LATEST NEWS
MU RWANDA
Ubuhamya bwa Nelly Mukazayire ukora mu biro bya Perezida Kagame mu gihe nyina afungiwe Jenoside
Publish Date: dimanche 17 avril 2016
VISITS :6552
By Admin

Nelly Mukazayire ni Umuyobozi wungirije mu biro bikuru bya Perezida wa Repubulika y’u Rwanda, akaba yaratanze ubuhamya bujyanye n’inzira y’inzitane yanyuzemo muri Jenoside yakorewe abatutsi na nyuma yayo. Yacitse ku icumu rya Jenoside nyamara nanone nyina afungiwe ibyaha yakoze muri Jenoside.

Imbere y’imbaga y’abayobozi bakomeye barimo Perezida Paul Kagame, umunyamabanga wa Loni ; Bani Ki-Moon n’abandi benshi batandukanye bari bitabiriye umuhango wo kwibuka ku nshoro ya 22 Jenoside yakorewe abatutsi mu 1994, Nelly Mukazayire yavuze byinshi bamwe bananirwa kwihangana bararira kuko ubuzima yanyuzemo n’uko ahagaze uyu munsi ni ibintu ndengakamere, byagora benshi kubyakira no kubyiyumvisha.

Yagaragaje uburyo kuba afite nyina afungiye muri gereza ya Kigali izwi nka 1930 kubera kuba yarakoze Jenoside yakorewe abatutsi nyamara akaba ari umuyobozi wungirije mu biro bya Perezida wa Repubulika, ari kimwe mu bimenyetso bishimangira ko abanyarwanda bahawe uburenganzira bungana.

Yagize ati : “Ndi umwana w’uwakoze Jenoside, mama wanjye ubu arimo gukora igihano cy’igifungo cya burundu muri gereza ya Kigali, kubera uruhare yagize muri Jenoside. Ndi urugero n’ikimenyetso gifatika cyo kuba abanyarwanda bose bahabwa amahirwe n’uburenganzira bungana mu Rwanda rushya. Nyuma ya Jenoside abanyarwanda babashije kubaka igihugu cyiza, aho umwana w’uwakoze Jenoside n’umwana w’uwayirokotse banganya amahirwe ku burezi, ku buzima, mu kazi no mu myanya y’ubuyobozi. Uko biri kose ariko, inzira yo gukira ibikomere n’ubwiyunge iracyasaba uruhare rwa buri wese”

Nelly Mukazayire, yakomeje asobanura inzira yanyuzemo mu gihe cya Jenoside ndetse n’uburyo nyina yagiye mu bwicanyi we akajya asigarana na se n’abavandimwe be batazi aho nyina yagiye, akaba yaracitse ku icumu rya Jenoside kuko yamutwaye benshi bo mu muryango we nyamara nyina akaba we afungiwe ibi byaha bya Jenoside.

Yagize ati : “Nari mfite imyaka 12 ubwo Jenoside yabaga. Njye n’abavandimwe banjye babiri twari kumwe na papa. Mu gihe cyose Jenoside yabaga, ntabwo twari tuzi aho mama yari ari. Papa yari ahazi ariko ntiyashatse kubitubwira kuko twari tukiri bato cyane kuburyo tutari kubasha kubyiyumvisha. Ku myaka yacu tukiri bato, twatekerezaga ko mama yapfuye. Ku nshuro ya mbere njya kumenya ibya mama, hari mu mwaka w’1996, nigaga mu mwaka wa kabiri w’amashuri yisumbuye.

Umwe mu banyeshuri bagenzi banjye yanyeretse inkuru yari mu kinyamakuru, iriho ifoto ya mama, amazina yanjye n’ay’abavandimwe banjye. Iyo nkuru yari ifite umutwe uvuga ngo Interahamwe ruharwa zafashwe. Uwo wabaye umunsi wanjye mubi kurusha iyindi. Umunsi umwe nabaga ndi uwacitse ku icumu kuko nari mfite papa w’umututsi, nkitwa umwana wacitse ku icumu kuko napfushije abanjye muri Jenoside, ariko mu kandi kanya ngahinduka umwana w’uwakoze Jenoside.”

