LATEST NEWS
MU RWANDA
Rwanda - France : U Rwanda rwatsinze icyinyoma kigeretse ku guhakana no gupfobya Genocide yakorewe abatutsi muri 1994.
Publish Date: jeudi 10 décembre 2015
VISITS :1788
By Admin

U Rwanda, igihugu cy’amateka ateye ubwuzu, igihugu cy’amateka ateye ubwoba. Mu bibazo bikomeye u Rwanda rwagize, Genocide yakorewe Abatutsi iza kw’isonga, kuko yatumye u Rwanda ruba igihugu cya gatatu kw’isi cyabayemo Genoside mu cyinyejana cya makumyabiri, igahitana Abatutsi barenga miliyoni.

Nubwo ibibazo u Rwanda rwagize hari ibyakomotse kuri politiki y’ikinyoma y’imbere mu gihugu ariko Genocide yakorewe Abatutsi ahanini ikomoka hanze y’u Rwanda, byaba itegurwa ryayo, byaba gutanga amafaranga azakoreshwa mu kugura ibikoresho bizakoreshwa mu kwica Abatutsi, byaba imbarutso yakoreshejwe kugirango Genocide itangizwe, byaba guhungisha abicanyi hakoreshejwe “operation turquoise” ndetse n’ibikorwa byakurikiyeho byo gupfobya no guhakana jenocide.

Muri iyi nyandiko ndagaruka ku ntsinzi u Rwanda rwagize, rutsinda icyinyoma cy’uko FPR ari yo yahanuye indege ya Habyalimana, ibi bikaba byarakurikiwe no guhakana no gupfobya Genocide yakorewe Abatutsi mu Rwanda. Amakuru menshi ari muri iyi nyandiko nayakuye mu bushakashatsi butandukanye cyane cyane muri filimi yitwa “Rwanda : intoxication francaise”.

Nkuko byakunze kuvugwa na benshi ihanurwa ry’indege ya Habyalimana ni ryo ryabaye imbarutso yo gutangira genocide yakorewe abatusi muri 1994. Iyo ndege imaze guhanurwa genocide yahise ikorwa Abatutsi barenga miliyoni baricwa. Nyuma ya Genocide hahise hatangira “propaganda” yari igamije gusiga icyaha FPR n’abayobozi bayo.

Ibisigazwa by’Indege ya Habyarimana

Iyo propaganda yavugaga ko indege ya Habyalimana yahanuwe na FPR ku mabwiriza ngo yaba yaratanzwe na Nyakubahwa Paul Kagame, wari umugaba mukuru w’Ingabo za FPR zari zizwi kw’izina rya Rwanda Patritic Army (RPA).

Iyi propaganda yatangiriye mu gihugu cy’Ubufaransa itangizwa na Paul Baril, umufaransa wari inshuti magara ya Leta Habyalimana, wari mu Rwanda hagati y’umwaka wa 1990 – 1994, akaba ari nawe wari warahawe amasoko (tender) atandukanye harimo n’iryo kugura ibikoresho bizakora Genocide muri 1994.

Iyo propaganda yakwirakwijwe kw’isi yose bishyigikiwe na Hubert Vidrine, wari Umunyamabanga Mukuru ( Secretaire General) wa Elysee ku buyobozi bwa Francois Mitterand, Christian Quesnot wari Umugaba w’ingabo wihariye muri Elysee, Paul Baril wahoze akora mu mutwe wo kurwanya iterabwoba (super Gendarme antiterroriste) nawe wakoreraga muri Elysee mbere y’uko aza gufasha Leta ya Habyalimana mu bya gisirikare no muri gahunda yo gutegura no gukora Genocide.

Abandi binjiye muri iyo propaganda barimo abari abayobozi b’ingabo mu bufaransa, abari bakuriye urwego rw’iperereza rwo hanze y’igihugu (DGSE), abari abayobozi b’urwego rw’ubufatanye n’amahugurwa mu ngabo z’ubufaransa (DAMI), General Lafourcade wayoboye operation turquoise mu Rwanda n’abandi.

Iyi propogande bayifashijwemo n’umunyarwanda Fabien Singaye wari umudiplomate w’inkoramutima w’umuryango wa Habyalimana na Col. Sagatwa, akaba yari umujyanama muri Ambassade y’ u Rwanda mu Busuwisi, ariko akaba yari anashinzwe gufasha kwica, gufata, gufunga no gukora urutonde rw’abatutsi baba I Burayi ndetse n’abandi banyarwanda batavugaga rumwe na Leta ya Habyalimana cyane cyane ababaga barashatse mu miryango y’abatutsi.

Bamaze kwemeza ikinyoma isi yose ko FPR ari yo yahanuye indege ya Habayalimana, basanze bidahagije. Bifuje gusenya ubutegetsi bw’u Rwanda, bakoresheje ubucamanza. Leta y’Ubufaransa yifashishije umucamanza Luois bruguiere wari inkora mutimba ya Perezida Jack Chirac akaba n’umukunzi ukomeye w’ishyaka rye, maze asohora “mandat d’arret” ku bayobozi b’inkingi za mwamba z’ubutegetsi bw’u Rwanda.

