LATEST NEWS
MURI AFURIKA
Amabanga akomeye ya FDLR arimo n’umubare w’abarwanyi bayo n’aho bakura ifaranga byashyizwe ku karubanda
Publish Date: lundi 2 novembre 2015
VISITS :7606
By Admin

Umwe mu bari abayobozi bakuru b’igisirikare mu mutwe wa FDLR nyuma akaza gutaha yitandukanyije nawo, Ntibibaza Gerard yamennye amabanga menshi y’uyu mutwe umaze imyaka myinshi mu mashyamba ya Congo arimo umubare nyakuri w’abarwanyi, aho baherereye mu mashyamba, aho bakura amafaranga n’amikoro ya buri munsi.

Uyu mugabo bigaragara ko akomeye aherereye mu kigo cy’i Mutobo aho akurikirana amasomo yo ku musubiza mu buzima busanzwe.

Ntibibaza Gerard wari ufite ipeti rya Lieutenant Colonel yatangarije umunyamakuru wa Kigalitoday amakuru menshi kuri uyu mutwe usigaye waranahawe akazina k’abacunguzi n’abawushyigikiye biganjemo abatanyuzwe n’imiyoborere iriho mu Rwanda.

Ibihumbi bitanu by’abarwanyi ba FDLR niwo mubare Lt Col Ntibibaza Gerard wari ushinzwe ibiro bya mbere (J1) muri FDLR akitandukanya nawo agataha mu Rwanda tariki 18 Nzeri 2015, avuga ko ariwo mubare yasize wanditse mu bitabo.

Ntibibaza avuga ko abarwanyi bari mu ntara ya Maniema, Katanga Kivu y’Amajyaruguru na Kivu y’Amajyepfo ariko ngo abenshi bari muri Kivu.

Agira ati “Sinibuka uduce bagiye barimo bose, ariko abarwanyi benshi bari muri Kivu kuko Kivu y’Amajyepfo ifite ibihumbi bibiri abandi bakaba muri Kivu y’Amajyaruguru naho abari muri Maniema na Katanga FDLR Foca ntibagenzura.”

Ntibibaza avuga ko ariyo mibare yasize yanditse mu bitabo, kandi raporo zikorwa buri gihe zivuye ku dutsiko tw’abarwanyi bari ku birindiro zikoherezwa ku buyobozi bukuru.

Ntibibaza wagiranye ikiganiro n’ikinyamakuru Kigali Today tunakesha iyi nkuru, avuga ko muri Kivu y’Amajyepfo, abarwanyi ba FDLR biganje mu duce twa Kirembwe, Mirenge, Hiwabora na Rulimba, aho bayobowe na Col Helerimana Hamada uzwi ku mazina ya Bola Uzima ubarizwa Kirembwe.

Kivu y’Amajyaruguru abarwanyi benshi bari mu duce twegereye u Rwanda nka Nyiragongo, Rutshuru na Masisi ariko ubuyobozi bukuru buba Walikale, Gerard akavuga ko ahari abarwanyi benshi ari Rutshuru na Walikale.

Uyu mugabo ugaragara ko adakuze cyane, avuga ko umubare atanga atari abarwayi cyangwa abana nkuko imiryango mpuzamahanga ibivuga, ngo ni abarwanyi bari mu birindiro kandi bafite intwaro.

Avuga ko raporo zikorwa n’impuguke ari incurano, kuko nta bantu bahura n’ubuyobozi bw’igisirikare cya FDLR.


Abitandukanyije n’umutwe wa FDLR bari kumwe na Ntibibaza i Mutobo mu bikorwa by’isuku.

Ati “Ninjye wari ushinzwe ubuyobozi bw’igisirikare cya FDLR, nta mpugucye nimwe navuganye nayo, nta n’iyigeze igera mu buyobozi bwa FDLR, imibare batangaza sinamenya aho bayikura wenda barayimba.

Naho imibare twe dufite mu bitabo iva ku birindiro by’abasirikare bacu ikagenda izamuka kugeza ku nzego zo huejuru.”

Ntibibaza avuga ko abarwanyi ba FDLR kugera kuri 90% bafite intwaro n’ubwo badakunda kuzigendana kubera kwihisha.

Naho inkomoko y’ibikoresho bya gisirikare FDLR ibitse, avuga ko yabihawe na Leta ya Congo, ibindi abarwanyi babigura n’ingabo z’iki gihugu n’imitwe yitwaza intwaro nka Mai Mai.