Nelly Mukazayire

Nelly Mukazayire avuga ko yahuye n’ibihe bitamworoheye, rimwe na rimwe akajya abura uwo ari we kuko abana bacitse ku icumu bari inshuti ze bamucitseho bamwita umubeshyi w’umushinyaguzi, akabura uruhande abogamiramo, kuko icyasha cy’ibyo nyina yakoze muri Jenoside cyamukurikiranaga aho yajyaga hose. Nyuma yo kugerageza kubihunga, yabuze amahitamo yemera kwegera nyina ngo amusobanurire amubwire ukuri kw’ibyabaye.

Nelly Mukazayire ati : “Nafashe icyemezo cyo kwemera ukuri, ntangira kujya mvugana na mama. Byari bikomeye kandi byankomeretsaga umutima. Nashakaga kumenya ukuri ku byabaye ariko muri icyo gihe byari bindenze. Hari ibintu burya utifuza na rimwe kumva ku mubyeyi wawe, byongeye mama wawe. Ukuri nabashije kumenya binyuze mu muti w’ubutabera n’ubwiyunge by’umwihariko w’u Rwanda, ari wo Gacaca.N’ubwo benshi bazinenga cyane cyane cyane abatari abanyarwanda, inkiko Gacaca zadufashije gukira ibikomere.Abarokotse bamenye ukuri kw’ibyabaye ku bantu babo, bamenya aho imibiri yabo yahishwe babasha kuyishyingura mu cyubahiro, n’abakoze Jenoside bahabwa umwanya wo kwibaza bakemera ibyo bakoze bakanabisabira imbabazi, abakatiwe gufungwa bagakora ibihano byabo bafite imitima yamaze kwikiranura…

Abantu nkanjye bari bafitanye isano n’abakoze Jenoside kandi bakaba bari bafite inyota yo kumenya mu by’ukuri ibyabaye, igihe cyarageze bamenya ukuri.Gacaca yamfashije kumenya ukuri nari nkeneye ngo mbashe kongera gufungurira umutima mama wanjye. Ntaburyo buhari bwo gusubiranya ibyo yakoze kandi sinzigera na rimwe numva impamvu zatumye abikora, ariko byibuze nari nkeneye kureba niba yabasha kwicuza akanasaba imbabazi mbere y’uko mbasha kumubabarira.Nabashije kwikuraho umutwaro, ntandukanya njye ubwanjye n’ibyaha bye.”

Uyu muyobozi akomeza vuga ko nk’umukiristu wavutse ubwa kabiri, yaje kubona imbaraga zo kubabarira kugirango habeho gukira no kwiyunga. Yabashije kubabarira nyina ndetse abasha no kumusura aho yari afungiye, amwitaho ndetse n’ubu ngo ajya ajyana n’abana be bakajya kumusura muri gereza ya Kigali aho afungiye. Asanga uko byagenda kose, nyina ari umubyeyi kandi ntawundi yabona amusimbuza, ikindi kandi n’ubwo afunzwe ngo azi neza ko abana be bari mu gihugu aho abana batazigera baryozwa ibyaha by’ababyeyi babo.

Nelly ati : “Nk’uko Perezida Paul Kagame yabivuze, ntabwo twasubiza ibihe nyuma knadi ntitwabasha gusubiza ibyangijwe uko byari bimeze, ariko dufite ububasha bwo gutegura ejo hazaza, no gukora ibishoboka ngo twizere ko ibyabaye bitazongera kubaho ukundi. Uyu munsi sinterwa ishema n’ibya mama yakoze, ariko nanone sinkiri mu mwijima, nahisemo kuwusiga inyuma ngategura inzira yanjye n’amateka yanjye. Numva ntewe ishema no kuba mu gihugu kishishikajwe n’uburenganzira n’ubutabera kuri bose, haba mu mvugo no mu ngiro.

