LATEST NEWS
New section No17
Twirinde abashaka kuvangira ADEPR – Rév Pasteur Sibomana
Publish Date: lundi 16 novembre 2015
VISITS :330
By Admin

Imyaka 75 irashize itorero rya ADEPR rivuga ubutumwa bwiza mu Rwanda ari na ko rikora imirimo itandukanye yunganira gahunda za leta.

Mu ijambo umuvugizi w’ ADEPR Rev Pasteur Sibomana Jean yagejeje ku bakirisitu bitabiriye umunsi mukuru wo kwizihiza isabukuru y’ADEPR mu rurembo rw’Iburengerazuba wabereye mu karere ka Rusizi, yavuze ko hari byinshi byagezweho kandi bikwiye gusigasirwa.

Pasteur Sibomana umuyobozi mukuru w’ ADEPR akaba n’umuvugizi w’iryo torero, yagarutse ku buhanuzi bumaze iminsi buvugwa ndetse na bamwe bakomeje gushaka kuvangira iri torero.

Yasabye abakirisitu kwirinda abashaka kuvangira itorero. Yagize ati “Mwirinde abashaka kuvangira ADEPR, abazana ubuhanuzi buvangira iterambere ni ukubirinda kuko bahungabanya umutekano wanyu n’uw’igihugu.”

Umuvugizi w’ADEPR, Rev Pasteur Sibomana, akomeza asaba abakirisitu ko uwabona bene abo bahanuzi bajya bihutira kubagira inama, cyangwa ngo bakihutira kubimenyesha abashumba akaba ari bo bagira inama abitwa ko barimo guhanura.

Ikibazo cyakunze kujya cyumvikana muri iri torero, ni igishingiye ku buhanuzi bwagiye burivugwamo ariko buzanywe na bamwe mu bayoboke baryo, ubwo buhanuzi bukaba butaravuzweho rumwe kuko ubwinshi bwakuraga abanyarwanda umutima.

Bamwe mu bahanga mu nyigisho za bibiliya bavuga ko ubuhanuzi buvangiye butuma abaturage bahangayika bigatuma badakora imirimo yakabaye ibateza imbere.

Abandi kandi bavuga ko umuntu yagombye kugira ubwenge akamenya kuvangura ubuhanuzi buvangiye kandi bw’ibinyoma n’ubuhanuzi buturutse ku Mana butarimo amarangamutima ya muntu.

Ubuyobozi bw’itorero ry’ADEPR buvuga ko burimo kwitegura Yubile y’imyaka 75 iri torero rivuga ubutumwa bwiza mu Rwanda, rikaba ryaragiye rishyigikira gahunda za leta zirimo kubaka amashuri, amavuriro, kubakira abatishoboye, gushyigikira gahunda ya Gira Inka yazanwe na Perezida Paul Kagame, kwigisha abatazi gusoma no kwandika ndetse no kuba iri torero ryarashyigikiye gahunda ya Ndi Umunyarwanda.
Tubibutse ko ADEPR izizihiza isabukuru y’imyaka 75 kuri uyu wa gatandatu tariki ya 21 Ugushyingo 2015, kuri Stade Amahoro.

Kamurase Hassani

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...