LATEST NEWS
MURI AFURIKA
Congo yashyizeho amananiza yo kubanza guhabwa Gen. Laurent Nkunda wahoze ayobora CNDP, mbere yo kohereza mu Rwanda Ladislas Ntaganzwa
Publish Date: mardi 15 décembre 2015
VISITS :2292
By Admin

Minisitiri w’Ubutabera muri Repubulika Iharanira Demokarasi ya Congo, RDC, yavuze ko mbere y’uko igihugu cye cyohereza mu Rwanda Ladislas Ntaganzwa ukekwaho uruhare muri Jenoside yakorewe abatutsi mu 1994, u Rwanda rugomba kubanza gusubiza ku mpapuro rwashyikirijwe zo guta muri yombi abantu Congo ishakisha ariko bacyidegembya i Kigali.

Ladislas Ntaganzwa akekwaho uruhare muri Jenoside yakorewe abatutsi ku byaha yakoreye muri komini Nyakizu yayoboraga, akaba yarafatiwe muri Congo mu Cyumweru gishize.

Uwo mugabo w’imyaka 53 yari ku rutonde rw’ abantu icyenda bashakishwa n’Urukiko mpuzamahanga Mpanabyaha rwashyiriweho u Rwanda, barimo Félicien Kabuga, Protais Mpiranya, Augustin Bizimana, Aloys Ndimbati, n’abandi.

Minisitiri w’Ubutabera muri Congo, Alexis Thambwe, kuwa Gatanu w’Icyumweru gishize yabwiye Reuters ko Ntaganzwa kuri uwo munsi yerekejwe mu Mujyi wa Goma uherereye mu Burasirazuba bwa Congo ngo ahatwe ibibazo.

Minisitiri Thambwe yavuze ko igihugu cye cyiteguye kumwohereza mu Rwanda, ariko ngo mbere na mbere u Rwanda narwo rugomba kohereza abo Congo ishakisha rufite.

Yagize ati “Dushaka ko u Rwanda rusubiza neza kuri iyi nshuro ku mpapuro zita muri yombi twarushyikirije, zireba abafite ibibi bakoze mu gihugu cyacu kandi bakidegembya muri Kigali.”

Minisitiri w’Ubutabera muri Congo, Alexis Thambwe

Thambwe ntiyagaragaje umubare nyawo w’abo bantu, ariko yatanze urugero kuri Laurent Nkunda wahoze ayobora CNDP, umutwe ushinjwa ibyaha wakoreye mu Burasirazuba bwa Congo hagati ya 2006 na 2009.

Minisitiri w’Ubutabera w’u Rwanda, Johnston Busingye, avuga ko ikibazo cyo kohereza Ntaganzwa ushakishwa n’ubutabera mpuzamahanga kidakwiye guhuzwa n’abantu Congo isaba, barebwa n’inkiko zo mu gihugu.

Yagize ati "Ikibazo cy’abantu Congo yadusabye iyo utangiye kugishyira ku munzani umwe n’ikibazo cy’umuntu wakoze Jenoside hano agahungira mu mashyamba ya Congo, ushakwa ku rwego mpuzamahanga, ibintu biba byatakaye cyane, ni igereranya ridashoboka."

Minisitiri Busingye yavuze ko Congo yandikiye u Rwanda ikaruha amazina y’abantu ishakisha, u Rwanda narwo nyuma y’icyumweru kimwe ruhita rusubiza ruvuga ko ari icyemezo cy’inkiko, rushyiramo n’ibindi bisabwa ngo boherezwe ariko Congo ngo ntacyo yarengejeho.

Mu byari bikubiye mu gisubizo cy’u Rwanda kwari ugusaba ko Congo yerekana ibyaha abo ishakisha bakoze, aho bari niba hazwi, kugaragaza ko ibyo byaha bizwi kandi byemewe n’amategeko y’ibihugu byombi n’ibihano bashobora guhabwa kandi “ntihagomba kubamo icy’urupfu”.

Busingye yakomeje agira ati “Kuva twabandikira urwo rwandiko nta kintu baradusubiza.”

Kuva Laurent Nkunda yafatirwa mu Rwanda muri Mutarama mu 2009, u Rwanda rwatangaje ko rutapfa kumwohereza muri RDC, “kuko ho bagifite igihano cy’urupfu” kandi u Rwanda rwarakuyeho icyo gihano mu mategeko yarwo, rukanasinya ku masezerano atarwemerera koherereza umuntu igihugu kigitanga icyo gihano.

Minisitiri Busingye Johnston

Minisitiri Busingye yabwiye Igihe ati “Ntaganzwa arashakishwa ku rwego mpuzamahanga, ari ku rutonde rw’abantu 9 urukiko rushakisha uruhindu, ari mu bantu 410 u Rwanda rushaka, ntabwo ndimo kumva uko guhuza ibintu aho guturuka.”

Kugira ngo abantu Congo ishakisha bari mu Rwanda boherezwe, Minisitiri w’ubutabera avuga ko bisaba ko Congo ibatangaho amakuru yuzuye, nyuma Umushinjacyaha wo mu Rwanda akajya mu rukiko akarusaba ko rusuzuma iyo dosiye, rugafata icyemezo cyo kubohereza cyangwa kutabohereza.

Umwanditsi wacu

IBITEKEREZO
kazarama

NKUNDA ABA MU GIKONI CYA KAGAME SHA ABA KONGOMANI BAKUBONYE BA KOLIYA YO MUBESU YUMA YA NDERWA

Rwasubutare

Nibahamane. Interahamwe se ubundi aho zitari Congo nihe ? Interahamwe imwe nikimwe nindi.

ndinde

Icyo abaabanyekngo balais ninterahamwe ejo ikagira kuri bene wabo baze babatemagure KinShasa yihangu. Uhishira umurozi akakumarira banana.

paul rwigamba

Ariko se niba baha agaciro k'abazize amahano y'94, batanze abo bakongomani ?

kanyanzira

Niba ari uko bimeze Congo ishobora kuzavuga ko nayo ifite ubushobozi bwo kuzaburanisha Ladislas mu nkiko zayo bityo ntibabe bakimwoherereje u Rwanda. Icyo gihe bashobora kutamuha igihano kiri ku rwego rw'icyaha ashinjwa kuberako hazaba hajemo agahimano.

hahaha

ubwo ni 1 ku 1 birakaze !


TANGA IGITEKEREZO

Kwamamaza
Kwamamaza
Also in this section
Abarwanya ubutegetsi mu Burundi bakwiye kwihanganira Mkapa

Abarwanya ubutegetsi mu Burundi bakwiye kwihanganira Mkapa

Uko ubutegetsi mu Burundi bwataye umutwe

Uko ubutegetsi mu Burundi bwataye umutwe

M23 yubuye imirwano muri Congo, abarwanyi bagera kuri 200 binjiye ku butaka bwa Congo

M23 yubuye imirwano muri Congo, abarwanyi bagera kuri 200 binjiye ku...

Perezida Kagame yitabiriye Inama ya 27 ihuza u Bufaransa n’ Afurika I Bamako.

Perezida Kagame yitabiriye Inama ya 27 ihuza u Bufaransa n’ Afurika I...

Muri DRC Kiliziya Gatulika yakoze ibyananiye AU

Muri DRC Kiliziya Gatulika yakoze ibyananiye AU

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...