Ubwo nari umukobwa muto w’imyaka 14, nabonye uburenganzira bwanjye bwo kubona mama, n’ubu mu myaka 20 ishize kugeza ubu ntabwo nigeze mbuzwa kumubona. Nabashije kwiga ndaminuza, mpatanira imyanya y’akazi itandukanye, imyanga igatangwa hashingiwe ku bushobozi. Nakoze mu biro bya Minisitiri w’intebe, none ubu bwo ndi Umuyobozi mu biro by’umukuru w’igihugu udasanzwe, Perezida Paul Kagame. Ibi bishobora kuba gusa mu gihugu cyamaramaze mu kubahiriza uburenganzira bw’ikiremwamuntu nta vangura.”

Muri ubu buhamya bwe, Nelly Mukazayire yagaragaje ko ubu u rwanda Rwahindutse, abarutuye bakaba bashishikajwe no gukora ibyiza bibateza imbere ndetse babishyigikirwamo n’ubuyobozi. Yasabye abanyarwanda gukomeza kunga ubumwe no guharanira ko ibyabaye bitazongera kubaho, ashimira abayobozi batumye iyi ntambwe yo kongera kwiyubaka igerwaho ndetse anakomeza buri wese wahuye n’akaga k’amahano ya Jenoside yakorewe abatutsi mu Rwanda.

IBITEKEREZO
koyote

uyu mwana aragira ngo akomeze yirire ifaranga.niyo mpanvu acira nyina urwa Pilato

Kamana

Mr Kabagambe ni inshuti yanjye ariko nkeka ko atazi ko nzi amakuru y'uwo muhemu wamuzengereje akanamufungisha mu byitso by'inkotanyi mu mwaka wa 1990. Ir Kabagambe namumenye ndi umwana akora Ubushakashatsi ku mafi yo mu kiyaga cya Muhazi, nongeye kumubona ubwo twari dusoje urugamba rwo kwibohora mu mwaka mum mpera za 1994, kugeza ubu ni inshuti yanjye ariko nta n'ubwo azi ko namumenye ndi umwana muto, twongeye guhura nfite imyaka 26 we azi ko ari bwo bwa mbere nari mubonye. Icyo muzi ho ni umugabo witonda kandi ukunda u Rwanda n'abanyarwanda.

HAKIZIMANA Emmanuel

Nibyiza kwitandukanya na sekibi. Ariko kwa NTAHOBARI Maurice ho bimeze gute ? Umenya nawe uwamwegera hari abo mu muryango we wasanga bitandukanyije na NYIRAMASUHUKO kimwe n`umuhungu we SHALOM> Ariko nabo niba hari abashobora(bo kwa Maurice) gusoma buriya buhamya nibafate iyambere mu kwitandukanya na sekibi.

Dumbuli

Nanjye Nti " muri politiki nta mwanzi w'ibihe byoseubaho kirazira ariko kandi nta mukunzi w'ibihe byose nabyo nibyo biterwa n'igihari" Mukazayire irire cash yawe ubane n'umugabo amahoro Mama Mwamini yirire impungureP Buri wese azaza yibarizwa ibye nitugera imbere ya rwa Rukiko

Beni

Nabonye benshi mu banditse hano bifuza kumenya se wa Nelly. Ndagira ngo mbabwire ko se wa Nelly ku bamuzi neza yitwa KABAGAMBE Jean Bosco, ni umugabo witonda kandi w'inyangamugayo. Iby'amoko si ngombwa kubijyamo kuko uwo mugabo ntabwo yigeze agendera mu by'amoko. Dore "his biography" iboneka kuri RIU : Jean Bosco Kabagambe Senior programme officer RIU Rwanda Jean Bosco Kabagambe bears a Master Diploma in Agriculture with a specialization in fish farming. He served in the Ministry of Agriculture as Chief Fisheries officer for twelve years before joining United Nations Agencies, namely WFP and UNDP as programme officer in charge of community development during the post-war period (1994 - 2002). In 2002 Mr Kabagambe joined a regional NGO, PREFED, aiming at strengthening community based organisations. He was dealing with organisational and Institutional capacity buildingof CBOs. He joined the Private Sector Federation of Rwanda in 2006 where he was in charge of the Chamber of Agriculture and livestock with the objective to represent the agri-business community of Rwanda within the public-private partnership for policy dialogue and advocacy. His task was among others to transform the Rwandese agriculture into a professional business by building strong farmers organisations. He left PSF in 2010 to join RIU as Senior Programme Officer. Kabagambe has worked as consultant especially in the domain of fisheries. He participated in a study on ecology and limnology of Rwanda lakes. One of the outcomes of this study is the fish stocking of Rwanda inland lakes by Oreochromis niloticus, rastrienobola argentea, and clarias mosambicus. He has participated in several PRA in Rwanda for planning purposes. Education Jean Bosco Kabagambe completed his Masters in Agriculture as Ingenieur Agronome in the Faculty of Agriculture, the University of Rwanda at Butare. He went on in the University of Rivers State, Port Harcourt, where he otained a High Diploma in fish farming. He also carried out a short course on fish stock assessment at the University of Washington Seattle.

