LATEST NEWS
New section No17
Rubavu : Batanu bafunzwe bakekwaho ubufatanyacyaha mu kwiba mazutu Kompanyi y’Abashinwa ikora imihanda
Publish Date: dimanche 29 novembre 2015
VISITS :144
By Admin

Polisi y’u Rwanda ikorera mu karere ka Rubavu ifunze abagabo batanu bakekwaho ubujura bwa mazutu ya sosiyete y’abashinwa ikora umuhanda Pfunda-Karongi. Aba bashinwa ubwo bagezaga ikirego cyabo kuri sitasiyo ya Polisi ya Kanama tariki ya 27 Ugushyingo, bavugaga ko bibwe mazutu ingana na litiro 700 mu minsi mike ishize. Bavugaga ko iyi mazutu yabo yavomwe mu modoka zabo nini z’amakamyo esheshatu ndetse no mu zindi modoka z’imashini zitsindagira umuhanda eshatu.

Umuvugizi wa Polisi y’u Rwanda mu Ntara y’i Burengerazuba Inspector of Police (IP)Theobald Kanamugire, yavuze ko kugeza ubu, abantu batanu bamaze gufatwa, bakaba bakurikiranyweho ubufatanyacyaha muri ubu bujura. bafungiwe kuri sitasiyo ya Polsi ya Kanama mu gihe iperereza rikomeje.

Muri aba bafunzwe harimo abashoferi b’imodoka babiri bakorera iyo sosiyete aribo ; Niyobufatiro Moise w’imyaka 24 na Ndikumana David w’imyaka 23.Hafunzwe kandi abashinzwe umutekano bakora muri iyi sosiyeti aribo ;Ndayambaje Celestin w’imyaka 39 na Barore Ibrahim w’imyaka 33. Undi wafashwe ni uwitwa Hagenimana Sylvere w’imyaka 21, we akaba yari ashinzwe gushyira mazutu mu modoka z’iyo sosiyete buri gitondo.

Umuvugizi wa Polisi y’u Rwanda mu ntara y’Uburengerazuba, Inspector of Police (IP) Théobald Kanamugire yagize ati :"Abantu bakwiye gukora aho gutega amakiriro n’amaramuko ku kwiba cyangwa ku kindi gikorwa icyo aricyo cyose kinyuranyije n’amategeko".

Yashimiye abatanze amakuru yatumye aba bakekwa bafatwa. Yasabye abaturage muri rusange kwirinda igikorwa cyose kinyuranyije n’amategeko ahubwo bagatanga amakuru ku gihe yatuma hafatwa uwakoze icyaha cyangwa witegura kugikora.

Si ubwa mbere ubujura nk’ubu buba, kuko mu karere ka Nyamasheke, Polisi y’u Rwanda yafashe ibikoresho byibwe Kompanyi ikora umuhanda, ibishyikiriza ba nyirabyo ku itariki 6 Nyakanga 2015. Na none Polisi y’u Rwanda mu karere ka Karongi yafashe kandi ishyikiriza Kompanyi ikorayo umuhanda litiro 320 za mazutu, shamburayeri 40, ibiro 120 bya girise, litiro 60 z’amavuta ya moteri na Bandeferi 16 byose bikaba byari byibwe.

Baramutse bahamwe n’icyaha, aba bacyekwaho ubufatanyacyaha mu kwiba ziriya litiro 700 za Mazutu z’iyi sosiyeti y’abashinwa, bahanwa n’ingingo ya 300 y’igitabo cy’amategeko ahana y’u Rwanda, ikaba ivuga ko umuntu wese ukora ubujura budakoreshejwe kiboko cyangwa ibikangisho ahanishwa igifungo kuva ku mezi atandatu (6) kugeza ku myaka ibiri (2) n’ihazabu y’amafaranga y’u Rwanda yikubye inshuro kuva kuri ebyiri (2) kugeza kuri eshanu (5) z’agaciro k’icyibwe cyangwa kimwe gusa muri ibyo bihano.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...