LATEST NEWS
New section No17
Umushumba wa Diyosezi ya Kabgayi, Smaragde Mbonyintege aritana bamwana na IBUKA na Tom Ndahiro
Publish Date: jeudi 30 juin 2016
VISITS :2125
By Admin

Umushumba wa Diyosezi ya Kabgayi, Smaragde Mbonyintege, aravuga ko nta gahunda kiliziya gatulika ifite yo kwifatanya n’abapadiri barimo abajenosideri mu kwihiza Yubile y’imyaka 25.Akavuga ko atazi abakoze urwo rutonde rw’aba padiri bagomba gukorerwa yubire.

Ibi arabihakana hashingiwe ku butumire bwanditswe mu izina rye ariko akavuga ko atari we wabwanditse. Ni ibaruwa y’ubutumire yakwirakwijwe ku mbuga nkoranyambaga nka Twitter.

IBUKA, nayo ikavuga ko gukorera Yubire abapadiri bahamwe n’ibyaha bya Jenoside, ari uguhakana no gupfobya Jenoside yakorewe Abatutsi no gutoneka abacitse ku icumu.

Inkuru y’Izuba rirashe iragira iti :

Mgr Mbonyintege ati ‘baratubeshyera’, Tom Ndahiro ati ‘ayo ni amatakirangoyi’

Umwe mushakashatsi kuri Jenoside yakorewe Abatutsi, Tom Ndahiro, wemeza ko iyi baruwa yanditswe na Kiliziya Gatulika, ati “Ni bo bayanditse, ibyo kuyihakana birumvikana ko ari amatakirangoyi”.

Tom Ndahiro, kuri Twitter, yabwiye Umushumba wa Kiliziya gatulika ku Isi, Papa Francis (@Pontifex) ko ibyakozwe na Kiliziya ya Kabgayi, byo gutangaza ko izifatanya n’abapadiri bizihiza yubile barimo abakoze jenoside (Rukundo Emmanuel na Ndagijimana Joseph), bikojeje isoni.

Magingo aya Mgr Mbonyintege ntabwo ari mu Rwanda. Ari mu nama i Kinshasa muri Repubulika Iharanira Demokarasi ya Kongo. Ubutumwa bwe bunyomoza buragira buti,

“Njye nibaza n’uwabitangaje uwo ari we, icyo yashakaga. Ntabwo ari byo, ntabwo ari byo ! Nabyumvise, tuzakora yubile y’abapadiri bitwaye neza bari mu gihugu. Ayo ni yo makuru twabatangariza.”

Abajijwe uwo akeka waba wanditse ubwo butumire bwazamuye uburakari bwa benshi, Mgr Mbonyintege yagize ati “Ubwo butumire uwabukoze ni ibyo yiyandikiye ntaho bihuriye n’ubutumwa bw’umwepiskopi kuko ntabwo nakoze njyewe. Abazakorerwa yubile ni abari mu gihugu, ntabwo ari abafunze cyangwa abari mu mahanga. Abazakorerwa yubile ni batatu.”

Nyuma yo kumva Mgr Mbonyintege ahakana ibyo kwandika iyi baruwa, Ikinyamakuru Izubarirashe dukesha iyi nkuru cyashatse kumenya aho Tom Ndahiro yayikuye, yanga kuhavuga ariko abahamiriza ko yayihawe n’umuntu wo muri kiliziya kandi yizeye cyane ku buryo adatekereza ko yamupfunyikiye ikibiribiri.

Ati “Ikibazo ni ukuvuga ngo, nibasohore lisite bariya bantu batarimo kuko ni abantu bari bagiye gukora yubile y’imyaka 25, icya kabiri nibavuge position yabo (aho bahagaze) ku muntu wakoze jenoside, ko amategeko y’isi yabahannye bo babagenje gute ?”

Tom Ndahiro avuga ko kuba kiliziya ibihakana n’ubundi nta kindi yakora atari ukubihakana. Ati “Ntabwo twavuga ababiduhaye kugira ngo batabamerera nabi, ariko birahari ntabwo duhubuka dutyo. Mu gihe gito nerekanye umupadiri wakatiwe ufungiye ku Gisenyi warimo asomana misa na musenyeri…”

Aha yakomozaga ku mupadiri witwa Edouard Ntuliye wakatiwe gufungwa burundu nyuma yo guhamwa n’uruhare muri jenoside yakorewe Abatutsi ugaragara ku ifoto ari kumwe na Musenyeri wa Diyosezi ya Nyundo Anaclet, barimo basoma misa muri gereza, iyi foto na yo Tom Ndahiro akaba yayishyize kuri Twitter.

