LATEST NEWS
MU RWANDA
Mu nkera y’Imihigo : Urubyiruko rwasabwe kuba indashyikirwa
Publish Date: lundi 21 décembre 2015
VISITS :263
By Admin

Urubyiruko rwaturutse mu turere dutandukanye two mu Rwanda ruteraniye i Kigali muri gahunda yiswe Inkera y’imihigo y’urubyiruko rwasabwe kutaba akazuyazi mu mahitamo yarwo ya buri munsi.

Ibi Nsengiyumva Philbert, Minisitiri w’Urubyiruko n’Ikoranabuhanga yabisabye uru rubyiruko ubwo yatangizaga gahunda y’inkera y’imihigo y’urubyiruko (Youth Connect Convention) kuri iki cyumweru tariki ya 20 Ukuboza 2015.

Yarusabye ko rugomba kugira amahitamo yuzuye aho kuba akazuyazi kugira ngo rubashe kubaka ejo hazaza harwo n’Igihugu muri rusange.

Aha asobanura ko iyi gahunda ari umwanya mwiza w’urubyiruko mu kugira uruhare mu kugena ejo hazaza h’Igihugu ari na ho harwo.

Yakomeje avuga ko hari byinshi umuntu ahitamo nk’ishuri ryo kwigamo, guhitamo umwuga hakaba n’ibindi umuntu atajya ahitamo, nko guhitamo ababyeyi bakubyaye, guhitamo aho wavukiye, igihugu n’ibindi.

Yagize ati ˝amahitamo yawe y’uyu munsi ni yo azakugaragaza ubuzima bwawe bwose˝.

˝Iyo umuntu afite amahitamo hari ibyo abakunda, n’ibyo yanga , iyo nta cyo akunda nta n’icyo yanga aba adashyushye cyangwa ngo akonje, aba ari akazuyazi˝ nk’uko Minisitiri Nsengimana akomeza abisobanura.

Aha Minisitiri Nsengimana agaragaza ko ibyo umuntu ahisemo biba bidakwiye ko ari byo bimugenga ahubwo ko ari we uba ukwiye kubigenga.

Shyerezo Norbert, Umuhuzabikorwa w’Inama y’Igihugu y’Urubyiruko yavuze ko urubyiruko rumaze kugera kuri byinshi aho muri iyi gahunda y’inkera y’imihigo y’urubyiruko hanahembwa urubyiruko rwahize abandi mu guhanga udushya.

Umunyeshuri waturutse muri Kaminuza y’u Rwanda yavuze ko iyi gahunda ari nziza kuko ari umwanya mwiza wo guha umwanya urubyiruko rugatanga ibitekerezo byabo mu rwego rwo kubaka Igihugu na cyane ko ari rwo bayobozi bacyo mu gihe kizaza.

Iki gikorwa kikaba cyanabereyemo imurikabikorwa ry’urubyiruko aho hagaragaye aho rumwe mu rubyiruko rugeze rwihangira imirimo.



Urubyiruko rwaturutse hirya no hino rwitabiriye Inkera y’imihigo

Inkera y’imihigo y’urubyiruko y’uyu mwaka ikaba yatangiye kuri uyu 20 Ukuboza 2015 ikazagera ku itariki 22 Ukuboza 2015.

Iyi gahunda y’inkera y’iimihigo y’urubyiruko yatangiye mu mwaka wa 2012 ikaba ihuzwa n’inama y’Igihugu y’umushyikirano kugira ngo urubyiruko na rwo rugire ruhare mu gutanga ibitekerezo bifatanya n’iby’abandi Banyarwanda gushyiraho icyerekezo Igihugu kigenderaho umwaka wose no mu gihe kirambye. Insanganyamatsiko y’uyu mwaka ikaba igira iti˝Guhitamo kwacu ni ko gaciro kacu˝.

Umwanditsi wacu

IBITEKEREZO

TANGA IGITEKEREZO

Kwamamaza
Kwamamaza
Also in this section
Visi Perezida w’u Buhinde, Hamid Ansari yagiranye ibiganiro na Perezida wa Sena y’u Rwanda

Visi Perezida w’u Buhinde, Hamid Ansari yagiranye ibiganiro na Perezida wa...

Moto yibwe mu karere ka Bugesera yafatanywe umugabo muri Gakenke

Moto yibwe mu karere ka Bugesera yafatanywe umugabo muri Gakenke

Incamake y’amakuru yatangajwe na Polisi y’u Rwanda mu cyumweru gishize

Incamake y’amakuru yatangajwe na Polisi y’u Rwanda mu cyumweru...

Impanuro z’Umukuru w’Igihugu Perezida Kagame i Nyagatare

Impanuro z’Umukuru w’Igihugu Perezida Kagame i Nyagatare

Polisi y’u Rwanda irihanangiriza abantu batanga ruswa ngo bahabwe uruhushya rwo gutwara ibinyabiziga

Polisi y’u Rwanda irihanangiriza abantu batanga ruswa ngo bahabwe uruhushya...

NEW POSTS
Uganda : Kijuru muri District ya Kibaale Inkambi y’ imyitozo ya Kayumba n’abashaka gutera u Rwanda

21-02-2017

Uganda : Kijuru muri District ya Kibaale Inkambi y’ imyitozo ya Kayumba...

Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

RNC –Ishaje yadukanye ’Agashya ’ noneho igeze no mubapfakazi

20-02-2017

RNC –Ishaje yadukanye ’Agashya ’ noneho igeze no mubapfakazi

Ibya Dr. Rudasingwa n’abagenzi be Musonera na Ngarambe biteye kwibaza byinshi !

17-02-2017

Ibya Dr. Rudasingwa n’abagenzi be Musonera na Ngarambe biteye kwibaza...

“ Udashinga ntabyina” MPAYIMANA, NAHIMANA na HABINEZA kuyobora u Rwanda - twisekere !!!!

14-02-2017

“ Udashinga ntabyina” MPAYIMANA, NAHIMANA na HABINEZA kuyobora u Rwanda -...

Ubutinganyi (homosexuals) buravuza ubuhuha muri RNC

13-02-2017

Ubutinganyi (homosexuals) buravuza ubuhuha muri RNC