LATEST NEWS
MU RWANDA
Rubavu : Abamotari bashyizeho ihuriro ryo kurwanya no gukumira ibyaha
Publish Date: dimanche 22 novembre 2015
VISITS :70
By Admin

Abakora umwuga wo gutwara abagenzi kuri moto bo mu karere ka Rubavu bagera ku 132 bibumbiye muri Cooperative Taxis Moto Entraidons-Nous de Rubavu (COTMERU), ku itariki 19 Ugushyingo 2015, bashyizeho ihuriro ryo kurwanya no gukumira ibyaha (Anti-Crime Club) bakaba bararyise ’Ndi Umunyarwanda COTMERU’.

Icyo gikorwa cyabereye mu kagari ka Kavumu, mu murenge wa Gisenyi, cyitabiriwe na Inspector of Police (IP) Janvier Nsana, akaba ashinzwe imikoranire ya Polisi y’u Rwanda n’abaturage hagamijwe kurwanya no gukumira ibyaha muri aka karere.

IP Nsana yababwiye ati :"Mwari musanzwe mugira uruhare mu kwicungira umutekano, ariko buri umwe muri mwe yabikoraga ku giti cye. Guhuriza hamwe imbaraga kwanyu bizatuma murushaho kurwanya no gukumira ibyaha kandi muhwiturane hagati yanyu ku bijyanye no kubahiriza amategeko y’umwuga wanyu."

Yabibukije ko iyo impanuka ibaye idatoranya, bityo ko, kubahiriza amategeko n’amabwiriza bigenga umwuga wabo, biri mu nyungu zabo ndetse n’abandi bakoresha umuhanda.

Yabasabye gukomeza gukorana neza na Polisi y’u Rwanda bayiha amakuru yatuma hakumirwa ibyaha kandi yatuma hafatwa ababikoze cyangwa abategura kubikora.

Uwatorewe kuba Umuhuzabikorwa b’iryo huriro ry’abo ryo kurwanya no gukumira ibyaha witwa Turinimana Olivier yagize ati :"Umwuga wacu tuwukora mu bwisanzure kuko hari umutekano usesuye mu gihugu.Tugomba rero kugira uruhare mu kuwusigasira twirinda kandi turwanya ikintu cyose gishobora kuwuhungabanya."

Yagize kandi ati :"Iri huriro dushyizeho rizadufasha kugera kuri iyo ntego twihaye kuko ari uburyo bwo guhanahana amakuru hagati yacu ndetse no hagati yacu na Polisi y’u Rwanda yatuma umutekano urushaho kubumbatirwa ".

Yasabye bagenzi be kubahiriza amategeko n’amabwiriza bigenga umwuga wabo no gukomeza gukorana neza na Polisi y’u Rwanda bayiha amakuru yatuma hirindwa impanuka zo mu muhanda no kurwanya ibikorwa byose binyuranyije n’amategeko.

Bene iri huriro ryo kurwanya no gukumira ibyaha ryashyizweho kandi n’ibindi byiciro by’abantu barimo abanyeshuri n’abakora umwuga wo gutwara abagenzi ku magare.

Urugero rukaba ari urwo mu karere ka Nyabihu, aho abanyonzi baho, ku itariki 4 Ugushyingo 2015, nabo bashyizeho bene iri huriro.

RUSHYASHYA

IBITEKEREZO
Mike

Abo bamotari bakoze igikorwa cyiza. Babere urugero rwiza bagenzi babo ndetse n'ibindi byiciro by'abantu bakora indi myuga itandukanye.Umutekano ni inkingi ya mwamba.Twese abanyarwanda dukwiye kwirinda no kurwanya ikintu cyose kinyuranyije n'amategeko.

Juma

Aba bamotari bafashe umwanzuro mwiza buri munyarwanda wese agomba kugira uruhare mu kurwanya no gukumira ibyaha kuko twese biratureba ni ishingano zacu gukumira icyaha dutangira n'amakuru ku gihe mu rwego rwo guhashya abanyabyaha


TANGA IGITEKEREZO

Kwamamaza
Kwamamaza
Also in this section
Urukiko rwategetse ko Umunyamakuru Shyaka Kanuma afungwa by’agateganyo iminsi 30

Urukiko rwategetse ko Umunyamakuru Shyaka Kanuma afungwa by’agateganyo...

Kicukiro : Umunyeshuri yafatanwe kashe 39 z’impimbano

Kicukiro : Umunyeshuri yafatanwe kashe 39 z’impimbano

Abahuzabikorwa ba DASSO muri Nyamagabe basabwe kwibanda ku gukumira ibyaha

Abahuzabikorwa ba DASSO muri Nyamagabe basabwe kwibanda ku gukumira...

Umunani bafunzwe bazira kugerageza guha ruswa abapolisi

Umunani bafunzwe bazira kugerageza guha ruswa abapolisi

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...