Abajijwe n’umunyamakuru w’Izubarirashe.rw aho yo yayikuye, yabaye nk’utangara ati “Erega mwibimbaza mugende murebe, nonese ntihari abafungwa imbere yabo ? Erega ntabwo bari bonyine, hari n’abapadiri bandi babiri.”

Mgr Mbonyintege avuga ko mu mategeko ya kiliziya gatulika bitemewe ko umupadiri wakatiwe uri muri gereza asoma misa, akavuga ko adakeka ko ibyo byabayeho, ko ababikwirakwije babeshya.

Tom Ndahiro ushinjwa kubeshya ariko, akabaza ati “Ko ubutumire bwabo ubusanzwe butangwa mbere y’amezi abiri, ubu ngubu bazabukora ryari ? (cyane ko yubile izaba kuwa 16 Nyakanga 2016).” Ashingira kuri ibi yemeza ko ubutumire yakwirakwije adashidikanya ko bwanditswe na kiliziya gatulika kuko yubile isigaje ukwezi kutagera no kuri kumwe.

Musenyeri Mbonyintege avuga ko nagera mu Rwanda gukora ubwo butumire ari cyo kintu azaheraho, agahakana yivuye inyuma ko ubwakwirakwijwe ari ubwabo, agasaba abantu kutabuha agaciro, ati “ni iby’abantu bikorera ku bwo gushyushya imitwe, ibyo mwe kubyitaho.”

Ku kibazo cy’umupadiri wagaragaye yambaye imyenda ya gipadiri asoma misa ari kumwe na Musenyeri wa Diyosezi wa Nyundo, byo avuga ko adakeka ko byabaye, ko umupadiri wakatiwe atemerewe gusoma misa, ariko ko kuba yakwambara umwenda wa gipadiri byo ntawe byagakwiye gutangaza.

Ati “Ikibazo mugomba kumva, nka Leta, iyo umuntu ari umujenosideri aba ari Umunyarwanda nk’abandi. Leta iramutunga iramugaburira, iramwambika, nonese umupadiri wakoze jenoside ni we utatungwa, ni we utagaburirwa nk’abandi ? Ntabwo akorerwa ibirori, ntabwo avuga misa, keretse igihe bavuze ko ari umwere cyangwa se afunguwe arangije ibihano. Ariko igihe ari muri gereza afunzwe arasurwa nk’izindi mfungwa zose, ahabwa ukarisitiya nk’abandi kuko biba bifatwa nk’aho yicujije. Iyaba bayisomaga ntabwo twagombaga kujyayo (abapadiri baturuka hanze ya gereza). Tujyayo kuzisoma kandi bahari, zisomwa n’umupadiri uvuye hanze.

Umunyamakuru : Ariko uriya biragaragagara yambaye imyenda ya gipadiri asoma misa…

Mgr Mbonyintege : Ariko se kwambara abandi baba barimo bo ntibaba bambaye ? Nta kintu kimubuza kuyambara kuko niba imfungwa tuzikurikiranira hafi, tukazigaburira tukazambika, ntabwo bimubuza kuba ari umunyacyaha, ariko hariho uburenganzira bw’ibanze bugenerwa imfungwa.

Mgr Smaragde Mbonyintege wa Diyosezi ya Kabgayi, umushakashatsi kuri Jenoside Tom Ndahiro na Jean Pierre Ndusingizemungu Perezida wa Ibuka

Izuba rirashe

IBITEKEREZO
Fodonne

Tom niba ari umushakashatsi amenye ko Eglise catholique atari ukuyifata uko yiboneye hari uburyo binyuramo kuko na Pdiri usanzwe atapfa kumwandikira kuriya.rero namugira inama yo kubinyuza mu nzego za kiliziya kuko ni leta ya vatican ihagarariwe hano mu Rwanda.

Niyibizi

Elias utanze ibitekerezo byiza kbs. burya kwirukira mu mbuga nkoranyambaga akenshi bishobora no kugonganisha inzego koko, Nanjye mbona ari byiza kumenya uko wumvikanisha igitekerezo cg ikifuzo ; buriya se niba mu mategeko harimo irivuga ko umuntu wandikiye Nyirubutungane asubizwa mu gihe cy'imyaka ijana urumva .....ahandi yenda handitseko urwego rushamikiye kuri Leta iyo rwandikiye Nyirubutungane igisubizo kiboneka mu gihe kitarenze amezi atanu urumva Tom iyo feedback yazayibona or not. This world iratubabaza Imana ijye iduha imbaraga zo kwihangana, dore umuntu arahaguruka agatega imodoka agiye gushaka amaramuko ukumva ngo umuduga uramuhitanye cg ngo yikubise hasi arasamba. Imana yaduhishe ibanga yaba byashobokaga gusa uwabyaye akajya agera mu gihe ashaje ikamuhamagara atarinze kubabarira muri ino si, amaze kwirebera ibyiza bimukomokaho, . Gusana imitima y'abarokotse Genocide ndabireba nkarira gusa ariko ngashimira Imana yaturindiye Igihugu tukaba tugeze ku kigero gishimishije. Imana ikomeze kuturinda kuturindira Igihugu no kuturinda intambara kugeza Uwiteka agarutse akaduhuza n'abacu twaburiye hano mw'isi.

elias

Mbega.Papa ntabwo yandikirwa n'ubonetse wese niko nkeka. iby'inzego za Kiriziya ni ukubyitondera muvandimwe. ubu se amategeko agenga Kiriziya yose urayazi muvandimwe ? wabonye umuntu urega Imana aha ndagirango nerekane uburemere bwo kwinjira muri media wandikira Nyirubutungane. sindi Catholique ariko ni igitekerezo natangaga. Inama ni uko umenya aho urubibi rw'umurima wawe rugera mbere yo kujya kurega ko bakurengereye. Genocide yakorewe Abatutsi muri 1994 yaratubabaje twese ariko reka ibyo gukurikirana abagenocidaire bikomeze umurongo wabyo hirindwa kugonganisha inzego zaba iza Leta cg iza Kiriziya. himakanzwe communication buriya Inkiko Gacaca zatumye amakuru menshi atangwa, buriya namwe Tom iyo mubigenza mutyo mwari kumenya niba kubinyuza mu mbuga nkoranyambaga ari byo byiza cg aribyo bibi, niba nta mategeko yenda mwishe kubera kutabimenya. I do not know. God bless u kandi idufashe kubana neza mu mahoro no kubumbatira imiyoborere myiza twifitiye izira kirogoya twihesha agaciro tugahesha n'Igihugu cyatubyaye.

uwayo

njye ntabwo narinziko umuntu yandikira Papa uko yiboneye ko nziko na Padiri mukuru agira akazi kenshi mubona papa uyobora idini ku isi yose buriya azamenyako yandikiwe wenda iyo ayicisha kuri padiri mukuru nawe akabicisha kuri musenyeri wenda twari kugira icyizere ko bizamugeraho cg Wenda agasaba rendez vous nubwo numva byamugora kuko bamuha gahunda nka nyuma y'imyaka 100 menya abantu bibeshya ku gaciro ka Papa noneho bibayeho ko atari umu gaturika byo byaba bitagishobotse

Ibi nibishyikirizwe inzego z'ubucamanza. Ubundi twe dutegereze icyo umucamanza abivugaho.

Ibi nibishyikirizwe inzego z'ubucamanza. Ubundi twe dutegereze icyo umucamanza abivugaho.

Shinga

Nta mupadiri uyobora Missa hari Umwepiskopi. Ntibibaho muri Kiliziya Gatolika. Uwo muhimbahimbyi Tom atubwire aho yaba yarabibona na hamwe. Invitation nawe wayikorera kuri computer yawe ukayitirira uwo ushaka . Ntaho Kimenyetso kigaragaza ko yakozwe na Diyosezi Kabgayi .

SEBIKWEKWE

YEWE MWACISHIJE MAKE RA !!!KO NIMVURA YITUMBA YASIZE EGLISE CATHOLIQUE. NDAHIRO NAREKE GUHAKISHWA KILIZIYA, NASHAKIRA AMARAMUKO AHANDI, URWANGO AHORA AGARAGARIZA EGLISE AZIKO YASHINZWE NA CHRISTU !!! AHUBWO NASHYIRE UBWENGE KU GIHE AMENYE UWAMUPFIRIYE NAHO IBYO KURINDAGIRA ABIREKE. NONE SE KUKI ATAVUGA UWO MUNTU WABIMUBWIYE ?UBUSUTWA GUSA

Moïse

Ngo kiriziya ya Yezu...,mwaramusebeje gusa !kwihagararaho byo !

manzi

Tom, ni hahandi kiliziya ntacyo uzayitwara uzatahira kuvuga gusa. kiliziya yubatse Ku rutare kdi irenze uko uyitekereza. Reka inzego za leta Abe arizo zikora akazi kazo kuko wowe ntacyo ushinzwe .

ugem

Tom nagabanye guhubuka no kumva ko ariwe uzi ibintu kurusha inzego bireba kdi niba yumva ko kugaragariza kiliziya urwango ayifitiye aribyo turufu yo kumugeza kubyo atekereza ni yitonde uwayitangije(JESUS)aracyayihagazeho.Tom nongeye kumwibutsa ko gutangaza ibinyoma ari uguharabikwa kdi bihanwa n'amategeko nubwo muvuga ngo ni umushakashatsi nge simbona ubushakashatsibwe nagabanye gutekinika

ugem

Tom nagabanye guhubuka no kumva ko ariwe uzi ibintu kurusha inzego bireba kdi niba yumva ko kugaragariza kiliziya urwango ayifitiye aribyo turufu yo kumugeza kubyo atekereza ni yitonde uwayitangije(JESUS)aracyayihagazeho.Tom nongeye kumwibutsa ko gutangaza ibinyoma ari uguharabikwa kdi bihanwa n'amategeko nubwo muvuga ngo ni umushakashatsi nge simbona ubushakashatsibwe nagabanye gutekinika

francis mugisha

Ariko Mugabo niba koko ariko witwa iyuvuga NGO Ndahiro NGO yatandukiriye ntabwo ndahiro arumukristu ntafitese uburenganzira nkumukristu kuvugibitagenda muri kiriziya abereyumukristu nonese nkabakristu dukomeze turebere kiriziya ikomeze kungubumwe naba genosideri nkuko yabigenje ubwo yabimburiraga abandi bose mugucurumugambi wa genocide kuva muriza mirongo 59 kugezaho bayishyize mubikorwa mu 1994 kuba rero Ndahiro yabonyibindi bimenyesto akabibwira nyirubwite ntakosa yakoze ahubwo amakosa nimwe muyafite mwe barusisibiranya mwumvako mwihishimigambi yanyu mibisha abantu nka Mugabo bikaba byababaje ko byagiye ahagaragara mwitonde amazi siyayandi abomwishe Imanizabahorera kandi muzahoranifpunwe mwe nabayobe biyoberanya ngo bihay bihay,Imana komera Ndahiro basekibi ntibagucintege.

Mugabo

Ibi babyita gutandukira, Tom Ndahiro ibyo yakoze ni amakosa akomeye kuko ntarwego na rumwe ahagarariye kuburyo yakora ibintu bisa bitya, nigute ahangara kwandikira Papa kuri Twitter avuga ibi bintu ? Niyo byaba ari ukuri ariko Tom Ndahiro biragaragara ko ibyo akora birimo ubuswa cyane no kudatekereza neza, iyi invitation kuba yaba ari Mgr Smaragde Mbonyintege wayanditse cg atariwe ibi ntabwo biri munshingano za Tom Ndahiro, ahubwo bireba CNLG nk'urwego rwa Leta. CNLG niyo yagomabaga kugira icyo ibikoraho kandi nabwo atari muri media ahubwo yari gusaba ubusobanuro abitwa ko banditse iyo baruwa. naho Tom Ndahiro we biragaragara ko yifitemo ubuswa no guhubuka bitabaho. ahubwo Leta yu Rwanda yakabaye ikurikirana Tom kuri iyi myitwarire


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’

Umubiligi agiye gusohora igitabo gihuza ubutwari bwa Kagame na Gen. de Gaulle wubatse ikuzo ry’u Bufaransa

6-09-2017

Umubiligi agiye gusohora igitabo gihuza ubutwari bwa Kagame na Gen. de...