LATEST NEWS
New section No17
WASAC yagejeje mu rukiko babiri mu bakozi bayo bakekwaho na ruswa.
Publish Date: mercredi 9 décembre 2015
VISITS :346
By Admin

Kuri uyu wa gatatu taliki ya 09 Ukuboza 2015 urukiko rw’ibanze rwa Nyamirambo rwaburanishije urubanza ikigo gishinzwe amazi, isuku n’isukura mu Rwanda (WASAC) baregamo Uwayezu Jean d’Ascension na Ngabonziza Jean Damascène bafatiwe mu cyuho bakira ruswa y’amafaranga y’urwanda ibihumbi mirongo ine kugirango badakupira amazi umufatabuguzi mu kagari ka Nyarutarama.

Nk’uko uru rubanza rwaciwe, aba bagabo babiri ngo bari mugikorwa cyo gukupira abafatabuguzi batishyura amazi tariki 15 Ukwakira 2015, bagera mu kagari ka Nyarutarama mu murenge wa Remera ho mu karere ka Gasabo, aho baje kugera ku mufatabuguzi witwa Byuzuza David wari ufite ibirarane by’amazi bisaga ibihumbi maganane by’amafaranga y’uRwanda akabasaba kumworohereza ntibamukupire akayishyura mu byiciro ngo dore ko n’ubundi yaramaze kwishyura agera ku bihumbi ijana muri ibyo birarane.

Nk’uko umushinjacyaha muri uru rubanza yabisobanuye, aba bagabo bombi bafatanije icyaha bafatiwe mu cyuho tariki 20 Ukwakira 2015 basubiye kwa Byuzuza David wanagize uruhare mu guhamagara abapolisi n’ubuyobozi bwa WASAC bagahita babata muri yombi barimo kwakira aya mafaranga.

Nk’uko umushinjacyaha yakomeje abisobanura, uyu mufatabuguzi Byuzuza David ngo ntiyari afite umugambi wo gutanga ruswa ikaba ari nayo mpamvu yatumye ahitamo guhamagara inzego z’umutekano.

Aba babaregwa icyaha cyo gushaka indonke cyangwa kwaka ruswa ngo bakore ibinyuranije n’amategeko bahamwe n’iki cyaha kandi bagisabira imbabazi imbere y’urukiko.

Maitere Musonera Alexis wunganira Uwayezu Jean D’ascension na Maitre Hakizimana Martin wunganira Ngabonziza Jean Damascène, bahamya ko aba baregwa bemera icyaha mu muryo budashidikanywaho, bakaba basabye urukiko kuzakurikiza ibiteganywa n’ingingo ya 76, iya 77 mu gace kayo ka gatatu ndetse n’iya 78 mu mategeko ahana y’uRwanda bakaba bagabanyirizwa ibihano byaba na ngombwa bagahambwa isubikagifungo.

Impamvu ebyiri nyoroshyacyaha Maitre Musonera na Maitre Hakizimana bashingiyeho basabira aba bahamwe n’icyaha cya ruswa kugabanyirizwa ibihano harimo kuba bemera icyaha mu buryo budashidikanywaho ndetse ngo no kuba batari bigeze bakurikiranwa n’inkiko ku bindi byaha.

Umushinjacyaha yasabiye aba bombi igifungo cy’imyaka 6 n’ihazabu y’amafaranga ibihumbi ijana na makumyabiri by’amanyarwanda bakishyura amagarama y’urukiko ndetse bakanasubiza ibihumbi mirongo ine Byuzuza David. Uru rubanza rukaba ruzasomerwa mu ruhame tariki 07 Mutarama umwaka utaha wa 2016.

Ntambara Emmanuel, umukozi wa WASAC ushinzwe ubujyanama mu by’amategeko, yavuze ko bisanzwe kuba hari abiyita abakozi ba WASAC cyangwa REG atari bo mu kurenganya abafatabuguzi ariko akaba ahamya ko bano bahamwe n’iki cyaha bari abakozi babo.

Ntambara yavuze ko WASAC yahagurukiye kurwanya abiyita abatekinisiye bayo kandi atari bo ndetse no mu bujura bw’amazi.

Yagize ati : “Ni igikorwa gihari ndetse giteye inkeke cyane kuko gituma isura ya WASAC kuri serivisi igenera abafatabuguzi bayo iba mbi kandi mu byukuri atari ko byari bikwiye,”

Ntambara ahamya ko abakozi ba WASAC ubu bazwi ku buryo budashidikanywaho ngo kuko baba bambaye amakarita abaranga, akaba ari naho ashingira avuga ko mu gihe bambaye isura y’ikigo bakagombye kugihesha agaciro.

Ntambara ahamya ko nta mufatabuguzi ufite uruhare mu gutanga ruswa ngo ahubwo ari abakozi ba WASAC ubwabo baba bashaka indonke mu baturage.

Abari abakozi ba WASAC imbere y’Ubutabera

Umuyobozi ushinzwe ubucuruzi muri WASAC Lucien Ruterana, avuga ko kuba aba bafatiwe mucyuho bakagezwa mu rukiko ari intambwe ikomeye kuri WASAC.

Ruterana yagize ati : “ Dufite abakozi benshi kandi bikunze kubaho ko hari abasaba ruswa ntitubimenye ariko aya ni amahirwe twagize kugirango bariya babe barafashwe, baremeye icyaha kandi bakaba banaciriwe urubanza, bikaba bizatuma abafatabuguzi bacu babona ko hari abantu babahaga serivisi mu buryo butari bwo, abakozi bacu nabo bari bafite uwo mugambi bazabireka, n’abafatabuguzibacu bajyaga batanga amafaranga mu buryo butaribwo butuma habaho ruswa nabo bazabona ko Leta yahagurukiye kurwanya ruswa kandi ko uyifatiwemo mu cyuho abihanirwa mu buryo buteganywa n’amategeko,”.

Elias Hakizimana

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Dr Gerard Gahima yandagaje bamwe mu bashaka gupfobya no guhakana Jenoside yakorewe abatutsi mu 1994

24-06-2017

Dr Gerard Gahima yandagaje bamwe mu bashaka gupfobya no guhakana Jenoside...

Bombori-Bombori mu Ishema Party : Uwitwa Muzungu Pierre yandikiye Padiri Nahimana Imyanzuro Ikakaye

24-06-2017

Bombori-Bombori mu Ishema Party : Uwitwa Muzungu Pierre yandikiye Padiri...

Ingabo z’u Rwanda zirashakisha Uruhindu abagabye Igitero i Rusizi cyaguyemo umwe, umunani bagakomereka

23-06-2017

Ingabo z’u Rwanda zirashakisha Uruhindu abagabye Igitero i Rusizi...

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba yifuza kuyobora u Rwanda

22-06-2017

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba...

Kagame yagaragaje ko yagakwiye kuba ahereza undi ubuyobozi ariko FPR yamusabye ko bakomezanya

21-06-2017

Kagame yagaragaje ko yagakwiye kuba ahereza undi ubuyobozi ariko FPR...

Amabanga y’Ubuto bwa Kagame [ Secrets de Jeunesse ]

20-06-2017

Amabanga y’Ubuto bwa Kagame [ Secrets de Jeunesse ]

Uko Perezida Kagame yasubije umukobwa w’ Umunya Mali wibaza niba yabona Ubunyarwanda

12-06-2017

Uko Perezida Kagame yasubije umukobwa w’ Umunya Mali wibaza niba yabona...

RWANDA DAY : Perezida Kagame yabwiye abanyarwanda ko muri raporo zitandukanye u Rwanda rukomeje kuza ku isonga

12-06-2017

RWANDA DAY : Perezida Kagame yabwiye abanyarwanda ko muri raporo...