LATEST NEWS
New section No17
RDF yatangiye ubuvuzi ku baturage b’akarere ka Kamonyi
Publish Date: mercredi 16 décembre 2015
VISITS :202
By Admin

Ibitaro bya Gisirikare (RMH) k’ubufatanye n’ikigega gifasha abacitse ku icumu rya Jenoside yakorewe Abatutsi (FARG), batangiye icyumweru cy’Ingabo mu kuvura abaturage batishoboye bo mu Karere ka Kamonyi, aho bari kuvura indwara zitandukanye zatewe n’ingaruka za Jenoside yakorewe Abatutsi muri 1994.

Umunyamabanga wa Leta muri Minisiteri y’Ubutegetsi bw’Igihugu ushinzwe imibereho myiza y’abaturage, Dr Mukabaramba Alivera, ku itariki ya 15 Ukuboza, ni we wafunguye k’umugaragaro icyumweru cy’ingabo mu kuvura abaturage batishoboye mu bitaro bya Remera- Rukoma.

Mu gutangiza uwo muhango yari kumwe n’umuyobozi w’Akarere ka Kamonyi, Rutsinga Jacques, umuyobozi w’Ibitaro bya Gisirikare Brig Gen Emmanuel Ndahiro hamwe n’abandi bayobozi batandukanye.

Dr Alivera Mukabaramba yavuze ko imikoranire myiza iri hagati ya FARG n’Ibitaro bya Gisirikare yatumye abaturage batishoboye basigiwe ibikomere na Jenocide yakorewe Abatutsi bashobora kwivuza, k’uburyo kuva mu 2012 kugeza ubu abaturage bamaze kubona ubwo bufasha bagera ku 39,843 bo mu turere 26 mu gihugu.

Akarere ka Kamonyi kabaye aka 27 gakorewemo iki gikorwa cyo kuvura abatishoboye, hakaba hasigaye uturere twa : Gicumbi, Ngororero, na Muhanga.

Yashimiye Ingabo z’u Rwanda (RDF), uburyo zashoboye guhagarika Jenoside n’uburyo bakomeza kwita ku bayirokotse, babinyujije mu bikorwa by’ubuvuzi badahwema kubakorera hamwe n’ubundi bufasha butandukanye.

“Kubera ibi bikorwa byiza bakorerwa, abaturage bari barahuye n’ingarukaka za Jenoside yakorewe Abatutsi, bagaruriwe icyizere cyo kubaho, k’uburyo ubu bashishikajwe n’ibikorwa by’iterambere ryabo n’iry’Igihugu muri rusange”.

Umuyobozi w’Ibitaro bya Gisirikare, Brig Gen Emmanuel Ndahiro yavuze ko ibikorwa byo kuvura abaturage batishoboye biri kubera ahantu habiri, ku bitaro bya Remera- Rukoma no ku Kigo Nderabuzima cya Musambira.

Yagize ati : “Ingabo z’u Rwanda (RDF) zihora ziteguye gukora ibishoboka byose kugirango zifashe abaturage kugira ubuzima bwiza, bityo n’abo babashe kwiteza imbere”.

Icyumweru cy’Ingabo cyatangiye ku wa mbere tariki ya 14 Ugushyingo 2015, iki gikorwa cy’ubuvuzi k’ubuntu kikaba cyaritabiriwe n’abaturage batishoboye bagera kuri 800 k’umunsi wa mbere.

Hakaba hatangwa ubuvuzi ku ndwara zitandukanye, nko kubaga amagufa, indwara z’abagore, indwara zo mu nda, indwara zo m’umutwe, amaso, indwara z’uruhu, amenyo, indwara zifata mu myanya y’ubuhumekero, n’ubundi burwayi butandukanye.

Umuturage umwe mu bahawe ubwo bufasha witwa : Kampire Esperance ufite imyaka 63, yavuze ko amaranye igihe indwara zitandukanye zatewe na Jenoside. Yagize ati : “Dushimishijwe cyane no kubona abasirikare bacu batuvura. Tawje kwivuza turi benshi kuri aba baganga b’inzobere kandi tuzi neza ko bashobora kudufasha”.

Iki gikorwa giteganyijwe kurangira ku wa kane tariki 17 Ukuboza 2015, aho biteganyijwe ko igikorwa kizarangira abarwayi bagera ku 2000 bashoboye kuvurwa.

Kamurase Hassani

IBITEKEREZO
Betty

Congs wanajeshi mwagize neza iwacu kamonyi lmana ibahe ubushobozi nubwitange ndetse numurava kukazi


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’