byinshi ariko Kigeli yabaye nkidorerezi gusa, yariceceye ahubwo yozeza abantu ko aje murwanda ibintu byose byaba byiza abantu bagira ubwiyunge. Umuntu aribaza niba amacakubiri yarabye Kigeli atareba, Mbese mubami bamubanjirije ninde wataye Urwanda Nka Kigeli ? Kwizera ibye birakomeye. Gusa Yemeye kuza nkumuntu wabaye umwami wurwanda, agahabwa icyubahiro, agafashwa gusaza neza, agashygikira urwanda mukubungabunga umuco Nyarwanda, ntekereza ko ibyo byamugirira umumaro kandi nabanyarwanda byabagirira umumaro. Ariko niba ashaka kuba umuyobozi wigihugu namugira inama yo kubyibagirwa kugirango iminsi ye yicume.

ntarugera deo koya

pasteur mpyisi ni inararibonye ya cyane, ndetse y'imena mu rgwanda rw'abahagaze ubu. akaba ndetse ari umunyamadini uzi gushyira mu gaciro, agasesengura cyane akamenya neza ko ariya madini arimo n'abadiventi b'umunsi wa 7 ya bereye umukuru ukomeye mu rgwanda, yashenye umuco wa benegihanga ku buryo budasubrgwaho. ni benshi mu banyargwanda bamukundira ko atary'indimi iyo afite ijambo avuga, kandi ko, we nk'umwe mu ba mbere mu rgwanda babaye kw'isonga mu madini ya gikristu- ni we gusa na musenyeri bigirumwami aloys, umwepiskopi wa mbere wa kiriziya gaturika mu rgwanda (yimitskwe muri 1952, umwami mutara III rudahigwa yamwikaraze imbere neza cyane yivuga, arataraaka rwose byimazeyo, yambaye kositimi (costume) ya kizungu— inkubito y'imanzi yamaze kwivuga arihanukiraa akubita inkoni ye hasi nk'intore yivugira umutware abandi bamutinye...(see archive pictures in books stores in belgian libraries)--- ; navugaga ko ari pastoro mpyisi ezra na mgr bigirumwami bonyine mu bayobozi bakuru b'abihayimana i rgwanda bashyize amazi menshi muri divayi yabo ya gikristu (couper leur vin a l'eau, et beaucoup d'eau) bakumvisha abanyarwanda ko umuco wabo ugomba gusagasirgwa nubgo bgoose wamunzgwe cyane na n'inyigisho za gikristu hamwe n'imihango y'idini rya gikristu urwanda rukomoora kuri doktrina ya ecclezia catholica y'abaromani hamwe n'iya giporoso ya martini luther yashinzwe n'uyu mudage muri manifesto ye yo mu mwaka wa 517 yahinduye ibintu bimwe, ariko bicye, mu mahame ya kiriziya na doctrine ya ba gaturika. ku kibazo ky'itahuka rya kigeri v ndahindurwa mu rwanda ariko ndashaka kumvikanisha ko mpyisi yibeshye cyane aho avuga agira ati : "Perezida wa repubulika na Kigeli bo ubwabo bumvikanye nibgo yataha". IKITONDERGWA : kigeri v ndahindurgwa na president kagame baraganiriye mu mwaka wa 1996. kigeri yabgiye kagame ko agomba gutaha mu rwanda ari umwami. yavuze ko adashobora gutaha mu rwanda ari umunyarwanda uhungutse nk'abandi banyargwanda bacyuwe na FPR-Inkotanyi nyuma y'intambara yo kwibohoza kw'abanyargwanda - RWANDANS' LIBERATION WAR (1990-1994). Vice President Kagame yatangarije abanyamakuru i Kigali mu biro bye byo muri Ministry of Defense kw'itariki ya 24/12/1996, ko yabajije kigeri agira ati : " ese ko uvuga ko ushaka gutahuka mu rwanda uri umwami, ahangaha uri muri amerika wumva uri umwami ?"