LATEST NEWS
New section No17
Urubyiruko ruri mu mahugurwa muri Rwanda Peace Academy rurakangurirwa kurwanya ingengabitekerezo ya Jenoside
Publish Date: mercredi 25 novembre 2015
VISITS :96
By Admin

"Urubyiruko rushobora kugira uruhare runini mu kurwanya imvugo zose mbi zirimo n’izishobora guhembera Jenoside na politiki mbi y’ amacakubiri”, ibi byavuzwe n’Umuyobozi w’Ikigo cy’Amahoro, Col Jill Rutaremara mu muhango wo gufungura ku mugaragaro amahugurwa azamara icyumweru kimwe yiswe “Amahugurwa y’Urubyiruko mu kubaka Amahoro" amahugurwa yatangiye kuri uyu wa 23 Ugushyingo 2015 mu Kigo cy’Amahoro (Rwanda Peace Academy), mu Karere ka Musanze.

Col Jill Rutaremara yakomeje avuga ko urubyiruko rufite ubushobozi bwo guhindura ibintu mu gihugu igihe rukoreshejwe neza, yagize ati “Urubyiruko rufite ingufu, ruhanga udushya kandi bakira vuba ibitekerezo bishya, bayoboka vuba politiki itavangura, bahora biteguye kwitanga.

Ariko iyo ubwo bushobozi bwabo bukoreshejwe nabi, bishobora guteza ingorane mu gihugu”.

Umuyobozi w’Ikigo cy’Amahoro m’u Rwanda yakomeje agira inama urubyiruko rugera kuri 35 rwitabiriye amahugurwa ajyanye no kubaka amahoro, kuzakoresha neza ubumenyi n’ubushobozi bazungukira muri ayo mahugurwa mu kubaka umuryango nyarwanda, bakora imishinga yo kubaka amahoro nk’iteza imbere ubumwe n’ubwiyunge.

Ibi na none byashimangiwe n’umwe mu bitabiriye amahugurwa, Nigwire Agnes Safari wavuze ko bazungukira byinshi muri aya mahugurwa. Yagize ati “Aya ni amahirwe tubonye yo kongera ubumenyi mubijyanye no kubaka amahoro mu muryango nyarwanda”

Abateguye aya mahugurwa bijeje itangazamakuru ko bazabigisha byinshi bitandukanye, bizabafasha gukora imishinga ijyanye no kubaka amahoro nabo bakazabigeza kuri bagenzi babo aho batuye.

Ms Svenja Vollmer uturuka mu kigo cy’Umuryango w’Abibumbye gishinzwe gutanga amahugurwa n’ubushakashatsi (Course Facilitator from United Nations Institute for Training and Research), yagize ati “Tuzabatoza twifashishije ibikoresho n’ubuhanga mu buryo bwose bushoboka mu bijyanye no kubaka amahoro”.

Amahugurwa yatangiye ku wa 23 Ugushyingo 2015, yitabiriwe n’Urubyiruko rw’u Rwanda rwaturutse mu bigo bitandukanye, nk‘Inama nkuru y’Urubyiruko mu Rwanda, Minisiteri y’Urubyiruko n’Ikoranabuhanga na Aegis Trust.

Aya mahugurwa azamara icyumweru kimwe ari gukorwa k’ubufatanye bw’Ikigo cy’Amahoro mu Rwanda hamwe n’ikigo cy’Umuryango w’Abibumbye gishinzwe gutanga amahugurwa n’ubushakashatsi ; yari yabanjirijwe n’andi yo kwigisha abazigisha abandi, yari yatangiye kuwa 16 Ugushyingo 2015.

Kamurase Hassani

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yarahiriye kuyobora u Rwanda muri manda y’imyaka irindwi

22-08-2017

Perezida Kagame yarahiriye kuyobora u Rwanda muri manda y’imyaka...

Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...