LATEST NEWS
New section No17
Rwamagana : Abasiramu basabwe kurwanya icuruzwa ry’abantu
Publish Date: mercredi 18 novembre 2015
VISITS :94
By Admin

Bamwe mu bagize umuryango w’idini rya Islam bagera ku 120, mu karere ka Rwamagana, biganjemo urubyiruko rw’abanyeshuri, bagejejweho ubutumwa bujyanye n’icyaha k’icuruzwa ry’abantu, ibiyobyabwenge n’ingaruka zabyo ndetse banakangurirwa ku birwanya binyuze cyane cyane mu guhanahana amakuru ku gihe n’inzego z’umutekano ku babikekwaho.

Ubu butumwa babugejejweho tariki ya 16 Ugushyingo mu nama yabahuje na Assistant Inspector of Police (AIP) Uwimana Goreth, ukuriye ibikorwa bihuza Polisi n’abaturage byo gukumira ibyaha.

Abari bitabiriye ibi biganiro, batoranijwe mu turere twose tw’intara y’iburasirazuba, bakaba barahurijwe mu kigo gishingiye ku idini rya Islam (Centre de Formation de Kamulindi), gisanzwe kigisha abakigana ibijyanye n’idindi rya Islam ariko abagana iki kigo bakaba banahabwa ubundi butumwa bujyanye no kwimakaza indangagaciro z’u Rwanda.

AIP Uwimana yabwiye abari bitabiriye ibi biganiro ko icuruzwa ry’abantu ari icyaha kibangamira umutekano ndetse kikaba kinabangamira uburenganzira bw’ibanze bwa muntu.

Yabasobanuriye ko abacuruza abantu bakunze kwibasira abana b’abakobwa, aho bababeshya ko bagiye kubashakira akazi n’amashuri byiza mu bihugu byo hanze, ariko nyamara bamara ku bagezayo bakabakoresha imirimo y’ubusambanyi.

Habiyakare Habibu w’imyaka 53, wari muri ibi biganiro, yavuze ko atari asobanukiwe ko hari abantu bacuruza abandi bantu, ndetse ko atari anasobanukiwe n’amayeri abakora iki cyaha bakoresha.

Yakomeje avuga ko ubumenyi bakuye muri ibi biganiro buzamufasha we na bagenzi be kurwanya bene ibi byaha, yasabye bagenzi be kutarebera igihe hari abo baketse gukora ibi byaha, aha akaba yarabasabye gutungira agatoki Polisi kuri bene aba banyabyaha bafatwe bataragera ku mugambi wabo.

Undi witwa Niyomugabo Jean Marie Vianne w’imyaka 18 yrs, umunyeshuri mu mwaka wa 5, mu kigo cy’amashuri yisumbuye cya Mirama, Yagize ati, “Nk’umuntu ukiri muto, ngomba kutazigera nishora mu biyobyabwenge kuko bishobora kwangiza ejo heza hazaza hange.”

Uyu munyeshuri yahamagariye bagenzi be kwirinda ibiyobyabwenge cyane cyane muri iki gihe bari mu biruhuko, ndetse bagashishikarira gusubira mu masomo, ndetse banakora imirimo yo murugo no gukora siporo.

Niyomugabo yakemeje agira inama urubyiruko rugenzi rwe kunyurwa n’ibyo ababyeyi babo, babaha bityo kugira ngo birinde abantu bashukashukisha utuntu bagamije kubashora mu busambanyi n’ibindi.

Kamurase Hassani

IBITEKEREZO
Mike

Iki ni igikorwa cyiza cya Polisi y'u Rwanda kuko abanyamadini bahura n'abantu benshi. Ni byiza rero ko bamenya uko iki cyaha gikorwa kugira ngo bagire uruhare mu kukirwanya.


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Lt Gen Karenzi Karake na Maj. Gen Jack Nziza mu basirikare bakuru basezerewe

21-07-2017

Lt Gen Karenzi Karake na Maj. Gen Jack Nziza mu basirikare bakuru...

Menya abakandida bahatanira kuyobora u Rwanda

14-07-2017

Menya abakandida bahatanira kuyobora u Rwanda

Abaturage Kaniga ngo’ RPF - Inkotanyi ’ iri hafi guhindura aho batuye paradizo

14-07-2017

Abaturage Kaniga ngo’ RPF - Inkotanyi ’ iri hafi guhindura aho batuye...

Ukuntu Perezida wa Green Party yanga abamuvuga ibyo adashaka atowe yavamo umunyagitugu

12-07-2017

Ukuntu Perezida wa Green Party yanga abamuvuga ibyo adashaka atowe yavamo...

Ubukungu bw’u Rwanda bwiyongereye ku kigero cya 1.7% mu gihembwe cya mbere cya 2017

10-07-2017

Ubukungu bw’u Rwanda bwiyongereye ku kigero cya 1.7% mu gihembwe cya mbere...

Hamuritswe igitabo cyiswe ’’amakayi y’urwibutso’’ kivuga ku nzira y’umusaraba Abatutsi banyuzemo

10-07-2017

Hamuritswe igitabo cyiswe ’’amakayi y’urwibutso’’ kivuga ku nzira y’umusaraba...

Ambasaderi w’umuryango w’ubumwe bw’Uburayi mu Rwanda yagawe kubera kwivanga muri politiki y’u Rwanda

6-07-2017

Ambasaderi w’umuryango w’ubumwe bw’Uburayi mu Rwanda yagawe kubera kwivanga...