Akomeza avuga ko FDLR itagira ububiko bw’ibikoresho bizwi, ahubwo ibikoresho ibibika mu bwihisho mu birunga bya Nyiragongo na Nyamuragira kugirango bidafatwa n’ingese ngo byangirike.


Ntibibaza Gerard a.k.a Mambo Lorenzo wahoze mu buyobozi bukuru bwa FDLR.

Avuga ko hari igihe bibagirwa aho babihishe bikazimira. Nyamuragira iruka muri 2013 hari ibyo yarukiye aho bihishe harasibangana

Kubirebana no kongera umubare w’abarwanyi, Ntibibaza avuga ko imwe mu mpamvu FDLR ifata bugwate impunzi z’Abanyarwanda ziri mu burasirazuba bwa Congo ari uko ariho abarwanyi bava.

Ati “Ahantu hambere FDLR ikura abarwanyi ni mu mpunzi z’abanyarwanda ziri mu burasirazuba bwa Kongo, ahandi ni mu bakongomani ariko bo ntibaramba iyo bamaze kubona imyitozo bigira mu mitwe yabo bakaba abayobozi.

Ahandi havaga abarwanyi ni muri Uganda ariko byarahagaze bitewe n’uko iyo bageze mu mashyamba ubuzima bubananira bagatoroka bagasubirayo dusanga duta igihe.”

Ubuzima bw’abarwanyi ba FDLR bwa buri munsi

Abarwanyi ba FDLR mu mashyamba ya Congo batungwa no guhinga cyangwa gucuruza, abatabikoze bagasahura abaturage ba Congo.

Yemeza ko hari uduce twinshi muri Kivu y’Amajyaruguru FDLR iyobora ikaba ariyo ishyiraho ubuyobozi kubera ko ingabo n’abapolisi ba Kongo batahagera.

Ati “Ingabo n’igipolisi bya Kongo bikunda mu mujyi nahari imihanda, FDLR yo ijya ahatari iyo mihanda n’imijyi. Irategeka ndetse ikanasoresha, ikagira n’uruhare mu gushyiraho inzego z’abayobozi.”

FDLR yinjiza amafaranga atari macye ikura mu bucuruzi

Byagaragaye muri raporo y’ishami ry’umuryango wabibumbye rikorera muri Congo Monusco mu 2014, ko abarwanyi ba FDLR binjiza miliyoni 71 z’amadolari y’Amerika buri mwaka avuye mu bucuruzi bw’urumogi n’amakara.

Ntibibaza nawe yabyemereye Kigali Today ko hari abarwanyi bashinzwe gukora ubucuruzi bw’igice cy’igisirikare cya FDLR hamwe n’igice cya politiki.

Yongeraho ko hari n’abandi barwanyi bashinzwe kwinjiriza amafaranga abayobozi babo, kugira ngo babeho neza. Abo bayobozi ari nabo bagira uruhare rwo kubuza impunzi n’abarwanyi gutaha kuko babona ntacyo babuze.

Kuba ingabo za Congo zidashobora gusenya umutwe wa FDLR, Ntibibaza avuga ko biterwa n’uko mu gisirikare cya Congo harimo abasirikare bakorana na FDLR bakayiha amakuru mbere yo kuyitera.

Ati “Ingabo za Congo ni nyinshi kandi zifite ibikoresho ariko kuba zidasenya FDLR biterwa nuko harimo abakorana na FDLR bakayiha amakuru nayo ikabaha amafaranga. Ibi bigatuma FDLR yitegura ibigiye kuyikorerwa.”

Ntibibaza avuga ko n’ubwo ingabo za FARDC zigira abazimenera amabanga, zibishatse zigafatanya n’ingabo za Monusco bahashya FDLR, ariko kuba bitaba kuri we abona ko hari ikindi kibyihishe inyuma.

Hakunze gufatwa ingamba nyinshi zo kurandura burundu umutwe wa FDLR ku butaka bwa Congo ariko ntibyakunze ndetse hari n’abakurikiranira hjafi politike yo mu karere bakunze gutangaza ko ibihugu by’ibihangange bifite inyungu z’ubutunzi mu kutarwanya uyu mutwe wiganjemo abasize bakoze jenoside mu Rwanda nk’uko u Rwanda rwakunze kubivuga.

Kigalitoday

IBITEKEREZO
Emma

Aman wavuze ukuri nibaze ikibazo nuko nuko abateguye genocide Bo bataza ngo babibazwe nasubireyo abazane

Mudaheranwa emmanuel

uwomugabo nzikonamwe mutari bigoryi mpaka mumuciye umutwe ntawamuzanye nigitekamutwe ntabwengebizi ubwengebazi n'ubwinda azabazana arinjyewe namarirakucumu nkiyishurira.

SIMON BAHATI

Uyumugabo Nigisambo Yibye Intwarozose Nabazwe Ahoya Zishize ?

johnclaud

Kuva kera abameze nkawe bahozeho cyo bikoze ukulikije amagambo ntabwo yarazi ibyalimo gusa nziko bazamuhemba kuko hali ikitegererezo cyabamubanjilije gusa yagombye kureba kugihe yataye azagikurahe ?ayo madorali we ntiyayabonaga kuko mutamubajije mumubwire Ko azicuza.

pada dodo

Yewe, uyu mugabo suwokwizerwa umenye ibanga ntaryo asiga, Aho aje bamucungire kure

Jac

Amaani Sha uvuze ukuri pe uwaguha ingabo zirwanira mumazi ukaziyobora wamugani se ataye abo yayoboraga ntashoboye wendango arwane nibibangombwa agwe kurugamba yenda azitwe intwari ahubwo aje kuvugavuga gs ubwose aragirango bamuhembe cyangwa ark narumiwe ubwose imyaka yose amaze yaruhiye iki buryarero ngo ubugabo subwuzuye inzir

Reberaho

Amani,ukwiye igikombe cyo gutukana. Aho avuye bazamwita ikigwari ,ariko mu Rwanda azaba intwari. Uvuze ukuri arabakomeretsa,ahubwo n'abandi nibaze bamukurikiye barwubake. Iyo ureba ibyo urimo nta vision,guhindura biremewe kandi utaha muri gakondo yakirizwa impudu. Wowe n'abandi mutekereza kimwe mukomeza muhanyanyaze igihe nikigera muzashaka kwikura bitagishoboka.

Amani

Uyu nta musirikare umurimo,niyo waba nta formation militaire ufite ntabwo wakanjwa ngo ugeze aha.ubuse iyo ashobora akagwa iyo mu mashyamba ubu aje hano kuyobora nde ? Igihe abandi batahiye yakkoraga iki ?Ubu se ayo madolari azanyeho ku buryo ejo atazaba ari guha imbwa amaboko,asaba abo yiciye ?Nawe se agiye kubesha ko yari yarafashwe bugwate ngo adatahe.?Imbwa z'ibisambo gusa bitagira diplomatie ,nibize bijye byirirwa bihonda amabuye nibyo bitabasaba gutekereza kuko ubwenge babushize mu gifu,.wambwira ute ko un officier superieur ata ingabo ze cg se ses subalternes ngo yitanze, yinjiye igisirikare se azi ko ari football, handball cg jeu de dame agiye gukina,ari guteta kuri nde se ?ibigoryi biragwira ,wasanga kandi cyarize na ESM kikayirangiza ? Nta bwenge ngo mutahe.Ibicucu nk'ibi ntabwo bikwiye guhabwa umwanya ,icyakora nacyo mugihe gucunga gereza nacyo mugicungire hafi kimwe n,ibyo bipfamutima byaje mbere ye. Ku rugamba uba ugomba kururwana kugeza kuwa nyuma,imbwa zitagira determination gusa ngo zije mu Rwanda zahekuye, ubu se kije muri dynastie kuyobora ,kije gukora iki nyuma y'imyaka 20 ?uwabaroze ntiyakarabye.


TANGA IGITEKEREZO

Kwamamaza
Kwamamaza
Also in this section
Umusirikare mukuru w’u Burundi yatawe muri yombi ashinjwa guhungabanya umutakno w’igihugu

Umusirikare mukuru w’u Burundi yatawe muri yombi ashinjwa guhungabanya...

Kinshasa : Perezida Kabila yagize Samy Badibanga Minisitiri w’Intebe

Kinshasa : Perezida Kabila yagize Samy Badibanga Minisitiri...

Maroc : Perezida Kagame na Madame Jeannette Kagame bitabiriye inama ku mihindagurikire y’ikirere

Maroc : Perezida Kagame na Madame Jeannette Kagame bitabiriye inama ku...

Polisi y’u Rwanda yasoje gusimbuza abapolisi muri Sudani y’Epfo

Polisi y’u Rwanda yasoje gusimbuza abapolisi muri Sudani y’Epfo

Perezida Museveni yahagurukiye abarimu ba Makerere bigaragambije bigatuma Kaminuza ifungwa

Perezida Museveni yahagurukiye abarimu ba Makerere bigaragambije bigatuma...

NEW POSTS
Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...