LATEST NEWS
New section No17
Perezida Paul Kagame yashimiye Abanyarwanda kubw’ amahitamo yabo muri referendumu haba uwatoye Yego cyangwa uwatoye Oya
Publish Date: vendredi 25 décembre 2015
VISITS :479
By Admin

Umukuru w’Igihugu yabivuze ubwo yatangizaga inama y’igihugu y’Umushyikirano ibaye ku nshuro ya 13, yatangiye kuri uyu wa 21 Ukuboza 2015.

Ibi yabitangaje nyuma y’igihe ibihugu bimwe by’amahanga binenga ivugururwa ry’Itegeko Nshinga ry’u Rwanda, abandi bakagaragaza ukutishimira impinduka zakozwe mu bijyanye na manda z’ Umukuru w’Igihugu.

Mu gihe Itegeko Nshinga rigena ko Umukuru w’Igihugu ageza ku baturage rimwe mu mwaka, uko igihugu gihagaze, Perezida Kagame yavuze ko uyu mwaka abaturage babyikoreye kandi bakabikora mu burenganzira bwabo.

Umukuru w’Igihugu yavuze ko igihugu kivuye muri referendumu, aho Abanyarwanda bihitiyemo uko bashaka kuyoborwa.

Perezida Kagame yavuze ko umurimo muri iyi nama y’Umushyikirano woroshye kuko ari ukureba ko ibyo Abayobozi bakora bihabwa umurongo n’ibyo Abanyarwanda bavuze mu ijwi riranguruye.

Umukuru w’Igihugu yavuze ko iyi nama y’umushyikirano ari amahirwe abonetse kugira ngo Abanyarwanda barebere hamwe uko batwara ibintu by’ingenzi muri iki gihugu mu mucyo, mu cyubahiro kandi ntawe uhejwe.

Perezida Paul Kagame munama y’Umushyikirano

Yongeye ho ko gukorera u Rwanda ari amahirwe n’inshingano, kandi ko nta muntu ubaho igihe cyose ariko inzego, indangagaciro n’iterambere byo bihoraho bityo ko igihe cyo guhererekanya inshingano nikigera bizakorwa mu mucyo.

Ati “Igihe nikigera cyo guhererekanya inshingano ziva ku buyobozi, kuva ku muntu uumwe zakirwa n’undi, Abanyarwanda bafite icyizere ko bizakorwa mu mutuzo no mu bwumvikane […] ni nabyo bashaka.”

Yongeyeho ati “ Imbere haracyari byinshi byiza, amahirwe yo guhindura igihugu cyacu mu buryo budasubirwaho ntakwiye gutakarira mu kudakora, mu kujijinganya cyangwa mu gucunga nabi ibyo ushinzwe.”

Ati kandi “Abanyarwada bafashe icyemezo cyo gushyiraho igihe kizwi cyo gushimangira ibyo tumaze kugeraho ku buryo bidashobora guhungabana cyangwa gusubira inyuma, ni uko tugakomeza kwibanda kuri politiki yo gukomeza kubaka igihugu cyacu, ntidukangwe n’amateka ahubwo tugakomeza dufite icyizere cy’ejo hazaza.”

Perezida Kagame yavuze ko hari impamvu zikomeye zatumye ibyo Abanyarwanda bavuga bigana muri icyo cyerekezo, zirimo ko umubare munini w’abemeje ko Itegeko Nshinga rivugururwa ari urubyiruko rutumvise urusaku rw’amasasu cyangwa ngo rube mu buzima burangwa n’ubwoba bukabije.

Abandi ngo ni abo mu kigero cy’ababayeho mu bihe bibi mu mateka y’u Rwanda, bakaba barakuye amasomo muri ayo mateka, kandi ngo nibo bongeye kubaka iki gihugu, icyari ubwoba bagihindura icyizere.

Perezida Kagame yagarutse ku byifuzo by’Abanyarwanda, avuga ko hari byinshi bifuza birimo ubuyobozi bwiza bukomeza kubagezaho ibikorwa na serivisi nziza .

Ati “Bashaka kandi demokarasi, aho gusimburana ku buyobozi ari ibisanzwe, aho ububasha bwo gufata icyemezo buguma mu maboko maboko yabo.”

Umukuru w’Igihugu yavuze ko iki atari icyerekezo cyazanwa na Leta yonyine cyangwa cyaturuka hanze cyangwa se cyazanwa na Perezida ubwe, ahubwo bisaba ubufatanye bw’inzego.

Yanashimangiye ko nta kibazo u Rwanda rufitanye n’ibihugu binenga ibintu binyuranye ku Rwanda, ariko ngo abavuga ko Abanyarwanda ntacyo bashoboye bo baba batukana.

Perezida Kagame yabwiye Abanyarwanda ko ibikenewe kugira ngo bahindure u Rwanda biri mu maboko yabo, mu mitima no mu mitekerereze yabo, abasaba kwihesha agaciro, kudatinya no guharanira ukuri mu bihe bitoroshye.

Umushyikirano wo mu 2015 ufite insanganyamatsiko igira iti “Guhitamo kw’Abanyarwanda niwo musingi w’iterambere n’agaciro by’u Rwanda.”

Mu bitabiriye iyi nama barenga 1000 barimo abayobozi kugeza ku rwego rw’Akagali, abahagarariye ibihugu byabo mu Rwanda, abikorera n’izindi nzego zinyuranye.

Abayobozi bakuru munama y’Umushyikirano

Inama y’igihugu y’Umushyikirano iteganywa n’Itegeko Nshinga, ikaba iyoborwa na Perezida wa Repubulika.

Mu gihe icyerekezo 2020 cyari icyo gukora ibyari bikenewe kugira ngo Abanyarwanda bashobore kubaho kandi bisubize agaciro, icyerekezo cya 2050 ngo kigomba kuba icyo kwihitiramo ejo hazaza kuko babishoboye kandi aribyo bakwiye.

Umwanditsi wacu

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...

Afurika y’Epfo : Umunyarwanda yishwe atwikiwe mu nzu azira umugore w’abandi

18-03-2017

Afurika y’Epfo : Umunyarwanda yishwe atwikiwe mu nzu azira umugore...

RNC –NEW : Rudasingwa Theogene yiyemeje kwiyegereza no gushakira imibereho mu butinganyi

17-03-2017

RNC –NEW : Rudasingwa Theogene yiyemeje kwiyegereza no gushakira imibereho...