Ubu bukaba bwari uburyo bwo gusenya ubuyobozi bw’u Rwanda, FPR no kugirira nabi ubwoko bw’Abatutsi Leta y’Ubufaransa yabonaga nk’umwanzi ukomeye wabashije gukura inshuti zabo (Abahutu) ku butgetsi.

Mu rwego rwo kugoreka urubanza no kugena ibizaruvamo rutaraba (manipulation), Bruiguiere yakusanyije ibimenyetso yifashishije ikinyoma n’ubuhamya bugoretse bwatanzwe n’abantu bahiswemo hashingiye ku bucuti bari bafitanye na Leta ya Habyalimana. Abimena muri aba batangaga ubuhamya yari Singaye Fabien na Paul Baril.

Aba mu ibazwa bagiye bashaka n’abandi bantu bari inshuti z’ubutegetsi bwa Habyalimana kugirango bazemeze ko FPR ari yo yarashe indege ya Habyalimana, bityo FPR ikazahamwa no kuba ari yo yateje Genocide yahitanye abantu bayo bwite barenga miliyoni. Aka ni agashinyaguro karenze ukwemera kw’ikiremwamuntu icyo ari cyo cyose. Nyuma abatangabuhamya banyuranye baje kwisubira bahakana ubuhamya Luois Bruguiere yabatwerereye ababeshyera.

Ikinyoma ntikirara bushyitsi

Louis Bruguiere yaje gusimburwa na Marc Trevidic maze yohereza impuguke mu Rwanda kugirango bakore ubushakashatsi bwimbitse maze uwarashe indege ya Habyalimana ifatwa nk’imbarutso ya Genocide yakorewe Abatutsi amenyekane.

Mu myanzuro y’ubushakashatsi impuguke za Juge Marc Trevidic zabonye ni uko mu butegetsi bw’u Rwanda hari abofisiye bakuru aribo Col. Bagosora, Col. Nsengiyumva na Majoro Ntabakuze bifuzaga ko imishyikirano ya Arusha itagira icyo igeraho kuko batashakaga nkuko babivugaga “kutazasangira ubutegetsi n’abatutsi / FPR.

Abo bofisiye bateguye coup d’Etat kuko Habyalimana yari yababwiye ko yifuza gusinya amasezerano ya Arusha kubera igitutu cy’umuryango mpuzamahanga ariko akazayananiza yagarutse mu gihugu ntazagire icyo ageraho. Nyuma kandi koko yaje kubivuga ko “amasezerano yasinye ari ibipapuro”.

Ikindi ikipe ya Juge Trevidic yatahuye ni uko basanze missile yarashe indege ya Habyalimana yaraturutse mu kigo cya Kanombe bitandukanye nibyo Bruguiere yashinjaga FPR ko yaba yararasiye indege ya Habyalimana ku musozi wa Masaka. Ibi byanemejwe n’abaturage bari ku murindi bataha bava mu mirimo itandukanye.

Ingabo z’Ubufaransa zitoza Interahamwe ubwicanyi

Ibi byashimangiwe na Dr. Denyse van Deenen wari medecin commandant ONU muri 1994 ko yumvise Missile yarashe indege Habyalimaba ituruka mu kigo cya Kanombe.

Andi makuru yagaragaye mu bubiko bw’inyandiko za UN ni uko Abasirikare ba Exfar bari bafite Missile 15 zigendanwa zo mubwoko bwa Mistral zakorewe zikanagurwa mu gihugu cy ubufaransa. Izi missile yatumijwe na Paul Barril abisabwe na Col. Bagosora, Col. Nsengiyumva na Majoro Ntabakuze ndetse ziza ziherekejwe n’abafaransa batatu bazi kuzirasa.

Ingabo z’Ubufaransa muri Operation Turquoise

Izo missile zatumijwe hamwe n’ibindi bikoresho byaguzwe na Paul Barril nyuma yo guhabwa isoko rya miliyoni eshatu z’amadolari zo kugura ibikoresho bizifashishwa muri Genocide birimo : miliyoni 11 z’amasasu, grenade ibihumbi cumi n a kimwe (11 000) n’ibindi

Byaje kugaragara ko indege ya Habyalimana yarashwe na Col. Bagosora, Col. Nsengiyumva na Majoro ntabakuze batashakaga gusangira ubutegtsi na FPR. Kubera ko babonaga ko FPR igenda ibarusha ingufu, biyemeza gukora Genocide ngo FPR niramuka ifashe ubutegetsi yo kuzagira abayoboke cyane cyane bene wayo bo mu bwoko bw’abatutsi.

Juge trevidic nabo bafatanyije baje guca urubanza bashingiye kubyo babonye batangaza ko bigaragara ko indege ya Habyalimana yarashwe n’abantu be. Uyu mwanzuro w’urukiko wagaragaje ukuri, icyaha kigumana benecyo, amaraso bamennye abagumizaho urubanza, naho intsinzi itaha ku bazize akarengane, agashinyaguro ko inzirakarengane arizo zikururiye genocide karahagargara.

