LATEST NEWS
MU RWANDA
Polisi y’u Rwanda ikomeje urugamba rwo kurwanya ruswa-IGP Emmanuel K. Gasana
Publish Date: mercredi 16 décembre 2015
VISITS :331
By Admin

Mu cyegeranyo giherutse gushyirwa ahagaragara n’umuryango ushinzwe kurwaya ruswa Transparency International (TI-Rwanda) cy’uyu mwaka wa 2015, cyagaragajeko polisi y’u Rwanda iri kuri 6.3%. Umuyobozi mukuru wa polisi y’u Rwanda yagize cyo abivugaho.

Ikibazo ;mubona gute ruswa nk’Urwego rushinzwe kuyirwanya ?

IGP Gasana : ruswa tuyibona nk’ikintu kibangamiye umutekano w’igihugu ndetse n’Isi muri rusange.Inzego z’umutekao by’umwihariko polisi y’u Rwanda ifatanyije n’Izindi nzego biyemeje kuyirwanya.

Ikibazo ; Hari raporo zashyizwe hanze zivuga ko Polisi y’u Rwanda ari rumwe mu rwego rurangwamo ruswa murabivugaho iki ?

IGP Gasana :Hari ibyo twakuyemo nk’isomo muri izo raporo.Twabonye ko tugomba kurwanya ruswa ku buryo bwimazeyo. Mu mwaka wa 2013 twayirwanyije ku kigereranyo cya 8,2 ku ijana kugera kuri 6,3 ku ijana mu mwaka wa 2015.Turacyakomeza kuyirwanya ku buryo bukomeye.

Ikibazo ; ubu se murakora iki mu kuyirwanya ?

IGP Gasana : Mu byo Polisi y’u Rwanda yiyemeje harimo kurwanya ruswa yivuye inyuma. Ibi biri no mu byo twiyemeje gukora.Ni mu buryo bwo guhererekanya amakuru no gukangurira buri wese kuyirwanya.Muri iyi myaka 15 twashyizeho ingamba zo kurwanya ruswa n’uburyo bw’ubufatanye mu kuyirwanya. Twafashe ingamba zo kuyirwanya zirimo ;ishami rishinzwe kurwanya ruswa,ishami rishinzwe imyitwarire myiza, ikigo gishinzwe uburere mboneragihugu,ubugenzuzi bw’ibikorwa n’ubukungu,amashyirahamwe yo kurwanya ruswa mu mashuri arenga 800,ndetse n’uburyo bwo guha serivisi nziza kandi ku buryo buboneye bw’abakorera impushya zo gutwara ibinyabiziga n’ibindi.Mu rwego rwo kurwanya ruswa kandi twasinye amasezerano y’ubufatanye n’Ikigo gishinzwe kuyirwanya cya Transparency International , Urwego rw’umuvunyi,ikigo cy’Igihugu gishinzwe imiyoborere myiza (RGB), uturere twose uko ari 30 ndetse twanashyizeho uburyo bwo kongera imibereho myiza y’Abapolisi haba kubafasha mu kujya no kuva ku kazi n’ibindi.

Ikibazo : izi ngamba zose zishyirwa gute mu bikorwa ?

IGP Gasana : Muri Polisi y’u Rwanda ruswa ntiyihanganirwa na gato.Uyifatiwemo wese ntiyihanganirwa. Natanga urugero,mu mwaka wa 2014 twafashe abapolisi bagera ku 170 naho kuva uyu mwaka watangira kugera ubu hafashwe abagera kuri 78.Muri aba bose uko ari 248 hirukanywe abagera kuri 193 hakaba harimo bamwe bashyikirijwe inzego z’ubutabera. Hari kandi n’abandi baturage basanzwe barimo abashoferi twafashe (117 muri 2014 na 244 muri 2015)ndetse n’abandi bo mu zindi nzego twagiye dufatira mu bikorwa bya ruswa.

Ikibazo : Ubufatanye buhagaze gute ku rwego rw’imbere mu gihugu no ku rwego mpuzamahanga mu kuyirwanya ?

IGP Gasana : Kuyirwanya bisaba ubufatanye ndetse no guhanahana amakuru ku gihe.Twasinye rero amasezerano anyuranye n’ibigo binyuranye bya Leta ndetse n’ibyigenga mu kuyirwanya ndetse n’imiryango yo mu karere na polisi zo mu bihugu byo mu karere no ku rwego mpuzamahanga.Ni muri urwo rwego rero amadosiye agera kuri 980 yashyikirijwe ubushinjacyaha bitewe n’ubwo bufatanye mu kurwanya ruswa

Ikibazo : Mwatubwiye ingamba zafashwe na Polisi y’u Rwanda mu kurwanya ruswa, nta mbogamizi mwaba muhura nazo zituma urwego muyoboye rutagera ku ntego yo kuyirandura ?

