LATEST NEWS
New section No17
Village Urugwiro : Perezida Kagame yakiriye abanyeshuri bo muri Kaminuza ya Stanford muri Amerika
Publish Date: dimanche 20 décembre 2015
VISITS :354
By Admin

Perezida Paul Kagame yakiriye abanyeshuri 25 bo mu Ishuri ry’Ubucuruzi muri Kaminuza ya Stanford muri Leta Zunze Ubumwe za Amerika, aho bagiranye ibiganiro ku ngingo zirimo uruhare rwo kwihangira imirimo mu iterambere ry’igihugu n’akamaro ka referendumu.

Umuyobozi w’iryo tsinda riri mu Rwanda kuva kuwa 17 kugeza kuri uyu wa Mbere tariki 21 Ukuboza 2015, Chris Gomes, nyuma y’ibiganiro na Perezida Kagame kuri iki cyumweru, yabwiye itangazamakuru ko bari mu Rwanda kugira ngo bamenye byinshi ku kamaro ko kwihangira imirimo mu iterambere n’uruhare rw’urubyiruko mu bukungu.

Yakomeje agira ati “Perezida Kagame twaganiriye ku ngingo zinyuranye zirimo imiyoborere, referendumu n’ahazaza h’u Rwanda […] Twaganiriye ko referendumu ari iy’igihugu cyose n’uburyo abaturage bagaragarizamo icyo bifuza.”

Umuyobozi w’Ikigo cy’Igihugu cy’Iterambere, Francis Gatare, nawe yafashije abo banyeshuri kumva uburyo guverinoma n’ibigo by’ishoramari by’ahandi bishobora kubona u Rwanda nk’ahantu byashora imari yabyo.

Minisitiri w’Uburezi, Dr. Musafiri Malimba Papias, we yabwiye itangazamakuru ko abo banyeshuri bari gusoza icyiciro cya Gatatu mu bucuruzi (Masters of Business Administration, MBA), isomo ryo gukora ingendo-shuri mu bihugu biri mu nzira y’iteramnbere nk’u Rwanda, aba ari ngombwa mu gihe batararangiza amasomo yabo.

Yakomeje agira ati “Kuba rero barahisemo u Rwanda kugira ngo abe aricyo gihugu baheraho biga ni ukubera aho rwavuye, aho rugeze n’icyo rugamije mu iterambere riri imbere. ”

Ibiganiro na Perezida Kagame kandi ngo byibanze kuri urwo rugendo rw’uko igihugu cyashoboye kwiyubaka kivuye ku muyonga, kikaba kigeze ahantu hashimishije.

Ku byo baganiriye n’Umukuru w’Igihugu ku bijyanye na Referendumu, Minisitiri Malimba yavuze ko icyo abo banyeshuri bashaka kumenya ari uburyo politiki igira uruhare mu iterambere ry’igihugu.

Yakomeje agira ati “Ni urugendo Abanyarwanda bihitiyemo cyane cyane bashingiye ku mateka y’igihugu cyacu, bityo bagashobora kurenza amaso aho turi uyu munsi bakareba imbere cyane aho tugomba kujya, n’umurongo wa politiki mwiza ugomba kutuganisha muri icyocyerekezo.’’

Perezida Kagame ngo yababwiye ko iterambere ry’igihugu riri mu maboko y’Abanyarwanda, bityo icyo bihitiyemo bagishaka byanze bikunze kiba kigomba kugerwaho.



Stanford Graduate School of Business ni rimwe mumashuri arindwi agize Kaminuza ya Stanford.

Mu rugendo rwabo mu Rwanda, abo banyeshuri basuzumaga uko uburezi bushobora gusubiza ikibazo cy’ubwiyongere bw’urubyiruko binyuze mu kwihangira imirimo, uburyo ubukungu buciriritse bugira uruhare mu kwihangira imiririmo mu karere n’uburyo guverinoma igira uruhare muri ibyo bikorwa hagamijwe iterambere.

Umwanditsi wacu

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...

Umunyarwanda akurikiranyweho kubeshya inzego za Amerika asaba ubuhungiro

9-08-2017

Umunyarwanda akurikiranyweho kubeshya inzego za Amerika asaba...