LATEST NEWS
New section No17
RWANDA : REFERENDUM NI UGUHITAMO SI IMPAKA
Publish Date: mercredi 16 décembre 2015
VISITS :857
By Admin

Mu nyandiko yacu yo 01/09/2015 twise “Paul Kagame, Umugaba Uhimbaye Imbaga : Guhindura ingingo 101 si impaka ahubwo ni impinduka”, yasohotse muri Rushyashya twagaragaje ko guhindura itegeko nshinga Abanyarwanda babifitiye uburenganzira ndetse ko biri no mu bushobozi bwabo bagamije kugena ejo heza habo hazaza.

Nifuje kwandika iyi nyandiko kugirango nsobanure ko igisobanuro cya “referendum” atari “kamarampaka” ndetse nanashimangire ibyatangajwe na Komisiyo y’Igihugu y’Amatora ko impamvu iyi referendum iteganyijwe idakwiye kwitwa “kamarampaka” ari ukubera ko nta mpaka ziri mu Rwanda.

Ijambo “referendum” ni ijambo ry’ikilatini rikomoka kw’ijambo “referre” risobanuye kugarurira ikintu nyiracyo (to bring or take back) cyangwa gushyikiriza umuntu ikibazo ngo agisubize (submitting of a question to someone for an answer).

Mu bijyanye n’itora “referre” bisobanura gushyikiriza abatora ikibazo, igitekerezo, umwanzuro, itegeko ngo bahitemo niba bibabereye.

Muri gahunda ya referendum turimo hari ingingo eshatu zigomba kumvikana :

Abavugwa (Abanyarwanda), Ikivugwa (Itegeko nshinga), ikigamijwe (gutora itegeko nshinga)

Banyiritegeko nshinga rero ni abanyarwanda bifitemo ububasha bwose kuko nkuko babigennye na mbere, Ubutegetsi bwose bukomoka ku mbaga y’Abanyarwanda.

Bikaba kandi bizwi ko nta gice cy’Abanyarwanda cyangwa se umuntu ku giti cye ushobora kwiha ubutegetsi, kandi ko ubutegetsi bw’Igihugu ari ubw’imbaga y’Abanyarwanda,bakoresha ubwabo binyuze muri referendumu cyangwa binyuze ku babahagarariye”.

Abaturage bategereje Referandumu

Ikivugwa ari ryo tegeko nshinga ryavuguruwe ku busabe bwa beneryo (abanyarwanda) nyuma yo gusaba ko rivugururwa ni ngombwa ko ingingo zavuguruwe zijyanye n’ubusabe bwabo cyangwa n’izindi zavuguruwe bijyanye n’inyungu zabo muri rusange bazitora bakazemeza.

Icyo abanyarwanda bagamije ni uguhitamo ejo habo hazaza, ariko kugirango habe heza ni ngombwa ko abanyarwanda bahitamo kwemeza ingingo ziri muri iryo tegeko zirimo izishyiraho ubutegetsi n’ibindi bya ngombwa bituma ejo hazaza hazaba heza.

Prof. Kalisa Mbanda Perezida wa Komisiyo y’Igihugu y’Amatora

Byaba mu gisobanuro nkomoko cy’ijambo referendum, byaba mu kivugwa (itegeko nshinga) byaba mu kigamijwe (ejo hazaza heza) ntaho ijambo referendum rihuriye n’impaka, intonganya, ubushyamirane, intambara cyangwa igisa nabyo.

Kubw’iyo mpamvu iyi referendum tugiye gukora nk’abanyarwanda ntikwiye kitwa “ Kamarampaka” kuko nkuko Komisiyo y’Igihugu y’amatora yabivuze nta mpaka ziri mu Rwanda.

Icya kabiri referendum ubwayo ntibisobanuye impaka.

