LATEST NEWS
MU RWANDA
“Umubano w’u Rwanda n’ibindi bihugu wifashe neza kereka uburundi nibwo tugifitanye akabazo” Louise Mushikiwabo
Publish Date: mercredi 10 février 2016
VISITS :422
By Admin

Minisitiri w’ububanyi n’amahanga w’u Rwanda Louse Mushikiwabo yavuze ko u Rwanda n’andi mahanga wifashe neza. Gusa ngo uburundi bwo haracyarimo akantu. Ngo ni ikibazo kibangamiye umutekano w’akarere kose muri rusange ariko yemeje ko nta ruhare na ruto u Rwanda rugifitemo.

Mu nama yagiranye n’abasenateri Louse Mushikiwabo yabagaragarije ishusho rusange u Rwanda rufitanye n’amahanga. Avuga ko umubano w’u Rwanda na Repubulika iharanira Demokarasi ya Congo urushaho kugenda umera neza kurushaho.

Ni nyuma yaho u Rwanda rwakomeje kugenda rugirana ibibazo na Kongo mu minsi yashize akenshi byabaga bishingiye ku barwanyi ba FDLR bashinjwa kuba barasize bakoze genocide yakorewe abatutsi mu Rwanda mu w’1994, aba bakaba bibera mu burasirazuba bwa Kongo.

Yagize ati “ Bimwe mu bibazo byaturutse kuri genocide muri 94 byagiye bibonerwa umuti hagati yacu na Kongo, twagiye dukomeza kuganira, ndetse nubwo ikibazo cy’interahamwe kitarabonerwwa umuti, ntago ari ikibazo cya Kongo gusa.”

Kuri Louise Mushikiwabo, ngo ikibazo cy’u Burundi nicyo cyazambije amahoro mu karere akaba ari na cyo cyatambamiye umubano hagati y’u Rwanda n’u Burundi dore ko ngo bukeka ko u Rwanda rugifitemo uruhare ariko Mushikiwabo yongeye kubihakana.

Yavuze ko ngo za raporo zikorwa n’imiryango mpuzamahanga zivuga ko u Rwanda rutoza abantu bashaka gukura ku butegetsi Nkurunziza ko nta gaciro zikwiye guhabwa.

Yagize ati “ abarundi bahunze abenshi ni abatavuga rumwe n’ubutegetsi bwa Nkurunziza, rero ntago ari igitangaza kumva amaraporo nkariya, ahubwo mwitegure n’andi menshi.”

U Rwanda rwakomeje kuregwa n’abayobozi batandukanye b’u Burundi kugira uruhare rukomeye mu mvururu zikomeje gutwara ubuzima bw’abantu batari bake mu Burundi, ariko u Rwanda narwo rwakomeje kubihakana. Imiryango mpuzamahanga ivuga ko ikibazo cy’u Burundi cyatewe na Nkurunziza watangaje ko aziyamamariza kuyobora u Burundi kuri manda ya gatatu.

Source : Imirasire

IBITEKEREZO

TANGA IGITEKEREZO

Kwamamaza
Kwamamaza
Also in this section
Polisi y’u Rwanda irihanangiriza abantu batanga ruswa ngo bahabwe uruhushya rwo gutwara ibinyabiziga

Polisi y’u Rwanda irihanangiriza abantu batanga ruswa ngo bahabwe uruhushya...

Pascal Nyamurinda niwe utorewe kuyobora Umujyi wa Kigali

Pascal Nyamurinda niwe utorewe kuyobora Umujyi wa Kigali

88,41% by’abakoze ibizamini bisoza amashuri yisumbuye babitsinze neza

88,41% by’abakoze ibizamini bisoza amashuri yisumbuye babitsinze...

Gusesengura no guhanahana amakuru ku gihe ni ishingiro ryo gukumira ibyaha - CP Butera

Gusesengura no guhanahana amakuru ku gihe ni ishingiro ryo gukumira ibyaha...

NEW POSTS
RNC –Ishaje yadukanye ’Agashya ’ noneho igeze no mubapfakazi

20-02-2017

RNC –Ishaje yadukanye ’Agashya ’ noneho igeze no mubapfakazi

Impanuro z’Umukuru w’Igihugu Perezida Kagame i Nyagatare

18-02-2017

Impanuro z’Umukuru w’Igihugu Perezida Kagame i Nyagatare

Ibya Dr. Rudasingwa n’abagenzi be Musonera na Ngarambe biteye kwibaza byinshi !

17-02-2017

Ibya Dr. Rudasingwa n’abagenzi be Musonera na Ngarambe biteye kwibaza...

“ Udashinga ntabyina” MPAYIMANA, NAHIMANA na HABINEZA kuyobora u Rwanda - twisekere !!!!

14-02-2017

“ Udashinga ntabyina” MPAYIMANA, NAHIMANA na HABINEZA kuyobora u Rwanda -...

Ubutinganyi (homosexuals) buravuza ubuhuha muri RNC

13-02-2017

Ubutinganyi (homosexuals) buravuza ubuhuha muri RNC

Ni nde Muyobozi ukwiriye u Rwanda

13-02-2017

Ni nde Muyobozi ukwiriye u Rwanda

Ijwi ry’amaraso ya Padiri Nambaje yamenetse rikomeje kubuza amahwemo Thomas Nahimana wamwicishije

10-02-2017

Ijwi ry’amaraso ya Padiri Nambaje yamenetse rikomeje kubuza amahwemo Thomas...