LATEST NEWS
New section No17
Rwamagana : Abaturage 5,235 bishimiye umuyoboro w’amazi meza bagejejweho
Publish Date: lundi 30 novembre 2015
VISITS :68
By Admin

Abaturage 5,235 bibumbiye mu ngo 1,047 bose batuye mu murenge wa Gahengeri ho mu karere ka Rwamagana barishimira umuyoboro w’amazi meza bagejejweho. Ibi bakaba babitangarije mu muhango wo gufungura ku mugaragaro uyu muyoboro wabereye kuri rimwe mu mavomo y’uyu muyoboro kuri uyu wa gatandatu tariki 28 Ugushyingo 2015.

Gahengeri ni umwe mu mirenge 14 igize akarere ka Rwamagana, ukaba utuwe n’abaturage ibihumbi cumi n’icyenda na Magana atatu na mirongo itandatu n’umunani (19,368).

Uyu murenge wari ufite ikibazo gikomeye cy’amazi meza kuko amazi yageraga mu tugari 2 gusa aritwo Kibare na Gihumuza, kandi nayo ntaboneke buri gihe. Mu tundi tugari, hakaba nta mazi meza yageragayo, aho abaturage bakoraga ingendo ndende bajya gushaka amazi meza yo gukoresha mu ngo zabo.

Nk’uko Eng. Mukandayishimiye Olive, Umukozi w’akarere ka Rwamagana ushinzwe amazi n’ingufu abitangaza, ngo muri ba baturage 19368 batuye umurenge wa Gahengeri, amazi meza yageraga ku baturage 3,487 bangana na 18% gusa.

Uyu muyoboro mushya ufite uburebure bungana na Km13.02, ukaba wo uzageza amazi meza ku baturage 5,235 bangana na 27%, bityo bikaba byatumye ijanisha ry’umubare w’abaturage bafite amazi meza muri uyu murenge wa Gahengeri rizamuka rigera kuri 45% by’abaturage bose b’uyu murenge.

Murekatete Marie Rose ni umubyeyi utuye muri uyu murenge nawe akaba yemeza ko bari bafite ikibazo gikomeye cy’amazi ndetse kikaba cyaragiye kibagiraho n’ingaruka mu mibereho yabo.

Murekatete Marie Rose ati “ubu icyatumye ahari ntakura ngo mbe muremure ni ukubera kuvoma kure. Hari ahantu twavomaga iriya epfo hasi, hari nk’ubu uwanjyanayo sinzi ko nagerayo. Ni ahantu habi cyane hari urugendo rurerure.”

Eng. Mukandayishimiye Olive avuga ku nyungu abaturage bazakura muri iki gikorwa yagize ati “uretse kuganya ingendo ku baturage bajya gushaka amazi meza, n’abana babo ntibazongera gukererwa mu ishuli bazira ko bagiye kuvoma kure kandi bizatuma bajya babona umwanya wo gusubira mu masomo.

Ingaruka z’isuku nke zagabanutse ndetse muri rusange isuku iziyongera kandi igihe bakoreshaga bajya gushaka amazi kure bazagikoresha mu bindi bikorwa byo kwiteza imbere.”

Umunyamabanga wa leta muri Minisiteri y’ibikorwaremezo, Madame Kamayirese Germaine wari Umushyitsi mukuru muri uyu muhango akaba n’intumwa ya Guverinoma muri aka karere ka Rwamagana, yasabye abaturage b’uyu murenge gukomeza gufata neza ibikorwaremezo bimaze kugerwaho ndetse no kubibyaza umusaruro bakiteza imbere.

Madame Kamayirese Germaine yagize ati : “amazi murayegerejwe, umuriro murawufite, simbona impamvu nk’abanyarwamagana ndetse by’umwihariko abaturage bo muri uyu murenge, tutavana amaboko mu mifuka ngo dukore.”

Mu gihe, muri uyu murenge, ijerekani imwe ya litiro 20 z’amazi yagurwaga amafaranga y’u Rwanda Magana atatu, ubu noneho ijerekani iragurwa amafaranga 30 kandi nabwo ubuyobozi bw’Akarere bukaba buri kureba uburyo bwaganira na ba Rwiyemezamirimo bavomesha kugirango ijerekani igurwe nibura hagati y’amafaranga 10 na 20.

Uyu muyoboro w’amazi meza wo muri uyu murenge wa Gahengeri watangiye kubakwa mu mwaka wa 2013/2014, ukaba wuzuye utwaye amafaranga y’u Rwanda angana na 293,376,030.

Kamurase Hassani

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’