LATEST NEWS
Mu Rwanda
Darfur : Ingabo z’u Rwanda zatanze impano y’ikigega cy’amazi
Publish Date: jeudi 5 novembre 2015
VISITS :257
By Admin

Ingabo z’u Rwanda ziri mu butumwa bw’amahoro ahitwa Zalingei mu Ntara ya Darfur kuri uyu wa Gatatu tariki 04 Ugushyingo 2015 zahaye impano y’ikigega cy’amazi abaturage bavanywe mu byabo bari mu nkambi yitwa Salam kugira ngo babafashe gukemura ikibazo cy’amazi cyari kibagoye.

Iki kigega gifite ubushobozi bwo kubika Litiro ibihumbi bibiri z’amazi kizafasha abaturage 800 bakoraga ibirometero10 bajya gushakisha amazi nkuko byatangajwe n’urubuga nkoranyambaga rwa Minisiteri y’ingabo mu Rwanda.

Bamwe cyane nk’abadamu bategwaga n’abagizi ba nabi bagamije kubafata ku ngufu muri urwo rugendo. Amazi ajya muri iki kigega, Ingabo z’u Rwanda ziyemeje kujya ziyashyiriramo abaturage kugira ngo bibarinde izo ngorane.

Umugaba ukuriye Batayo ya 42 y’Ingabo z’u Rwanda, Lt Col Venant Bizimungu yabwiye abaturage ko iki kigega cyavuye mu mafaranga abasirikare b’u Rwanda bakorera Zalingei bashyize hamwe bagamije gufasha abaturage.

Yababwiye ko ari igikorwa abasirikare bakoze bashaka kugaragariza abatuye muri iyi nkambi ko bifatanije mu ngorane bahura nazo, bityo abasaba ko ikigega babonye cyazabafasha.

Yagize ati “ Nubwo iyi nkunga yagaragara ko ari nto ariko muyakire nk’ivuye ku mitima y’abasirikare b’u Rwanda mubana nabo kandi izafashe mwese baba abakuru, abanyeshuri, abarimu muri uyu mudugugu kandi ndabasaba ko mwazacunga neza iki kigega nticyangirike."

Aho iki kigega cyubakiwe ni ku Ishuri naryo ryubatswe n’Ingabo z’u Rwanda mu mwaka wa 2012 babifashijwemo n’Ingabo z’Umuryango w’Abibumbye ziri Darfur, UNAMID.

Uwavuze mu izina ry’abaturage, Sheikh Adam Adum Muhamadi yashimye igikorwa bagejejweho n’abasirikare b’u Rwanda anishimira ko bagiye kubona amazi meza batarinze gukora ibirometero n’ibirometero bajya gushakisha mu buryo bubagoye.

Uretse kubungabunga umutekano w’abaturage mu butumwa bw’amahoro, Ingabo z’u Rwanda zifasha abaturage kwiga kwiteza imbere bo ubwabo bakora imirimo ibafitiye akamaro muri rusange, ndetse banabafasha guhanga imishinga ibafasha kwiteza imbere.

Kamurase Hassani

IBITEKEREZO

TANGA IGITEKEREZO

Kwamamaza
Kwamamaza
Also in this section
Mugenzi Thabita Gwiza, Kayumba na Himbara mu mugambi wabo kwa Rwigara

Mugenzi Thabita Gwiza, Kayumba na Himbara mu mugambi wabo kwa...

Hategerejwe umwanzuro ku ifungwa n’ifungurwa ry’agateganyo ry’abo kwa Rwigara

Hategerejwe umwanzuro ku ifungwa n’ifungurwa ry’agateganyo ry’abo kwa...

Umugore wa Safi yasubiye muri Canada aho ni ubuhoro ! [ VIDEO ]

Umugore wa Safi yasubiye muri Canada aho ni ubuhoro ! [ VIDEO...

Itorero Zion Temple riramaganira kure inyandiko yitiriwe Apotre Gitwaza yandikiwe FPR

Itorero Zion Temple riramaganira kure inyandiko yitiriwe Apotre Gitwaza...

Impaka ndende no gutakamba mu rubanza rw’abo kwa Rwigara rwarangiye mu ijoro

Impaka ndende no gutakamba mu rubanza rw’abo kwa Rwigara rwarangiye mu...

NEW POSTS
Ukuri ku ihanurwa ry’indege ya Habyarimana : Kwivuguruza kw’Abatangabuhamya

20-10-2017

Ukuri ku ihanurwa ry’indege ya Habyarimana : Kwivuguruza kw’Abatangabuhamya

HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Amwe mu mazina y’Abafaransa ashyirwa mu majwi mu guhanura Indege ya Habyarimana

17-10-2017

Amwe mu mazina y’Abafaransa ashyirwa mu majwi mu guhanura Indege ya...

Nta Himbara, nta shinge nta rugero

15-10-2017

Nta Himbara, nta shinge nta rugero

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...

Perezida Kagame yakiriye ba Ambasaderi 11 barimo intumwa ya Papa Francis

13-10-2017

Perezida Kagame yakiriye ba Ambasaderi 11 barimo intumwa ya Papa...