LATEST NEWS
MURI AFURIKA
FDLR igeze mu marembera
Publish Date: lundi 16 mai 2016
VISITS :2728
By Admin

Umutwe wa FDLR ubarizwa mu mashyamba ya Repubulika Iharanira Demokarasi ya Congo uri mu bibazo bikomeye cyane nyuma y’itabwa muri yombi n’urupfu rw’abayobozi bakomeye bawo.

Ayo makuru ahamya ko uyu mutwe ukorera muri Kongo (DRC) wamaze kurangwa n’amacakubiri aho igice kimwe kigambanira ikindi kandi bikawugiraho ingaruka mbi kandi zikomeye.

Habanje ifatwa n’ifungwa ry’uwari umuyobozi wayo Inyasi Murwanashyaka n’umufasha we wa hafi, Straton Musoni. Murwanashyaka yabanje gufatirwa mu Budage ahitwa Mannheim tariki 7 z’ukwa kane 2006 ariko aza kurekurwa.

Tariki 26 z’ukwezi gukurikiyeho atangira gukorerwaho iperereza ku byaha byibasiye inyoko muntu yakoreye muri DRC.

Murwanashyaka yaje kongera gufatwa tariki 17 z’ukwa 2009 urubanza rwe kimwe na Musoni rutangira tariki 4 z’ukwa gatanu 2011 mu rukiko rwa Oberlandesgerichht mu ntara ya Stuttgart aho mu Budage.

Bamwe mu barwanyi bake ba FDLR barwaye bashyize intwaro hasi

Mu kwa cyenda 2015 , Murwanashyaka wari ufite urupapuro mpuzamahanga rwa leta y’u Rwanda rwo kuba akurikiranyweho ibyaha bya jenoside, yakatiwe n’urukiko rw’aho mu Budage igifungo cy’imyaka 13 naho Musoni akatirwa imyaka umunani.

FDLR nyuma yaho yaje gucikamo ibice kimwe cyiyita FDRL- RUD kiyobowe na Major General Jean Damascene Ndibabaje bari bakunze kwita Musare. Amakuru tugezwaho na bagenzi bacu bo muri DRC ahamya ko uyu mugabo yishwe tariki 8 z’ukwa kabiri uyu mwaka wa 2016. Ngo yishwe n’abo mu mutwe wa Mai Mai, bamutsinda ahitwa Mukeberwa mu Majyaruguru ya Luberu.

Iyicwa rya Damascene ryasize nta muyobozi ufatika uwo mutwe wa FDLR-RUD ufite. Nk’uko umuyobozi w’Akarere ka Lubero, Joy Bokele, yabitangarije Radio OKAPI ngo igitero Major General Ndibabaje yaguyemo cyanahitanye n’abandi barwanyi b’uwo mutwe bagera kuri 15 n’abandi benshi barakomereka.

Ubushyamirane hagati y’aba Mai Mai na FDLR-RUD bwatangiye mu kwa 11 umwaka ushize wa 2015 aho abaturage b’ako gace batangiriye gushinja FDLR ko ibibira amatungo n’ibihingwa mu mirima. Ibi byatumye urubyiruko rw’Abandandi rwifatanya na Mai Mai NDC mu gace ka Guidon kugaba ibitero kuri FDLR muri Walikale na Lubero.

Amakuru akomeza agaragaza ko ikindi gice cy’uwo mutwe cyitwa FDLR- FOCA cyari gikambitse ahitwa Rusamambo nacyo kiri mu bibazo bikomeye kuko ngo cyacitsemo ibice aho Major General Agaston Iyamuremye (Rumuli) we n’abandi barwanyi babarirwa ku 100 batorotse bava Rusamambo bakerekeza muri Rutsuru ahitwa Makomamarehe.

Mu gihe Lt.Gen. Mudacumura, witwa ko ayoboye abarwanyi bose ba FDLR yatorokeye ahitwa Mweso, bigasiga icyitwa FDLR cyose nta muyobozi ufatika gifite.

Uwitwa ko yari umuyobozi ugaragara FDLR yari isigaranye ni General Leopold Mujyambere, wafashwe agafungirwa muri Goma, mu cyumweru gishize akaba yaratwawe gufungirwa Kinshasa. Mujyambere yafashwe aribwo akiva muri Afurika y’Epfo, igihugu bivugwa ko yari akunze kunyarukirayo kenshi.

Icyo urwego rushinzwe ubutasi muri Kongo rwafatiye Gen. Mujyambere ntabwo kizwi neza ariko Human Rights Watch ivuga ko uyu mugabo yivanze mu bwicanyi bukomeye bwakorewe abaturage muri Kivu y’Epfo igihe yari ayoboye diviziyo ya FDLR muri 2009. Ifatwa rye rero risobanuye ko FDLR isigaye ntaho isigaye mu miyoborere yayo.

Umwanditsi wacu

IBITEKEREZO
patrick

Nibapfe bashire kuko basize bakoze amahano murwnda


TANGA IGITEKEREZO

Kwamamaza
Kwamamaza
Also in this section
Polisi yataye muri yombi umuforomokazi n’abandi bantu 2 bakekwaho kwica uruhinja

Polisi yataye muri yombi umuforomokazi n’abandi bantu 2 bakekwaho kwica...

Nyabugogo : Itike ku banyeshuri yabonye umugabo isiba undi

Nyabugogo : Itike ku banyeshuri yabonye umugabo isiba undi

PAM/WFP iragemurira Abarundi ibishyimbo n’ibigori yaguze mu Rwanda

PAM/WFP iragemurira Abarundi ibishyimbo n’ibigori yaguze mu Rwanda

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...

Perezida Kagame yasabye RDF gukomeza intego ko Jenoside itazongera kubaho

10-04-2017

Perezida Kagame yasabye RDF gukomeza intego ko Jenoside itazongera...