Ntakidashira n’ibindi bizashira kuko inzirakarengane ntizakomeza kurenganira ubusa. Urugamba rwo kurwanya gupfobya no guhakana genocide ni urugamba rukomeye kuko abayihakana bakanayipfobya bakoresha ubukana bungana n’ubugome bwakoreshejwe igihe yakorwaga.

Rwanda watsinze icyinyoma kigeretse ku guhakana no gopfobya Genocide yakorewe abatutsi muri 1994. Iyi ni intsinzi tuzahora twishimira.

“Fall. Stand. Learn. Adapt.”
Mike Norton,

Yanditswe na : Emmanuel, Kicukiro, Umujyi wa Kigali

IBITEKEREZO
shyaka Anastase

ikibazo ni iki ?kuki mwakuyeho igitekerezo cya Burasa ? Nymara wenda yari afite ukuri !Ni byiza ko twatangira gukura tukunva na ibitekerezo by'abandi !

mp

Ok sha bagusubije neza gutera ubwoba burasa ntacyo wageraho kandi urwanda rurarinzwe ibyatubayeho twari bato twari tugoswe ntabushobozi bwari bihari ariko ubu muzagerageze muzibonera duhagaze neza thx H.E KPAUL TURIKUMWE humura kandi ukomere bazatuza baboneko ko batorongeye kandi bazane imvuja bakuye mubigunda birirwamo bahunga

Uwimana

Wowe wanditse iriya comment nagirango nkubwire ibi bikurikira : 1. Iri terabwoba ryawe ntacyo rivuze, ntawe riteye ubwoba, nta nicyo ryageraho. So Burasa ushaka gutera ubwoba, gukanga ntagire ubwoba kuko ntacyo wamutwara, ntacyo ushoboye n'icyo watekereza cyose ntacyo wageraho. Nk'abandi baturage bose b'igihugu cy u Rwanda Burasa ararinzwe kuko iyo bitaba ibyo wowe n'abandi bagome bagenzi bawe cyangwa abifuriza u Rwanda nabi nka FDLR. RNC, Paul Barril, Lafourcade n'abandi baba barasibye u Rwanda kuri map y'isi 2. Ese ubundi burasa yakoze iki ? Kwandika ko Ubufaransa bwishe abatutsi nibyo bigushajije ? Ni ikinyoma se ? Ibyanditse muri iriya Article biri documented, nta kintu na kimwe wanyomoza mu byanditse muri iriya article. Ibikubiye muri iriya article ko biri no kuri youtube (Rwanda : intoxication Francaise) yakozwe n ;abafaransa, ese abayikoze ko utarabikoma ? 3. Burasa yarokotse Genocide, mwamaze abatutsi Imana iramurokora, uramukangisha urupfu se ubundi abayeho kubera ko wifuza ko yabaho wa mwicanyi we ? 4. Sinzi ishyaka urimo gusa ndakeka ko uri muri FDLR, RNC cyangwa mu kindi gice cyasabitswe no kwifuza nabi, nagirango nkubwire ko u Rwanda, abanyarwanda na Burasa arimo batariho kubw'imbabazi zawe cyangw abandi bagome. u Rwanda ruriho kubera ubushake imbaraga bibuza abantu nkawe kwica cyangwa guhiga uwo ari wese na Burasa arimo 5. Let every nation know, whether it wishes us well or ill, that we shall pay any price, bear any burden, meet any hardship, support any friend, oppose any foe to assure the survival and the success of liberty.

burasa

Burasa nagirango nkumenyeshe ko isi yabaye nto ubu ujye ugenda uziko uri hagati yurupfu gufugwa burundu nibindi sha tuzaguhiga isi yose ntaho uzakikira wandike ibyushaka byose uko wandika turabika ngo umuhinzi asarura icyo yabibyi ucyenyere ukomeze uzabona


TANGA IGITEKEREZO

Kwamamaza
Kwamamaza
Also in this section
Perezida Kagame yahawe igihembo n’Umuryango w’Abibumbye kubwo kurengera ibidukikije

Perezida Kagame yahawe igihembo n’Umuryango w’Abibumbye kubwo kurengera...

Ubushinjacyaha bwasobanuye iby’ifatwa ry’ Umunyamakuru Eminente

Ubushinjacyaha bwasobanuye iby’ifatwa ry’ Umunyamakuru Eminente

Polisi yafashe ibyuma by’imodoka bya Rwf 24,000,000 byibwe NPD - COTRACO

Polisi yafashe ibyuma by’imodoka bya Rwf 24,000,000 byibwe NPD -...

....’ntawe uzava ahandi ngo atwubakire ibikorwa nk’ibi’ -Perezida Kagame

....’ntawe uzava ahandi ngo atwubakire ibikorwa nk’ibi’ -Perezida...

Village Urugwiro : Perezida Kagame na Madamu bifurije Abana bato Noheli nziza

Village Urugwiro : Perezida Kagame na Madamu bifurije Abana bato Noheli...

NEW POSTS
Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...