mugabo

Ubundi kuba Nelly ari umwe mubayobozi bakuru b' igihugu biratuma ubuhamya bwe bukwiye guhabwa akandi gaciro. Burya amarira y' abayobozi akwiye gutemba ajya munda. Iyo wamaze kuba umuyobozi ntuba ugikwiye gushyira imbere amateka yawe personal (cyane ko hari benshi dufite bagiye bababazwabikomeye mu buryo butandukanye). Ntabwo Minister cg Director cg Amabssador runaka akwiye gufata ijambo ngo aho kuvuga akaga kagwiriye abanyarwanda muri rusange ahubwo we akigira mubyo kuvuga abantu be bishwe cg bicanye. Aho ntiyaba ari kubaka u Rwanda. Nally rero akwiye kwihangana mugihe akiri mubatuyobora akareka amarira ye akajya atemba ajya mu nda.

siradji

Nelly twariganye I butare, numwana witonda cyane kandi ugira ikinyabupfira. Imana ikomeze imurinde

umwami

Manzi urakoze nibyo nari ngiye kuvuga wabivuze.

Mahoro

Nelly ubusanzwe ni umuhanga mu ishuri ndetse no mu kazi, ikindi akaba ari n'umwana mwiza ariko nanga ko abeshya ngo se ni umututsi kandi atari byo. Ise ni imvange y'umututsikazi n'umuhutu ariko sinzi impamvu Nelly atabivuga uko biri akabihishira. Sinzi impamvu amutsindagiraho ubututsi kandi tuzi tunemera ko hariho n'abahutu babaye beza baba n'inyangamugayo. Aha naho hahishe byinshi pe !

E.J.Musonera

Nahambye 37, nsigara jyenyine. Kuko ntari mpari. Iwacu hari Rukumberi muli Commune Sake, Data we bari baramwirengeje 1963 ku Rusumo. Uyu mwana Nelly, n'ubwo mwazanye Itiku mu kababaro ke, yasabaga imbabazi, azisabira n'umwicanyi wamubyaye. Leta yarekuye ibihumbi byaduhekuye muli Gacaca, ihemba abandi muli Leta no muli Senate na Parliament, iyo imaze kubaha impamba ihagije n'akanya ko kugurisha ibyabo bahita bigendera, bakajya kuyibeshyera mu mahanga. Ntihagire u wunva ubwoko muli iyi nvugo, ibisambo n'ibigome biba hose. Jyewe ubundi sinjya ndota ibyo kubabarira abicanyi, aliko mfite ubushobozi, uliya mwana w'umukobwa namusubiza Nyina , nawe akazisabira imbabazi abanyarwanda yahekuye. Jye sindeba ubugome bw'uliya mwicanyi, ndirebera akababaro k'uliya Mwalimu n'utwana twe. So help me God.

kampayana

Nyina wa Nelly yitwa Mwamina, akaba avuka mu Ruhengeri.

Manzi

Rushyashya namwe ntimugahe urubuga izi ngengasi kwandika amatiku.nkuyu ubaza Nelly umwirondoro awumubaza nkande ?urifuza kumuha akandi kazi karenze ako akora ? wa njiji we urasaba ko abapfuye igihe kimwe na habyara wawe byakwibukwa ?ntugapfobye genocide aka kagabo karakomeza gatanga ingero kuri karamira.Karamira yari umututsi nyamara yakoze genocide uranavuga Robert kuki nyina wa Nelly ataba mushiki wa Robert kajuga ? naho ibyo wita umukino wa politique wasigaye inyuma nkikote uruwo gusabirwa.

