LATEST NEWS
New section No17
Sudani y’Amajyepfo : Umuyobozi w’abapolisi ba UNMISS arashima abapolisi b’u Rwanda kuba bakora neza akazi
Publish Date: dimanche 20 décembre 2015
VISITS :169
By Admin

​Ishami rya LONI rishinzwe kubungabunga amahoro muri Sudani y’Epfo (UNMISS) ryashimye itsinda ry’abapolisi (FPU) b’u Rwanda bari muri icyo gihugu mu bikorwa byo kubungabunga amahoro, kuba bakora neza akazi kabo mu gace kitwa Malakal.

Kubashimira byabaye ubwo basurwaga ku matariki ya 16-17 Ukuboza 2015 n’abayobozi ba UNMISS barimo umuyobozi w’abapolisi bose bo mu bihugu biri muri ubwo butumwa bw’amahoro, CP Fredrick Yiga, akaba yari aherekejwe n’umuyobozi ushinzwe ibikorwa muri UNMISS CP Emmanuel Butera ndetse n’ushinzwe guhuriza hamwe ibikorwa by’amatsinda y’abapolisi (FPU) Eko Budiman ndetse n’uyoboye abapolisi bakora akzi kihariye mu mujyi wa Juba ariwe Olivia Adiku.

Mu ruzinduko rwabo, basuye ibice bitadukanye bareba ibikorwa by’itsinda ry’abapolisi (FPU) b’u Rwanda, bakaba barirebeye ibyo bamaze kugeraho kuva bageze muri ubwo butumwa.

Umuyobozi w’itsinda ry’abapolisi b’u Rwanda (FPU) ACP Rogers RUTIKANGA yasobanuriye abo bayobozi ibyo bakora ndetse abereka uduce dutandukanye abapolisi b’ u Rwanda bakoreramo dukikije inkambi ya Malakal irimo impunzi 48219. CP Fredrick Yiga yashimiye kandi abandi bapolisi bo mu yandi matsinda yo mu bindi bihugu kuba bafatanya na bagenzi babo bo mu Rwanda bityo asaba ko iyi mikoranire myiza yakomeza

Bimwe mu bibazo bamugaragarije ni ibyerekeranye n’ibikoresho by’akazi byaheze Juba na Mumbasa. CP Yiga yashimiye abapolisi b’u Rwanda kubera gukora cyane bagaragaza n’ubwitange abizeza kuzakemura icyo kibazo cy’ibikoresho ku buryo bizabageraho mu gihe kitarambiranye.

Yatemberejwe inkambi yose ya Malakal aho yagiye asura ibice bitandukanye harimo aho abapolisi bakorera,aho bahera impunzi imfashanyo zirimo ibiryo ,imyenda, ibikoresho by’abanyeshuri n’ibindi byinshi.

Nyuma yo kuzenguruka inkambi CP Fresdrick YIGA n’abamuherekeje berekeje ku cyicaro cy’ubutumwa bw’amahoro UNMISS, aho yagiranye ikiganiro n’abayobozi batandukanye ba Malakal bakaba barabahaye ibikoresho bitandukanye birimo imyenda n’ibindi. Yasabye abapolisi gukomeza ubufatanye mu kubungabunga umutekano neza mu nkambi.

CP Yiga yakomeje uruzinduko rwe asura umuhuzabikorwa wa Leta ya Upper Nile (Malakal) aho yamusobanuriye ku bijyanye n’ubufatanye hagati y’ibiro bye,abapolisi bari mu butumwa ndetse n’itsinda ry’abapolisi b’u Rwanda.

Fredrick YIGA yagiranye kandi inama n’abapolisi bo mu bihugu bitandukanye bakora akazi kihariye (UNPOL ) ndetse n’abayobozi b’amatsinda y’abapolisi (FPU). Yatangiye abashimira akazi bakora mu Ntara ya Malakal,anabasaba gukomeza kugira umurava n’umuhate mwinshi mu kazi ndetse anaboneraho kubifuriza Noheri nziza n’Umwaka mushya wa 2016.

CP Emmanuel BUTERA mu ijambo rye yashimiye inzego zose za Polisi mu ntara ya Malakal kubera umurava n’ubwitange bafite mu kazi kabo ndetse bagaragaza gukora akazi kinyamwuga.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...