LATEST NEWS
New section No17
Umuvugizi wa Polisi y’u Rwanda yasobanuye ubufatanye bwayo ku rwego Mpuzamahanga
Publish Date: mercredi 16 décembre 2015
VISITS :244
By Admin

​Umuvugizi wa Polisi y’u Rwanda , ACP Celestin Twahirwa,ku itariki 15 Ukuboza 2015, yasobanuye ubufatanye bwayo ku rwego mpuzamahanga mu gushakira Isi umutekano usesuye kandi urambye.

ACP Twahirwa yateruye agira ati :" U Rwanda rwifatanya n’ibindi bihugu byo ku Isi gushakira umutekano uyu mugabane. Umusanzu warwo ruwutanga rubinyijije mu miryango mpuzamahanga rubereye umunyamuryango. Muri yo, twavuga uwa Polisi Mpuzamahanga (Interpol). Interpol ifite amashami ku migabane yose y’Isi . Polisi y’u Rwanda ikaba ari umunyamuryango wa Interpol ku mugabane wa Afurika (Afripol)."
Yakomeje agira ati :" Ubufatanye bw’ibihugu by’ibinyamuryango bya Interpol butuma bifatanya mu gukumira no kurwanya ibyaha ndengamipaka ndetse no guhanahana ababikoze hagati yabyo."

Yavuze ko Polisi y’u Rwanda ari umunyamuryango w’andi mahuriro ya Polisi zo mu bihugu birimo ibyo mu karere ruherereyemo ndetse no ku Isi muri rusange, ayo mahuriro akaba arimo irihuza abayobozi bakuru ba Polisi zo ku mugabane wa Afurika (IAPC), irihuza inzego z’umutekano ku mugabane wa Afurika rigamije kurwanya ihohoterwa rikorerwa abagore n’abana ( KICD ).

Yongeyeho ko Polisi y’u Rwanda ari umunyamuryango w’ishami rya Polisi Mpuzamahanga mu karere ka Afurika y’Iburasirazuba n’ihembe rya Afurika (EAPCO), ndetse ko ifite abayihagarariye ku cyicaro gikuru cyawo kiri i Nairobi mu gihugu cya Kenya.

Yavuze ko mu byo ibihugu by’ibinyamuryango bya EAPCO bikora harimo gukorera rimwe imikwabu yo gufata no kuvana ku isoko ibicuruzwa bitujuje ubuziranenge biba byarinjijwe muri byo.

Mu rwego rwo kurushaho kubumbatira umutekano mu karere ka Afurika y’Iburasirazuba, ACP Twahirwa yavuze ko ibihugu bikagize byashyizeho Umutwe ushinzwe gutabara aho rukomeye muri aka karere (East African Standby Force), kandi ko Polisi y’u Rwanda ari imwe muri Polisi zigize uyu mutwe.

ACP Twahirwa yagize na none ati : "Polisi y’u Rwanda nk’urwego rw’umutekano rwa kimwe mu bihugu bigize Umuhora w’Amajyaruguru (Northern Corridor), ifatanya na Polisi zindi zo muri ibyo bihugu mu gushyiraho ingamba zituma imishinga yashyizweho n’ibyo bihugu ishyirwa mu bikorwa mu mutekano usesuye kandi urambye."

Yavuze ko Polisi y’u Rwanda imaze gusinya amasezerano y’ubufatanye mu kurwanya no gukumira ibyaha ndengamipaka na Polisi zo mu bihugu 14. Ibyo bihugu, nk’uko yabivuze, bikaba birimo Uganda, Burundi, Kenya, Tanzaniya, Afurika y’Epfo, Zambiya, Namibiya, Sudani, na Sudani y’Amajyepfo.

Yagize ati :"Ibi byose bigamije guhanahana amakuru ku gihe yatuma hakumirwa ibyaha ndengamipaka, gufata ababikoze no guhererekanya ababikoze cyangwa abari gutegura kubikora."

Yongeyeho ko ayo masezerano agamije kandi kubaka ubushobozi bw’abapolisi bo mu bihugu byayasinyanye no gusangira ubunararibonye binyuze mu kohererezanya abanyeshuri baza kwiga mu mashuri ya Polisi yabyo ndetse no kohererezanya abarimu baza kubigisha.

ACP Twahirwa yakomeje agira ati :"Ibi kimwe n’ibindi , Polisi y’u Rwanda ibikesha kubaka ubushobozi bwayo. Mu byo yakoze muri uru rwego, harimo kubaka amashuri n’ibigo byo ku rwego mpuzamahanga bihugurirwamo kandi byigishirizwamo abapolisi b’u Rwanda ndetse n’abo mu bihugu bigize aka karere."

Yavuze ko ayo mashuri n’ibigo Polisi y’u Rwanda yubatse harimo Ishuri Rikuru ryayo riherereye mu karere ka Musanze (National Police College-NPC) n’Ikigo cyayo gihugurirwamo abitegura kujya mu butumwa bw’amahoro (Peace Support Training Center) kibarizwa mu Ishuri ryayo riri i Gishari mu karere ka Rwamagana.

Yasobanuye ko muri NPC, abapolisi bakuru b’u Rwanda n’abo mu bihugu byo muri aka karere bahahererwa amasomo ajyanye n’inshingano zabo, bakaba iyo bayashoje , bahabwa impamyabumenyi y’icyiciro cya gatatu cya Kaminuza (Masters).
Yavuze ko iki Kigo gihugurirwamo abitegura kujya mu butumwa bw’amahoro, baba abapolisi b’u Rwanda ndetse n’abo mu karere.

Yagize ati :"Iki Kigo ni intangarugero ku buryo ibihugu byinshi biza kucyigiraho uko gitegura abitegura kujya mu butumwa bwo kugarura umutekano mu bihugu bitandukanye ku Isi."

Yasobanuye ko Polisi y’u Rwanda yatangiye kohereza abapolisi bayo mu bikorwa byo kugarura amahoro no kubungabunga umutekano ku Isi mu mwaka w’2005.

Yavuze ko uyu munsi abapolisi bose b’u Rwanda bari mu butumwa bw’amahoro ku Isi bagera kuri 925, bakaba bari mu butumwa bw’amahoro muri Centrafrika, Haiti, Darfur, Sudan y’amajyepfo,Ivory Cost, Liberia, no mu gace ka Abey.

Yongeyeho ko Polisi y’u Rwanda ihagarariwe kandi ku cyicaro gikuru cy’Umuryango w’Abibumbye kiri i New York muri Leta Zunze Ubumwe za Amerika.

Yagize ati :"Abo bapolisi b’u Rwanda bari mu butumwa bw’amahoro barimo ab’inararibonye mu bijyanye n’ubutumwa bw’amahoro (Professionals), aba bakaba bakora ibizamini bitangwa n’’Umuryango w’Abibumbye babitsinda bagahabwa inshingano zo kuyobora umutwe w’abapolisi bose baba baraturutse mu bihugu bitandukanye birimo n’u Rwanda."

Yatanze urugero rwa CP Vianney Nshimiyimana uyobora umutwe w’abapolisi ushinzwe kugarura amahoro no kubungabunga umutekano mu gihugu cya Ivory Cost (UNOCI), na CP Emmanuel Butera, ushinzwe ibikorwa by’umutwe wa Polisi uri mu butumwa bw’amahoro muri Sudani y’Amajyepfo (UNMISS).

Yavuze ko hari gahunda yo kongera umubare w’abapolisi b’u Rwanda bari mu butumwa bw’amahoro butandukanye kuko hari abagiye basoza ubutumwa bakagaruka mu gihugu kandi bakaba bagomba gusimburwa, ku buryo nibamara gusimburwa, bazagera ku 1200.

ACP Twahirwa yagize ati :"Ibi byose, kimwe n’ibindi , bigaragaza uruhare rufatika rwa Polisi y’u Rwanda mu kugarura amahoro no kubungabunga umutekano mu bihugu bitandukanye byo ku Isi ."

Yavuze ko mu mwaka w’2010 ari bwo Polisi y’u Rwanda yohereje itsinda rya mbere ry’abapolisikazi bayo mu butumwa bw’amahoro,iryo tsinda ryari rigizwe n’abapolisikazi 97 rikaba ryaroherejwe muri Darfur.

Umuvugizi wa Polisi y’u Rwanda , ACP Celestin Twahirwa

Yagize ati :"Mu gihugu kirimo intambara cyangwa kiyivuyemo, abagore n’abana ni bo bahazaharira. Abapolisikazi b’u Rwanda rero bakaba bagira uruhare rukomeye mu kwigisha inzego z’umutekano z’ibihugu baba barimo ndetse n’abaturage babyo kwirinda no kurwanya ihohoterwa rishingiye ku gitsina n’irikorerwa abana."

Yavuze ko kubeza ubu abapolisikazi b’u Rwanda bari mu butumwa bw’amahoro bari ku kigereranyo kiri hagati ya 25 % na 30 % by’abapolisi bose b’u Rwanda bari mu butumwa bw’amahoro kandi ko Polisi y’u Rwanda yiteguye kongera umubare wabo nk’uko igihugu cyabyiyemeje.

Yongeyeho ko abapolisi b’u Rwanda basohoza inshingano zabo neza mu butumwa bw’amahoro, kandi ko babwungukiramo ubunararibonye butuma barushaho gusohoza inshinago zabo neza iyo baburangije.

Yashoje avuga ko uruhare rwa Polisi y’u Rwanda mu kubungabunga amahoro no kugarura umutekano mu biguhu bimwe na bimwe ku Isi ari ishema ry’igihugu.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...

Afurika y’Epfo : Umunyarwanda yishwe atwikiwe mu nzu azira umugore w’abandi

18-03-2017

Afurika y’Epfo : Umunyarwanda yishwe atwikiwe mu nzu azira umugore...

RNC –NEW : Rudasingwa Theogene yiyemeje kwiyegereza no gushakira imibereho mu butinganyi

17-03-2017

RNC –NEW : Rudasingwa Theogene yiyemeje kwiyegereza no gushakira imibereho...

Kigali : Ubutinganyi bwafashe indi ntera

17-03-2017

Kigali : Ubutinganyi bwafashe indi ntera

Gloria Kayitesi Umugore wa Lt. Joel Mutabazi arafatanya na Kayumba mu bikorwa byo guhungabanya umutekano w’u Rwanda

14-03-2017

Gloria Kayitesi Umugore wa Lt. Joel Mutabazi arafatanya na Kayumba mu...

Nta terambere rishoboka bikozwe n’umuntu umwe kabone nubwo yaba Perezida-Kagame

13-03-2017

Nta terambere rishoboka bikozwe n’umuntu umwe kabone nubwo yaba...

Ibitekerezo bya Ange Kagame ku ruhare rw’urubyiruko mu guhashya icyorezo cya Sida

13-03-2017

Ibitekerezo bya Ange Kagame ku ruhare rw’urubyiruko mu guhashya icyorezo cya...