Ana

Ubuse turemera ukuri kwa nde kwa commemtaire cgkwa rushyashya !! Ubumbuze icyo mfata nicyo ndeka ?!!

joan

Hh birantunguye cyane nange simbyemeye.none se niba mwibuka mwansobanurira icyo gihe aho Nelly na bavandimwe be babaga mu gihe cya Jenocide ? Nonese niba yari umututsi kubera iki atahunze nkabandi bahigwaga ? Ko mubizi ko umugabo wumututsi wese bamuhigaga ? Nyina yari yaramushinganishije kuri bene wabo binterahamwe se ? Mudusobanurire kuko ndabona ari amacenga ayo ngayo.

Mpetamacumu

mwiriwe. .. ndagirango mbwire abantu bakoze synthese ku mpamvu yaba yarateye mwamini nyina wa nely, bakeka ko yagiye mu buterahamwe ngo byari ukugirango atabare umuryango we ko ari ikinyoma atari ukuri...ushaka kubimenya azegere abacikacumu bari baturanye na mwamini kuva muri 1990 uko yitwaraga ! grenades zigeze guterwa kivugiza muri 1992 mu kabari abatutsi banyweragamo niwe wapanga ibyazo byose ! kugeza aho muri genocide noneho yahinduye strategy akajya ashahura abatutsi babagabo ! ... mujye mubanza mukore research.

MRE

Muraho ? Nakurikiranye speech ya Nelly muri UN, nsoma inyandiko zose zayikozeho inkuru, ndetse nsoma na comments zaherekeje inyandiko zinyuranye. Ndifuza kugira icyo mvuga. Icyambere nagirango nshime byimazeyo Nelly kubw'ubutwari yagize mu kibazo yari afite cyo kuba victime wa Genocide ku ruhande rwa Papa we, akaba yaranababajwe ariko akagaya uruhare Mama we yagize muri Genocide. Ariko muri ibyo byose akaba yarabashije kumubabarira akaba amusura nk umubyeyi we kandi akaba yaranitandukanyije n'ibyaha bye. Uko Nelly yitwaye mu kibazo ni uburyo bwa gipfura, kinyangamugayo, gihanga, burimo gushyira mu gaciro ndetse no gukunda igihugu. Nelly yamenye kubana n'ikibazo ariko anamenya ko ejo hazaza ariho heza. Nabonye hari abavuga ngo Shebuja ( President Kagame) yamuhaye umwanya ahubwo azamuhe niyindi myinshi kuko imyitwarire ya Nelly ni indashykirwa dore ko nanaganiriye n'abantu biganye muri Kaminuza zinyuranye bakambwira ko arangwa n'ubuhanga, ubwenge, ubwitonzi, gusenga no gushyira mu gaciro. Umuntu ufite izi ndangagaciro akwiye ishimwe. Nagirago rero ngire icyo mbwira abantu nabonye bamuvuga nabi cg bamuvugana inabi, ubugome cyangwa ubujiji. Bamwe bati ubuhamya bwe burimo inyungu za politiki. Nagirango mbabwire ko Nelly yavuze ubuzima bwe, ibyago yagize, uko yiyubatse, uko yahawe akazi atavanguwe n'ibindi. Nagirango mbameyeshe ko ibintu byinshi byiza biri mu Rwanda, ineza iri mu Rwanda, amahirwe ari mu Rwanda hafi 100% bikomoka kuri iyi Leta iriho. Nelly ari mu mbaga y'abanyarwanda benshi bagiriwe neza niyi Let. Mu bisanzwe kuvuga nezano gushimira uwakugiriye neza ni umuco mwiza wa Kinyarwanda. Umuntu aramutse yarakugiriye neza ukamushimira ndetse byanashoboka ukaba wabikorera mu ruhame rw imbaga y'abantu bakomoka kw'isi yose byaba ari akarusho. So Nelly yagize neza gushimira uwamugiriye neza (HE) ndetse ineza ye akaba yarashatse kuyimenyakanisha kw’isi hose. Abasa n'abavuga wenda speech ye yayivuze ari uguhakwa, nagirango mbabwire ko uwagira amahirwe yahakwa, yamenywa n'umugaba w'umugabo nka President Paul Kagame cyangwa imiryango akomokamo kuko ni imiryango mizima kandi ikunda igihugu. Imiryango mvuga ni umuryango we bwite we na Jeannette Kagame, Umuryango we wa politiki no kurengera u Rwanda ari wo RPF/RPA inkotanyi ndetse n’umuryango mugari w’abanyarwanda nk’igihugu. Hari n’abo nabonye bashaka kumutera ipfunwe, ngo urabona ngo akomoka ku nterahamwe ( mama we). Aramaze. Nelly yababwiye ko yitandukanyije ‘ibyaha umubyeyi we yakoze, ariko akaba amusura nk umubyeyi we. Nta kindi yakora uwo ni murongo nyawo. Nabonye hari n’abashaka kumutera ipfunwe ngo iriya Nkotanyi. Ahubwo nakomereze aho abe inkotanyi cyane, abe intore , abe indashyikirwa. Erega umuntu wagize ibyago nka biriya nta yindi myitwarire yindi akwiye uretse kuba inkotanyi cyane. Nelly, wagize ikibazo gikomeye kandi wakitwayemo nea. Imana izagufashe ukomeze utere imbere, nabonye uri n umukristu uzakomeze usaba imana ikomeze igutere imbaraga. Ku rundi ruhande baca umugani ngo “Imana y’abantu ni abandi†. Uwo musaza ubwo wabashije kumugera hafi, ukomereze aho. Benshi twifuza ko yatumenya, gusa ntiyamenya abantu bose, gusa kugira amahirwe yo kumenywa n’umukuru w’igihugu ntawe utabyifuza. MRE

