LATEST NEWS
MU RWANDA
U Rwanda rurasaba amahanga gufata ingamba zihamye zo guhangana n’imihindagurikire y’ibihe
Publish Date: mercredi 25 novembre 2015
VISITS :60
By Admin

Mu gihe Isi yose yitegura inama izabera i Parisi mu Bufaransa igamije kuganira no kwemeza Amasezerano Mpuzamahanga mashya ku mihandagurikire y’ibihe, u Rwanda rurahamagarira amahanga gushyiraho ingamba zihamye zo guhangana n’ikibazo cy’imihindagurikire y’ibihe. U Rwanda rurasaba kandi ibihugu byateye imbere kongera imbaraga mu kugabanya imyuka yangiza ikirere no kongera inkunga igenerwa gahunda zo gukumira no guhangana n’ingaruka z’imihindagurikire y’ibihe mu bihugu bikiri mu nzira y’amajyambere.

Muri iyi nama, u Rwanda ruzafatanya n’ibindi bihugu bikunze kwibasirwa n’ingaruka z’imihindagurikire y’ibihe gukora ubuvugizi mu rwego rwo gukaza ingamba zo gukumira izamuka ry’igipimo mpuzandengo cy’ubushyuhe bw’Isi, kugira ngo kigume hasi ya dogere 1.5 (1.5°C).

Nk’Igihugu gifite ikirere gihindagurika n’ubutaka bwiganjeho imisozi miremire, u Rwanda rufite ibyago byo kwibasirwa n’ingaruka ziterwa n’ihindagurika ry’ikirere nk’ imyuzure ndetse n’amapfa. Kubera iyo mpamvu, u Rwanda ruzasaba ko Amasezerano Mpuzamahanga ku mihindagurikire y’ibihe azemerezwa muri iyi nama yazaba akubiyemo ibijyanye no gufasha mu buryo bw’amafaranga n’ikoranabuhanga ibihugu bikunze kwibasirwa n’ingaruka z’imihindagurikire y’ibihe, kugira ngo bibashe kuziba icyuho no gusubiranya ibyangijwe n’ingaruka z’imihindagurikire y’ibihe.

U Rwanda rufite icyizere ko ayo masezerano mashya azashyirwaho umukono mu nama y’i Parisi (izwi nka COP21 mu mpine), azaba areba ibihugu byose ndetse agashimangira inshingano ibihugu byateye imbere bifite yo gutanga inkunga y’amafaranga n’ikoranabuhanga ku bihugu bikunze kwibasirwa n’ingaruka z’imihindagurikire y’ibihe kugira ngo bibashe guhangana na zo.

Minisitiri w’Umutungo Kamere Dr Vincent Biruta yagize ati “Mu nama y’i Parisi, U Rwanda ruzashishikariza amahanga gushyiraho ingamba zihamye zo gukumira no guhangana n’ingaruka z’imihindagurikire y’ibihe ndetse no gutera inkunga igaragara ibihugu bikunze kwibasirwa n’ingaruka zayo.

Tuzanasangiza abandi ubunararibonye dufite mu guhanga ibishya mu rwego rwo gushyira mu bikorwa gahunda zo kubungabunga ibidukikije, ndetse tunakorane n’abafatanyabikorwa ku rwego mpuzamahanga mu gushakisha amafaranga akenewe mu guhangana n’imihindagurikire y’ibihe. Intego nyamukuru ni ukwemeza amasezerano yadufasha gukumira imihindagurikire y’ibihe kandi agafasha ibihugu nk’u Rwanda guhangana no kudahungabanywa n’ubwiyongere bw’ ubushyuhe ku isi.”

Minisitiri Biruta yakomeje agira ati “Nka kimwe mu Bihugu byemeje amasezerano mpuzamahanga ku mihindagurikire y’ibihe, twifuza ko inama y’i Parisi yazagera ku masezerano mashya azafasha ibihugu byose gukumira no guhangana n’ingaruka ziterwa n’ imihindagurikire y’ibihe mu buryo burambye, kandi ahikutisha impinduka ziganisha ku iterambere ridahumanya ikirere.”