... byumvikane ko kuganira kwa kigeri na kagame ntacyo byamar na busa. kigeri ni umwami wahunze urwanda. yahunze kandi akiza amagara ye. kirazira ko umwami uhunze urwanda atyo asubira ku ngoma. ndetse n'abamukomokaho ntabgo baba bagifite uburenganzira bgo kuburana ingoma mu rwanda. umwami ndahiro cyamatare ubyara ruganzu ndori se ntimuzi, cyangwa ntimwibuka, ko yanze gukiza amagara ye ubgo yarazigirijgwe n'abanyabyinshi n'abanyabungo mu kinyejana kya 16 ? kuki yahisemo gucikisha umwana we ndori se maze we agatanga ? umwami ntapfa aratanga. ingabo z'abashi n'iza byinshi (igikomangoma cy'i rwanda) zakomanyirije cyamatare ziramwica zigarurira u rwanda zimara imyaka 11 zangiza igihugu. umwana w'umwami ndori wari warahungiye kwa ba nyirasengye i buha kwa gihumbi yaje gukura aba umusore. umwana w'umwami ugomba kwma ingoma atozwa kurwana nk'ingabo y'imena y'umwami hakiri kare, akiri muto. ndori rero yatojgwe intwaro akiri muto arabmenya cyane, ubundi atozwa no kuyobora ingabo ku rugamba. yaragamije iki ? kwima ingoma i rwanda. iyo se cyamatare aza gukiza amagara ye hamwe n'umuhungu we se, agahungira kwa bashiki be i buha (tanzaniya y'ubu niho ubuha bubarizgwa), mugirango yari kuzongere se gutekereza gusunuuka ku ngoma y'umwami i rwanda ? ari we, ari n'umuryango we bari kuba bivukije kwima ingoma i rwanda. nta ruganzu ndori mwari kumva mu mateka y'u rwanda. ibindi bkomangoma byari gucakira ingoma, cyangwa se abanyabyinshi n'abanyabungo bari kugumana ingoma kugeza ku mwaduko w'abazungu.... kagame rero nk'umunyarwanda ashobora kwifuza ko kigeri ndahindurwa yataha nk'umwami, birashoboka arko simbihamya, kuko paul kagame nka president w'urwanda aboshywe n'itegeko nshinga ry'urwanda (RWANDAN CONSTITUTION) n'indahiro ye imutegeka kurinda republika y'u rwanda ku buryo bushoboka bwose, no kuyipfira bibaye ngombga. NK'UMUNTU, NK'UMUNYARGWANDA , PAUL KAGAME AFITE KUBA YAKWIFUZA KO KIGERI ATAHA MU RWANDA, AHO GUHERA ISHYANGA BIRIMO NO KUBA YAHAGWA. ARIKO ARI KAGAME NK'UMUNTU, UMUNYARWANDA, ARI WE NKA PRESIDENT W'U RWANDA, NTA BUBASHA NA BUCYE AFITE BWO GUCYURA KIGERI NK'UMWAMI W'U RWANDA. NA KIGERI YATAKAJE CYERA CYANE UBURENGANZIRA BGO KUBA UMWAMI MU RWANDA, NKUKO BYASOBANUWE. MPYISI RERO AZONGERE AGIRE ICYO ABGIIRA ABANYARWANDA AHEREYE KURI IBI BIVUZWE MURI IYI NYANDIKO. ANYEMERERE MUKOSORE. KAGAME NA KIGERI NTIBASHOBORA BOMBI KUCYEMURA IKYIBAZO CY'TAHUKA RYA KIGERI. NDAHINDURWA NK'UMWANA WA MUSINGA NA