Karake

Mu minsi itari myinshi ishize abo mu miryango ya ba Late Assinapol RWIGARA, Col Patrick KAREGEYA, Assiel KABERA n'abandi benshi ... bavugaga ibyiza byinshi bijya gusa nibyo utubwira ... ariko ubu ukuri n'agahinda babibitse mu mitima ... TIME WILL TELL !!!

Kagabo

Peut-être que la maman de Neuilly a suivi les interahamwe pour sauver son mari et ses deux filles !

Safe

Kalisa nanjye ndemeranwa nawe ko yari akagambane n'umugabo we kuko ntibyumvikana uburyo umuntu yigizemo umutima wo gukora genocide ntahere ku mugabo n'abana be b'abatutsi wumva bidashoboka. Wenda yari kureka abana kuko bari bavanze,n'umugabo ? atamwiyiciye nk'uko bamwe babikoze wenda yari kumugambanira akicwa n'abandi.

Kalisa

Jyewe Nelly na maman we ndabazi, bivugwa ko maman wa Nelly yakoze amarorerwa muri génocide, mfite hypothèse ko ibyo maman wa Nelly yakoze yagirango arengere umugabo we n'abana be, ndavuga ko ari hypothèse ubwo ukuri kuzwi na maman wa Nelly. Icyo nzi ni ko Papa wa Nelly yahise yigarama umugore we na Nelly byafashe igihe ngo ajye gusura maman we muri 1930. Niba rero arimo gukora kwa Kagamé narambane na shebuja.

1 | 2

TANGA IGITEKEREZO

Kwamamaza
Kwamamaza
Also in this section
Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

Abikorera bagaragarije Umukuru w’Igihugu Paul Kagame ikibazo cy’inyubako...

Perezida Kagame yahawe igihembo n’Umuryango w’Abibumbye kubwo kurengera ibidukikije

Perezida Kagame yahawe igihembo n’Umuryango w’Abibumbye kubwo kurengera...

Ubushinjacyaha bwasobanuye iby’ifatwa ry’ Umunyamakuru Eminente

Ubushinjacyaha bwasobanuye iby’ifatwa ry’ Umunyamakuru Eminente

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...