Mu myaka ishize, u Rwanda rwagaragaje kudatezuka ku ntego yarwo yo kubungabunga ikirere no kubaka iterambere rirambye. Muri urwo rwego, u Rwanda rwashyize gahunda zo kubungabunga ibidukikije ku isonga ry’igenamigambi ryarwo, binyuze muri Gahunda y’Imbaturabukungu (EDPRS) n’Ingamba za Leta zo kubaka ubukungu bubungabunga ibidukikije kandi budahungabanywa n’ingaruka z’imihindagurikire y’ibihe (Green Growth and Climate Resilience Strategy).

U Rwanda kandi rwashyizeho Ikigega gitera inkunga imishinga yo guhangana no gukumira ingaruka z’imihindagurikire y’ibihe (FONERWA). Imikorere y’iki kigega cya mbere kinini muri Afurika cyo muri ubu bwoko, na yo izagezwa ku bazitabira inama y’i Parisi mu rwego rwo gusangira ubunararibonye no kurushaho gukurura inkunga zikenewe mu gukomeza gushyigikira ibikorwa byacyo.

Dr. Vincent Biruta MINIRENA

Amakuru arambuye ku bikorwa u Rwanda ruzakora kugeza mu 2030 mu rwego rwo guhangana n’imihandagurikire y’ibihe agaragara mu igenamigambi ry’Igihugu ryo guhangana n’imihindagurikire y’ibihe rizwi nka “Intended Nationally Determined Contribution”.

MINIRENA

IBITEKEREZO

TANGA IGITEKEREZO

Kwamamaza
Kwamamaza
Also in this section
Impuguke mu karere zateraniye I Kigali mu kwigira hamwe uko hahashywa ibikorwa by’iterabwoba

Impuguke mu karere zateraniye I Kigali mu kwigira hamwe uko hahashywa...

Imfura z’Ishuri Rikuru ry’Imyuga n’Ubumenyingiro rya Gishari (GIP) 161 zahawe Impamyabumenyi

Imfura z’Ishuri Rikuru ry’Imyuga n’Ubumenyingiro rya Gishari (GIP) 161 zahawe...

RwandAir yahembwe nk’ikompanyi itwara abantu mu ndege ya mbere mu karere

RwandAir yahembwe nk’ikompanyi itwara abantu mu ndege ya mbere mu...

Umuyobozi wa Polisi muNtara y’Iburengerazuba yakanguriye abaturage gukumira ibyaha

Umuyobozi wa Polisi muNtara y’Iburengerazuba yakanguriye abaturage gukumira...

Umugore wa Visi Perezida w’Ubuhinde yavuze ko hari byinshi byo kwigira ku kigo Isange

Umugore wa Visi Perezida w’Ubuhinde yavuze ko hari byinshi byo kwigira ku...

NEW POSTS
Visi Perezida w’u Buhinde yashimye Kagame aho yavanye u Rwanda

22-02-2017

Visi Perezida w’u Buhinde yashimye Kagame aho yavanye u Rwanda

BURUSELI : RNC irimo gucuruza urupfu rwa Col Patrick Karegeya mu gihe umuryango umaze imyaka 5 usaba ubuhungiro uhakanirwa

22-02-2017

BURUSELI : RNC irimo gucuruza urupfu rwa Col Patrick Karegeya mu gihe...

Uganda : Kijuru muri District ya Kibaale Inkambi y’ imyitozo ya Kayumba n’abashaka gutera u Rwanda

21-02-2017

Uganda : Kijuru muri District ya Kibaale Inkambi y’ imyitozo ya Kayumba...

Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

RNC –Ishaje yadukanye ’Agashya ’ noneho igeze no mubapfakazi

20-02-2017

RNC –Ishaje yadukanye ’Agashya ’ noneho igeze no mubapfakazi

Impanuro z’Umukuru w’Igihugu Perezida Kagame i Nyagatare

18-02-2017

Impanuro z’Umukuru w’Igihugu Perezida Kagame i Nyagatare

Ibya Dr. Rudasingwa n’abagenzi be Musonera na Ngarambe biteye kwibaza byinshi !

17-02-2017

Ibya Dr. Rudasingwa n’abagenzi be Musonera na Ngarambe biteye kwibaza...