MUKASHEMA ASHOBORA GUTAHA MU RWANDA. ARIKO KIGERI V KIRAZIRA KO AZA MU RWANDA KABONE NIYO ABANYARWANDA BAGIRA REFERENDUM IVANAHO REPUBLIKA IKAGARURA INGOMA Y'UMWAMI. HAKWIMIKWA UNDI MWAMI SI KIGERI VWASUBIR KU NGOMA. AMATEGEKO YA GIHANGA N'UMUCO W'URWANDA NTIWABIMWEMERERA NA BUSA. TURANGIZE TUVUGA KO IMVUGO YASAKAYE MU RWANDA RWA REPUBLIKA YA MBERE N'IYA KABIRI IBIRA ITI : "INGOMA YA CYAMI" IGOMBA KUVANWA MU RURIMI RW'IKINYARGWANDA. IJAMBO RIKWIYE NI : INGOMA Y'UMWAMI. CYAMI SE NI IGKI NIBA ATARI IGITUTSI GUSA. ABAHANZE IYOMVUGO BARI BAGAMBIRIYE GUSEBYA IYO NGOMA N'AMATEKA Y'URWANDA. NTA MPAMVU IGIHARI MU RWANDA YO GUPFOBYA NO GUSEBYA U RWANDA. MDR PARMEHUTU NA MRND NK'AMASHYAKA YA POLITIKI YAZAMBIJE URWANDA ARARWOREKA RURAPFA. FPR INKOTANYI KUBA YARARUZUYE KU KABUREMBE NI BYIZA CYANE. NI N'IGITEGO CY'UMUTWE KINJIYE MW'IZAMU RY'IKIBUKA CY'UMUPIRA MPUZAMAHANGA.....BIRAKWIYE RERO KO ABANYARWANDA NA GOUVERNEMENT Y'UBUMWE BW'ABANYARGWNDA BANGURA BIMWE NA BIMWE MU BYO REPUBLIKA EBYIRI ZA MBERE ZASIZE ZIHANZE BY'AMAFUTI AKOMEYE MU GIHUGU...MU BIGOMBA GUHANGURWA HARIMO NDETSE N'IKYO KINTU KITWA REPUBLIKA CYA SHINZWE N'ABABILIGI MU RWANDA. INGOMA Y'UMWAMI IGARUTSE MU RWANDA NI BWO ABANYARWANDA BAZABA BATSNZE KINDI GITEGO CY'UMUTWE GIKAZE CYANE. UBUMWE BW'ABANYARWANDA NTIBUZAPFA BUGARUTSE MU RWANDA ABANYARWANDA BATISHATSEMO UBURYO BGO KUGARURA INGOMA Y'UMWAMI. PAUL KAGAME NTABWO YABABERA INTAMBAMYI. GOUVERNEMENT Y'URWANDA NAYO NUKO. ESE NI NDE WAKWEMERA KO REPUBLIKA MBILIGI IHORAHO UBUZIRA HEREZO MU RWANDA ? GAKONDO Y'IMITERERE N'IMITEGEKERE Y'IGIHUGU IRAHARI. IMYAKA IBIHUMBI BIBIRI (2000 YEARS) URWANDA RUMAZE SE RWIGEZE RUBA IKINDI KTARI U RWANDA RW'UMWAMI URETSE AKAGA PARENTHESE GATO CYANE (1961- 2016) KA REPUBLIKA ABABILIGI BASHINZE HANO HUTI HUTI KU MPAMVU TWESE TUZI, ZITARI MU NYUNGU Z'ABANA B'U RWANDA ? ntarugera deo koya political


TANGA IGITEKEREZO

Kwamamaza
Kwamamaza
Also in this section
Ubushinjacyaha bwasobanuye iby’ifatwa ry’ Umunyamakuru Eminente

Ubushinjacyaha bwasobanuye iby’ifatwa ry’ Umunyamakuru Eminente

Polisi yafashe ibyuma by’imodoka bya Rwf 24,000,000 byibwe NPD - COTRACO

Polisi yafashe ibyuma by’imodoka bya Rwf 24,000,000 byibwe NPD -...

....’ntawe uzava ahandi ngo atwubakire ibikorwa nk’ibi’ -Perezida Kagame

....’ntawe uzava ahandi ngo atwubakire ibikorwa nk’ibi’ -Perezida...

Village Urugwiro : Perezida Kagame na Madamu bifurije Abana bato Noheli nziza

Village Urugwiro : Perezida Kagame na Madamu bifurije Abana bato Noheli...

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

Ubushinjacyaha bw’u Rwanda bwatangiye iperereza ku ruhare rw’Abafaransa 20...

NEW POSTS
Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa