LATEST NEWS
MU RWANDA
Umumotari yatanze amakuru muri Polisi bituma mugenzi we atabwa muri yombi
Publish Date: mardi 17 novembre 2015
VISITS :408
By Admin

Umumotari ukorera mu mujyi wa Kigali, ku itariki 15 Ugushyingo 2015, yahaye amakuru Polisi y’u Rwanda mu karere ka Kicukiro yatumye ifatana undi mumotari witwa Nshimyumukiza Shafi moto yari yibye mu mujwi wa Rubavu kuri uwo munsi nk’uko nyir’ubwite yabyivugiye.

Nshimyumukiza, uri mu kigero cy’imyaka 24, akaba abarizwa mu murenge wa Muhoza, mu karere ka Musanze, yavuze ko mu gitondo cy’uwo munsi yafashweho, yatiye iyo moto ifite nomero ziyiranga RC 601Z nyirayo, amubwira ko agiye hafi, maze ahita ayizana mu mujyi wa Kigali.

Umuvugizi wa Polisi y’u Rwanda mu mujyi wa Kigali, Superintendent of Police (SP) Modeste Mbabazi yavuze ko Nshimyumukiza yafatanywe na mubyara we witwa Nsenga Isaac, uri mu kigero cy’imyaka 26, bari gushaka ababatandukanyiriza ibyuma by’iyo moto, ibyo bamwe bakunze kwita ’kuyibaga’.

SP Mbabazi yavuze ko bafashwe mu ma saa kumi n’ebyiri n’igice za nimugoroba zo ku munsi uwo munsi bari gushakira mu kagari ka Kamashashi, umurenge wa Nyarugunga, mu karere ka Kicukiro abayibabagira, aha akaba ari na ho mubyara we atuye.

Yagize ati :"Bagiye ahantu ha mbere, abo babibwiye barabyanga, bajya aha kabiri, na ho bigenda gutyo. Umwe mu bamotari yumvise bagenda babaririza uwabibakorera, acyeka ko baba bayibye maze ahita abimenyesha Polisi y’u Rwanda muri aka karere, maze ije, isanga koko bagikomeje gushakisha uwayibabagira, irabafata."

Yavuze ko aba bombi bafungiwe kuri sitasiyo ya Polisi y’u Rwanda ya Nyarugunga mu gihe iperereza rikomeje kugira ngo hafatwe uwo ari we wese ufite aho ahuriye n’ubwo bujura, ndetse no gushyikiriza iyo moto nyirayo.

SP Mbabazi yashimye uwo mumotari kubera yamenyesheje Polisi y’u Rwanda muri aka karere ariya makuru ku gihe, aha akaba yaragize ati :"Iyo amakuru atangiwe ku gihe, bituma icyaha gikumirwa, naho mu gihe cyabaye cyangwa hari abategura kugikora, bituma bafatwa vuba."

Yagiriye inama abafite akaboko karekare kubireka ahubwo bagakora kugira ngo biteze imbere n’imiryango yabo aho gutega amaramuko n’amakiriro ku kwiba cyangwa ku yindi migirire iyo ari yo yose inyuranyije n’amategeko.

Yasabye abaturage muri rusange kwirinda igikorwa icyo ari cyo cyose kinyuranyije n’amategeko kandi bagakomeza guha Polisi y’u Rwanda amakuru y’abagikoze cyangwa abategura kugikora.

Ingingo ya 300 y’igitabo cy’amategeko ahana y’u Rwanda ivuga ko umuntu wese ukora ubujura budakoreshejwe kiboko cyangwa ibikangisho ahanishwa igifungo kuva ku mezi atandatu (6) kugeza ku myaka ibiri (2) n’ihazabu y’amafaranga y’u Rwanda yikubye inshuro kuva kuri ebyiri (2) kugeza kuri eshanu (5) z’agaciro k’icyibwe cyangwa kimwe gusa muri ibyo bihano.

RUSHYASHYA

IBITEKEREZO
rucogza

Iyi mikorere myiza dukwiye kuyishimira rwose nk'aba Motari Jye aho umupoice kumuhunga mba numva nshaka no kunyura aho bahagaze ngo Mbasuhuze, bravo mugenzi wange !!!!!

Juma

UYu mumotari yagakwiye kubera abandi ijisho rizima kugira ngo nawe ibyo yakoze bibere isomo, ni byiza gutanga amakuru cyane ajyanye n'umutekano n'ubufatanye mu kurinda iki gihugu cyacu.


TANGA IGITEKEREZO

Kwamamaza
Kwamamaza
Also in this section
Polisi y’u Rwanda yeretse itangazamakuru Abarundi 12 bafashwe bagiye gucuruzwa muri Aziya

Polisi y’u Rwanda yeretse itangazamakuru Abarundi 12 bafashwe bagiye...

Bugesera : Polisi yafashe moto yibwe i Kigali igiye kugurishwa i Burundi

Bugesera : Polisi yafashe moto yibwe i Kigali igiye kugurishwa i...

Polisi y’u Rwanda yaburijemo ubujura bw’ikoranabuhanga bw’amadolari ibihumbi 700

Polisi y’u Rwanda yaburijemo ubujura bw’ikoranabuhanga bw’amadolari ibihumbi...

Ruswa ishingiye ku gitsina mu Rwanda, ihurizo rikomereye Umuvunyi Mukuru

Ruswa ishingiye ku gitsina mu Rwanda, ihurizo rikomereye Umuvunyi...

Uburyo abakoze ibizamini bya Leta bamenya ibigo bazigaho

Uburyo abakoze ibizamini bya Leta bamenya ibigo bazigaho

NEW POSTS
DONALD TRUMP abaye Perezida wambere urahiriye gutegeka Amerika adakunzwe

24-01-2017

DONALD TRUMP abaye Perezida wambere urahiriye gutegeka Amerika...

Padiri Nahimana yagiye kwishinganisha Abazungu bamutera utwatsi

24-01-2017

Padiri Nahimana yagiye kwishinganisha Abazungu bamutera utwatsi

Komite y’inzego z’Iperereza n’Umutekano muri Afurika yahuriye mu nama I Addis Ababa

23-01-2017

Komite y’inzego z’Iperereza n’Umutekano muri Afurika yahuriye mu nama I Addis...

Ibyiza dukesha ikoranabuhanga biruta kure ibibazo rishobora gutera - Perezida Kagame

23-01-2017

Ibyiza dukesha ikoranabuhanga biruta kure ibibazo rishobora gutera -...

Abanyafurika bakeneye kwihutisha ibyo bakora ngo hagerwe ku byo batashoboye kugeraho- Kagame

23-01-2017

Abanyafurika bakeneye kwihutisha ibyo bakora ngo hagerwe ku byo batashoboye...

Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...