Cyakora ntawakwirengagiza amateka y’u Rwanda. Mu Rwanda hasanzwe amagambo asanzwe avuga ibintu byiza ariko kubera ubugizi bwa nabi cyangwa inyungu zishingiye ku bugome bwa bamwe, abantu bagiye bayahuza n’ibikorwa bibi birimo kwica no kumena amaraso, guca abantu mu gihugu, kugira abantu ibicibwa, gukora genocide n’ibindi. Referendum yabaye mu myaka irenga miromgo itanu ishize yari iri muri urwo rwego.

Referandumu

Nyuma ya Genocide yabaye muri 1994, Abanyarwanda twaranzwe no kureba no kwibanda kubyatugirira akamaro kurusha ibindi. Turangarajwe imbere na Nyakubahwa Perezida Paul Kagame, Umuryango FPR Inkotanyi n’andi mashyaka bafatanyije kuyobora u Rwanda twageze kuri byinshi nk’igihugu ndetse nk’abantu ku giti cyacu.

Ibyagezweho byose ntibyari bushoboke iyo nk’Abanyarwanda tuba turangwa n’impaka, umwiryane, amacakubiri, amakimbirane mu mikorere n’imikoranire.

Iyi referendum tugiyemo si impaka ahubwo ni uguhitamo impinduka ziganisha u Rwanda aheza.

Dufite inshingano zo kwirinda no kwamagana icyo ari cyo cyose cyazana impaka, dufite inshingano zo kwitabira gutora neza referendum nkuko iteganyijwe kw’itariki 18/12/2015 no guhitamo ejo hazaza heza.

“Twese nk’umuntu umwe, Igihugu kimwe, icyerekezo kimwe dukora nk’ikipe imwe, Rwanda yacu uzatera imbere”, Intore Tuyisenge.

Yanditswe na : Emmanuel, Kanombe, Kicukiro, Umujyi wa Kigali.

IBITEKEREZO
Godfrey Niyomugabo

muraho, Bayobozi b'ikinyamakuru cyacu dukunda, Rushyashya.net, ndi umusomyi w'iki kinyamakuru w'igihe kirekire, bityo kubw'amakuru mutugezaho buri munsi mbandikiye mbasaba ko mwanyemerera ngatambutsa igitekerezo cyanjye kubijyanye n'amatora ya Referandumu tuvuyemo, igitekerezo kiragira giti ! Nitwa : Godfrey Niyomugabo Tel : 0788218512 e-mail : godfreyniyo@gmail.com Kigali - Rwanda Banyarwanda,banyarwanda kazi bavandimwe dusangiye Igihugu, dusangiye Ururimi,dusangiye Ubunyarwanda kandi dusangiye Umuco, namwe nshuti z'Urwanda, kandi namwe mwese abadakunda Urwanda. mbandikiye mwese ngira nti amahoro y'Imana abane namwe. Nyuma y'amatora ya Referandumu tuvuyemo nk'abanyarwanda, nyumwa kandi ya byinshi byagiye bitangazwa mu binyamakuru bitandukanye ndetse na bamwe mu bahagarariye ibihugu byabo ndetse n'imiryango mpuzamahanga imwe nimwe. Mubyukuri havuzwe byinshi byerekeza kukunenga uburyo Government igiye guhindura itegeko Nshinga nyane cyane mu ngingo yaryo ya 101 itaremereraga Umukuru w'Igihugu uriho ubu kungera kwiyamamariza kuyobora Urwanda n'Abanyarwa, nyamara ariko ababivugaga birengagijeko ba ny'urubwite aribo Banyarwanda aribo babyisabiye, ntibyatinze rero umunsi ny'irizina wari utegerejwe cyane waje kugera kuwa 17/12/2015 na 18/12/2015. Mugitondo cyo kuri iyi minsi yavuzwe haruguru abanyarwanda benshi bazindukiye kubiro by'amatora aho byari biherereye hose, ntakindi cyari kibazanye uretse gushimangira no kwemeza bidasubirwaho icyo basabye aricyo guhindura Itegeko nshinga ryabo, ngo bakureho burundu inzitizi iyo ariyo yose yabuza President Paul Kagame kongera kwiyamamaza. Bityo rero nkuko babyifuzaga Abanyarwanda nta Nduru nta Ndishyi ntawubahagaze hejuru bahawe rugari bashyira mubikorwa kandi basohoza umugambi bari bamaranye igihe batora Yogo ku kigero cya 98.3%, ibi ni ibyatangajwe by'agateganyo, bishatse gusobanura ko Itegeko Nshinga rigomba kuvugururwa. Ngendeye rero kuri ibi byose nanjye ndavuga nti byari bikwiye ko Abanyarwanda koko bahitwamo guhindura itegeko nshinga ryabo, batabihitiwemo n'undi muntu uwariwe wese naho yaturuka hose, abanyarwanda nibo bonyine bazi icyo bibamariye kongera guha amahirwe President Paul Kagame yo kongera kwiyamamariza kuyobora Urwanda. Urugero : 1. ninde muntu wiyemeje kuva ahashyushye akajya ahakonje kubw'inyungu za benshi ? ni Kagame. 2. ninde wiyemeje guhomba ubuzima bwe ngo arokore ubwa Benshi ? ni Kagame. 3. ninde se waringanije urwanda n'abanyarwa ? ni Kagame. 4. ninde wahaye umutekano usesuye Urwanda n'abanyarwanda ? ni Kagame. 5. ninde watanze uburezi bwa bose kubanyarwanda ? ni Kagame. 6. ninde se wagaruriye Urwanda n'abanyarwanda ikizere cyo kongera kubaho ? ni Kagame. 7. ninde se wahaye abanyarwanda kubona ubuvuzi kuri buri wese ? ni Kagame. 8. ninde se ukemura ibibazo by'abaturage bimaze imyaka myinshi byarananiranye ? ni Kagame. 9. ndinde se watanze Amata abantu bakanywa bagahaga ? ni Kagame 10. Mbase ninde uvuga agashyira no mubikorwa ? ni Kagame. mbase ibi byose nibindi byinshi tutarondoye bivuzwe haruguru hari undi muntu wabihwanya nawe uretse Paul Kagame ? Nkuko rero abanyarwanda nanjye ndimo dushingiye kuri ibi byose twavuze twahisemo gutora Yego kugirango dukomeze twese imihigo, turizera ko Nyakubahwa President Paul Kagame nawe atazazuyaza mukutubwira Yego, agashimangira Insinzi yacu bidasubirwaho. Ikitonderwa. Mbabazwa gusa nuko nta narimwe nari namubona imbona nkubone, ariko nanone nkizera ko igihe cyanjye cyo kumubona kizashyira kigashyika. Iki gitekerezo ni icyanjye bwite. Mugire amahoro y'Imana.

Akumiro

Ariko abantu bagiye bareka gutera urwenya koko ! Ngo Referendum si "Kamarampaka !" Niba atari impaka se turayishakira iki ? Kamarampaka itegurwa kuko haba hari "IMPAKA," si ko biri ? Nibizajya bigaragara ko umuyobozi yinyuramo azajya aba agaragaje "KUNANIRWA" ajye ahabwa ikiruhuko, kabone n'iyo yaba "NJYEWE." Unaniwe araruhuka ! Ibi bisobanuro by'abakambwe (AHO TWESE TUGANA) biratuyobya, ahubwo byarutwa no kubyihorera kuko abanyarwanda ntituri INJIJI, ikindi kandi "ITORA NI IBANGA"

Safe

Biratangaje kubona injijuke zitangiye guhunga Ikinyarwanda ukibaza impamvu ukayibura ! Ubundi se ijambo "Kamarampaka" ritwaye iki ko nubundi iyo referendum uvuga izaba ije kumara impaka abashaka ko Itegekonshinga rihinduka n'abatabishaka tukareba abenshi ari bande ? Ubundi se ko "Kamarampaka ari ijambo risanzwe mu Kinyarwanda watubwira icyo risobanura atari"Referendum" ?


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Abava muri FDLR bose bagaragaza gucikamo ibice gukomeye

29-04-2017

Abava muri FDLR bose bagaragaza gucikamo ibice gukomeye

Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...