IGP Gasana : Kubera iterambere mu ikoranabuhanga, ibyaha na ruswa byahinduye isura. Hakenewe ubufatanye ku nzego zose bireba, ariko tuzi ko nyuma y’imbaraga ziba zakoreshejwe, haba hari n’abandi bari mu bikorwa bibi ariko nanone hari abandi bafite ubushake bwo kuduha amakuru kuri abo banyabyaha. Kurwanya ruswa bisaba imbaraga n’ubufatanye bwimbitse, buri wese agasobanukirwa uburenganzira bwe kandi akabona serivisi akwiye guhabwa. Mu gutanga urugero rwiza rero no kuvuga OYA kuri ruswa , tugaragaza abaka ruswa kandi bagahanwa.

Ikibazo : Nyuma y’ingamba mwashyizeho, ubufatanye bwimbitse n’izindi nzego ndetse na gahunda zo kubaka Polisi y’umwuga, mwizeyeko urwego muyobora ruzaba rutarangwamo ruswa mu gihe kiri imbere ?

IGP Gasana : Icyo mwamenya bwa mbere ni uko ruswa itemewe muri Polisi y’u Rwanda. Ni igikorwa cy’umuntu ku giti cye kandi iyo afashwe arahanwa, munibuke ko akazi ka Polisi karimo ibigeragezo byinshi.Nubwo abapolisi barangwa n’ubunyamwuga kandi baba bakoze ubugenzacyaha neza, ntihazabura umunyabyaha umwe cyangwa babiri cyangwa se uwo bafitanye isano uzatekereza gutanga ruswa kugirango akwepe ibyo amategeko ateganya ku byakozwe, hashobora kubaho rero umupolisi ugwa muri uwo mutego.N’ubwo habaho ibyo byose ariko, Polisi y’u Rwanda nk’urwego rushinzwe kurwanya ruswa, ikomeye ku ntumbero yayo yo kubirwanya no kubirandura, atari muri Polisi honyine, ahubwo no mu gihugu muri rusange. Ikindi mumenye ko Atari cyo cyaha cyonyine cyaba imbogamizi ku iterambere n’ umutekano u Rwanda rurimo ubu.
Guhera muri Nzeli kugeza mu Gushyingo uyu mwaka , ibyaha bya ruswa no kunyereza, byari bigize 4 ku ijana y’ibyaha byabonetse mu gihugu hose.

Turacyahanganye n’ikoreshwa ry’ibiyobyabwenge riri kuri 31,5% ari ryo riri hejuru, icuruzwa ry’abantu n’ihohoterwa rishingiye ku gitsina. Haboneka kandi ubujura buciye icyuho n’ibindi.. kandi burya no kurwanya iterabwoba biratureba !

Kurwanya ibi byose rero bisaba imbaraga za buri wese, ubushobozi n’ubushake kugirango bikumirwe ndetse birwanywe burundu. Tukaba turimo kubaka ubushobozi duhugura abapolisi ngo bashobore guhangana nabyo kandi bakoresha ibikoresho bigezweho.

Umuyobozi mukuru wa polisi y’u Rwanda IGP Emmanuel Gasana

Ngarutse ku kibazo cyawe rero, kurwanya ruswa ni imwe mu ntego zacu, ku nkunga y’ubuyobozi bwiza bw’igihugu cyacu, ku ngamba zashyizweho, umuyoboro mwiza ndetse n’ubushobozi buhari tutibagiwe n’ubufatanye bwa Polisi n’abafatanyabikorwa, nta kabuza tuzagera ku ntambwe ishimishije.

N’ubwo amakosa agenda agaragara mu bugenzacyaha, mu bashinzwe umutekano mu muhanda, mu mitwe ikorera mu turere n’ahandi, icyo dusabwa ni uguhorana disipulini ari nayo ijyanye n’intumbero igihugu gifite ndetse n’ingangagaciro za Polisi y’u Rwanda iteka zituganisha ku gipolisi cy’umwuga.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
Ubushinjacyaha bwasobanuye iby’ifatwa ry’ Umunyamakuru Eminente

Ubushinjacyaha bwasobanuye iby’ifatwa ry’ Umunyamakuru Eminente

Polisi yafashe ibyuma by’imodoka bya Rwf 24,000,000 byibwe NPD - COTRACO

Polisi yafashe ibyuma by’imodoka bya Rwf 24,000,000 byibwe NPD -...

....’ntawe uzava ahandi ngo atwubakire ibikorwa nk’ibi’ -Perezida Kagame

....’ntawe uzava ahandi ngo atwubakire ibikorwa nk’ibi’ -Perezida...

Village Urugwiro : Perezida Kagame na Madamu bifurije Abana bato Noheli nziza

Village Urugwiro : Perezida Kagame na Madamu bifurije Abana bato Noheli...

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

Ubushinjacyaha bw’u Rwanda bwatangiye iperereza ku ruhare rw’Abafaransa 20...

NEW POSTS
Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa