LATEST NEWS
New section No17
Urubyiruko rurangije kwiga rwakanguriwe kwirinda ibiyobyabwenge
Publish Date: jeudi 24 décembre 2015
VISITS :80
By Admin

Polisi y’u Rwanda mu turere twa Nyanza na Ruhango yigishije urubyiruko rugera kuri 800 rurimo ururangije amashuri abanza n’ururangije ayisumbuye rwo mu mirenge ibiri yo muri turiya turere ubwoko bw’ibiyobyabwenge, ingaruka zabyo, kandi irukangurira kubyirinda no kugira uruhare mu kurwanya inyobwa, itundwa n’icuruzwa ryabyo.

Urwo rubyiruko rwabikanguriwe ni urwo mu murenge wa Busasamana, wo mu karere ka Nyanza n’urwo mu wa Byimana, wo mu ka Ruhango.

Mu karere ka Nyanza higishijwe ururangije amashuri abanza n’ururangije ayisumbuye, naho urwo mu ka Ruhango rwahawe buriya butumwa ni ururangije ayisumbuye gusa.

Inspector of Police (IP) Jean Baptiste Bizimana, ni we wigishije urwo muri Nyanza, naho urwo mu karere ka Ruhango rwigishijwe na IP Angelique Abijuru, aba bombi bakaba bashinzwe imikoranire ya Polisi y’u Rwanda n’abaturage ndetse n’izindi nzego hagamijwe ubufatanye mu kurwanya no gukumira ibyaha muri turiya turere.

IP Bizimana yasobanuriye urwo mu karere ka Nyanza ko ibiyobyabwenge nk’urumogi bishobora kubashora mu ngeso mbi nk’ubusambanyi kandi ko rimwe na rimwe bukurikirwa no gutwara inda zitateganyijwe cyangwa kwandura zimwe mu ndwara zandurira mu mibonano mpuzabitsina.

Yarubwiye kandi ko bitera ababinyoye gukora ibyaha nko gukubita no gukomeretsa, ihohoterwa rishingiye ku gitsina, gufata ku ngufu, no gusambanya abana.

Umunyamabanga nshingwabikorwa w’umurenge wa Busasamana, Mukantaganzwa Brigitte, yashimye Polisi y’u Rwanda mu karere ka Nyanza kuri ubwo bumenyi yahaye urwo rubyiruko rurangije amashuri abanza n’ururangije ayisumbuye rwo muri uwo murenge abereye umuyobozi, maze arusaba gukurikiza inama zose rwagiriwe.

Ubwo yaganiraga n’urwo mu karere ka Ruhango, IP Abijuru yarubwiye ati :"Ibiyobyabwenge nk’uko bivugitse, byangiza kandi biyobya ubwenge bw’uwabinyoye.

Umunywi wabyo ntacyo ashobora kwimarira cyangwa ngo akimarire umuryango we n’igihugu muri rusange. Mukwiye kubyirinda ndetse n’ikindi kintu cyose gishobora kwangiza ahazaza hanyu heza."

Yarusabye kuzigisha urundi rubyiruko ndetse n’abandi muri rusange ububi bw’ibiyobyabwenge no kubakangurira kubyirinda kandi bagaha Polisi y’u Rwanda amakuru ku gihe yatuma hafatwa ababinywa, ababitunda, n’ababicuruza, kimwe n’abakoze cyangwa abategura gukora ibindi byaha.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...