LATEST NEWS
New section No17
Umudugudu w’ADEPR Kigarama urishimira ibyo wagezeho mu myaka 12 (Amafoto)
Publish Date: dimanche 1er novembre 2015
VISITS :232
By Admin

Kuri iki cyumweru ubwo hizihizwaga Yubile y’imyaka 12 Umudugudu w’ADEPR Kigarama muri paruwasi ya Gikondo umaze uvuga ubutumwa, Umushumba wa paruwasi ya Gikondo uyu mudugudu ubarizwamo aratangaza ko hari byinshi bishimira bimaze kugerwaho.

Mu kiganiro n’ itangazamakuru, Pastereu Murwanashyaka Faustin yagize ati "Ni umunsi mukuru uyu mudugudu wizihizaho Yubile y’imyaka 12 ADEPR Kigarama imaze ivuga ubutumwa hakizihizwa kandi na Yubile y’imyaka 75 itorero rya ADEPR rigeze mu Rwanda."

Avuga ko iri torero ryatangiye mu Rwanda mu mwaka wa 1940, ritangirira i Gihundwe mu karere ka Rusizi.

Anasobanura ko umudugudu wa Kigarama abawukoreramo umurimo w’Imana bishimira aho bavuye n’aho bageze.

Ati "twatangiye hano tuvuza ingoma y’ uruhu ariko ubu dufite ibyuma bicuranga, navuga ko tugeze ku rugero rushimishije, yego sinavuga ngo twageze aho tujya ahubwo turakomeje."

Yongeraho ko batangiranye n’abakirisitu bake cyane ariko ubu ngo bafite abakirisitu bagera kuri 400 kandi bashima Imana. Agashimangira ko abo ari bo bahinduka bakongera bagahindura abandi.

Ku rundi ruhande ariko, Pasteur Murwanashyaka avuga ko igikorwa cy’indashyirwa bamaze kugeraho ari icy’uko bamaze guhindura imitima y’abantu.

Yavuze ati "Hari abantu bari abasinzi, n’indaya. Bari ba bantu biberaga mu bapfumu bagasenya n’ ingo zabo ariko ubutumwa bwiza twababwirije, bwatumye bahinduka. Ubu dufite abasore n’inkumi beza bakijijwe kandi ni abavugabutumwa bakomeye."

Yongeraho ko abagabo bubatse ingo zabo bakaba babanye neza n’abo bashakanye kandi ngo baratekanye.

Ahamya kandi ko amahoro n’umutekano babifitemo uruhare kuko abo bantu baretse ubusinzi, ntibakinywa za suruduwire n’ibindi biyobyabwenge, akavuga ko ibyo bituma inzego za leta zoroherwa n’akazi kuko ngo hari abakirisitu babo babivuyemo.

Nyamara ariko umudugudu w’ ADEPR Kigaragama wishyurira abatishoboye ubwisungane mu kwivuza, ukanafasha abantu kwikura mu bukene hakiyongeraho no kubigisha gusoma no kwandika, ibyo byose akaba ari muri bimwe bishimira mu gihe cy’imyaka 12 uyu mudugudu umaze uzanye ubutumwa bwiza mu murenge wa Kigarama.

Mu mafoto uko ni ko byari byifashe :


Abakirisitu baritabiriye.


Pasteur Pascal Umuyobozi w’umudugudu ADEPR Kigarama.


Korali zitandukanye zo kuri ADEPR Kigarama.


Hakaswe umutsima ubwo hizihizwaga Yubile y’imyaka 12 Umudugudu wa ADEPR Kigarama umaze uvuga ubutumwa.


Umunyamabanga Nshingwabikorwa w’umurenge wa Kigarama , Alexis Mugabo ari kumwe na Pasteur Murwanashyaka Faustin uyoboye paruwasi ADEPR Gikondo.


Iyo nyubako ni urusengero rw’ umudugudu w’ADEPR Kigarama.


Pasteur Murwanashyaka Faustin aganira n’itangazamakuru.

Kamurase Hassani

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yarahiriye kuyobora u Rwanda muri manda y’imyaka irindwi

22-08-2017

Perezida Kagame yarahiriye kuyobora u Rwanda muri manda y’imyaka...

Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...