LATEST NEWS
New section No17
Ruhango : Barasabwa guhuza imbaraga no gukora ibikorwa bigari bahuriyeho
Publish Date: jeudi 12 novembre 2015
VISITS :101
By Admin

Umuyobozi w’akarere ka Ruhango arasaba abikorera muri aka Karere guhuza imbaraga mu kwegeranya ubushobozi buke buke kugira ngo babashe gukora ibikorwa bigari bahuriyeho ari benshi.

Ibi yabisabye wa kane tariki ya 5 Ugushyingo 2015, mu kiganiro cyateguwe ku bufatanye na Rwanda Public and Private Dialogue (RPPD), kikaba cyarateguwe muri gahunda y’ibiganiro bihuza abikorera n’ubuyobozi bwite bwa Leta mu rwego rwo kurebera hamwe icyafasha mu iterambere ry’abacuruzi no gukemura imbogamizi bashobora kuba bahura nazo.

Iki kiganiro cyabereye mu cyumba cy’inama cy’aka karere, gihuza abahagarariye abikorera mu Mirenge yose igize Akarere, abanyamabanga Nshingwabikorwa b’imirenge, na Komite Nyobozi y’Akarere.

Umuyobozi w’Akarere kandi akaba yizeza abikorera gushimangira ubufatanye hagati y’ubuyobozi n’abikorera, hagamijwe gushimangira gukorera hamwe muri gahunda zo kwiteza imbere, guteza imbere akarere no kuzamura Igihugu.

Bizimungu Jean Baptiste ni Umuhuza mu biganiro bihuza abikorera n’inzego bwite za Leta. Avuga ko iyi nama yari igamije kumenyana, no kuganira hagamijwe gusobanukirwa neza gahunda y’ibiganiro bihuza abikorera n’ubuyobozi bwite bwa Leta, ndetse no kureba imbogamizi zaba zihari hamwe n’ibitekerezo byazashingirwaho mu gutegura ibiganiro mu gihe kiri imbere.

Yemeza ko iyi nama y’ikubitiro yerekanye ko haba ku ruhande rw’ubuyobozi n’urw’abikorera hari hari ubushake bwo kuganira no gushyira hamwe. Ibi bikaba bitanga ikizere cy’uko ibi biganiro bizagera kuri byinshi.

Ati “Icya mbere nabonye kiza ni uko ubuyobozi bw’Akarere ka Ruhango bwumva neza kandi bwiteguye kuganira no gushyira hamwe n’abikorera ; bafite icyerekezo kimwe cy’iterambere.”

Akomeza agira ati “Byagaragaye kandi ko abikorera nabo bafungutse, biteguye kugaragaza imbogamizi ubuyobozi bwabafasha gukemura, no gutanga ibitekerezo byafasha kugira ngo ibikorwa Akarere kagamije bibashe kugerwaho, iterambere ry’abikorera ritabangamiwe na busa.”

Abikorera nabo bashima ibi biganiro, kandi bakemeza ko bizabafasha kwihutisha gukemura bimwe mu bibazo bajyaga bahura nabyo bigatinda gukemuka. Perezida w’Urugaga rw’Abikorera mu Karere ka Ruhango, Bizimana Jean de Dieu, akaba asaba abikorera kwitabira ibi biganiro kugira ngo bizabagirire akamaro.

Gahunda y’ibiganiro bihuza abikorera n’ubuyobozi bwite bwa Leta kugira ngo hashakirwe hamwe icyafasha mu iterambere ry’abacuruzi no gukemura imbogamizi bashobora kuba bahura nazo ku rwego rw’Igihugu ihagarariwe n’Ikigo cy’Iguhugu Gishinzwe iterambere (RDB), n’Urugaga rw’Abikorera (PSF).

Kamurase Hassani

IBITEKEREZO
Bayigamba jean de Dieu

Bravo kuri maire wacu kuri gahunda nziza yo guhuza amaboko nubundi abishyize hamwe ntakibananira ndizera ntashidikanya ko Ruhango yubakiye kuyu musingi ntacyo itageraho.


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...