LATEST NEWS
MURI AFURIKA
Agathon Rwasa yatorotse u Burundi
Publish Date: dimanche 29 novembre 2015
VISITS :3268
By Admin

Amakuru akomeje kwiyongera yemeza yuko Agathon Rwasa wari ku isonga kurwanya manda ya gatatu ya Petero Nkurunziza ariko akaza kwigarurirwa n’ubutegetsi yatorotse igihugu ubu akaba abarizwa muri Afurika y’Epfo.

Rwasa uyoboye ishyaka rya FNL, mbere ryitwaga FNL Palipehutu, yifatanyije n’andi mashyaka yo muri opozisiyo nka UPRONA ya Charles Nditije na CNDD ya Leonard Nyangoma banga kwitabira amatora y’ubushize yashubije CNDD-FDD na Petero Nkurunziza ku butegetsi muri Nyakanga uyu mwaka.

Rwasa ariko yaje gutungura benshi aho yemereye umwanya wo kuba Visi Perezida wa kabiri w’inteko nshingamategeko muri ubu butegetsi bwa Nkurunziza yarwanyaga yivuye inyuma yuko bwasubiraho. Bagenzi be muri opozisiyo bakomeje kumufata nk’umugambanyi ariko we ukabona nta kintu bimutwaye !

Amakuru yuko Rwasa yatorotse igihugu ntabwo aramenyekana neza ariko hari ibintu umuntu yashingiraho ahamya yuko ashobora kuba ariyo. Icya mbere n’uko ubu Rwasa ntabwo akiboneka mu Burundi cyanga ngo abe yumvikana. Aracecetse gusa !
Icya kabiri n’uko bizwi yuko Rwasa yari yaragiye muri Afurika y’Epfo mu butumwa bw’akazi. Iminsi yari kumarayo yarashize ariko we akaba ataragaruka.

Ikindi cyiyongera kuri ibyo n’uko byari bimaze iminsi bivugwa yuko Umushinjacyaha Mukuru mu Burundi, Bagorikunda Valentin, yari yarandikiye inteko nshingamategeko ayisaba gukuraho Rwasa ubudahangarwa (immunity) nka Visi Perezida w’inteko ngo abe yakurikiranwa mu nkiko, ngo ubu Bagorikunda akaba yarasohoye manda mpuzamahanga yo guta Rwasa muri yombi. Rwasa ashinjwa kuba yarafashije cyangwa nibura yarishimiye ya kudeta ya pfubye yo guhirika Nkurunziza ku butegetsi ariko urwitwazo rukaba byabindi yuko akiri mu ishyamba yategetse abarwanyi be kwica impunzi z’Abanyamurenge zari mu nkambi ya Gatumba aho abantu bagera kuri 200 bishwe urupfu rubi mu ijoro rimwe !

Abakurikiranira hafi iby’u Burundi bahamya yuko nubwo Rwasa yemeye umwanya muri ubu butegetsi bwa Nkurunzi, butemewe n’Abarundi batari bake ndetse n’amahanga, ariko nawe umbwe ntabwo yabwemeraga. Bamwe bavuga yuko kugira ngo yemere kubujyamo Nkurunziza yabanje kumuha amafaranga y’amarundi angana na miliyari enye yizeye yuko nabujyamo bizasenya opozisiyo. Kandi koko hari ukuntu byayigabanyirije imbaraga ariko ntiyasenyutse.

Umunyapolitiki Agathon Rwasa

Rwasa rero aramutse yarahunze igihugu n’izo miliyari enye mu mufuka nta gihombo yaba afite ahubwo bizazahaza ubutegetsi bwa Nkurunziza ariko ntabwo bizazanzamura cyane Rwasa muri politike kuko abo bari bafatanyije muri opozisiyo batazongera kumugirira icyizere kuko babonye yuko nta muntu umurimo !

Kayumba Casmiry

IBITEKEREZO

TANGA IGITEKEREZO

Kwamamaza
Kwamamaza
Also in this section
Burundi : Imyitozo y’Imbonerakure za CNDD-FDD isa nk’iy’Interahamwe za MRND ikomeje gutera benshi ubwoba

Burundi : Imyitozo y’Imbonerakure za CNDD-FDD isa nk’iy’Interahamwe za MRND...

Umusirikare mukuru w’u Burundi yatawe muri yombi ashinjwa guhungabanya umutakno w’igihugu

Umusirikare mukuru w’u Burundi yatawe muri yombi ashinjwa guhungabanya...

Kinshasa : Perezida Kabila yagize Samy Badibanga Minisitiri w’Intebe

Kinshasa : Perezida Kabila yagize Samy Badibanga Minisitiri...

Maroc : Perezida Kagame na Madame Jeannette Kagame bitabiriye inama ku mihindagurikire y’ikirere

Maroc : Perezida Kagame na Madame Jeannette Kagame bitabiriye inama ku...

NEW POSTS
Umudiho uva mu itako

10-12-2016

Umudiho uva mu itako

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...