LATEST NEWS
MURI AFURIKA
Entebbe : Inama ku kibazo cy’u Burundi yimuriwe tariki 06/01/2016, Arusha muri Tanzania ( Yavuguruwe )
Publish Date: mercredi 30 décembre 2015
VISITS :1499
By Admin

Nyuma y’aho Perezida Museveni wari uyoboye inama yatangazaga kumugaragaro ko agiye gukora iperereza ku bwicanyi ndenga kamere bukorwa n’Igisilikare cya Leta y’Uburundi, ubwicanyi bwibasira abaturage n’abatavuga rumwe na Leta.

Perezida Museveni yavuze ko bagiye gushyiraho ikipe ya Uganda yo kureba ko Igisilikare cy’u Burundi kica abantu kubera ko batavuga rumwe na Leta gusa.

Ikindi yavuze ngo abayobozi ba EAC, batangajwe n’ibintu bibera i Burundi kubera abayobozi bari mumacakubiri basenya Igihugu cyabo, barangiza bagatangira kuririra abazungu ngo babahe inkunga. Yongeyeho ko kwica abaturage kubera ibintu bya Politiki, ibi n’ibintu bitashyigikirwa muri iki gihe tugezemo.

Muri ibi biganiro intumwa ya Leta yari Alain Aime Nyamitwe Minisitiri w’ububanyi n’amahanga w’u Burundi hamwe na Barandagiye Pascal Minisitiri w’umutekano mu gihugu.

Minisitiri Nyamitwe yavuze ko batangaye guhurira munama n’abantu batazwi ndetse n’abashakaga gukora Coup d’Etat bibumbiye muri CNARED, iyobowe na Leonard Nyangoma utavuga rumwe na Petero Nkurunziza.

Ku isaha ya saa tatu muri iki gitondo cyo ku wa mbere tariki ya 28 Ukuboza 2015 ubwo inama yatangiraga, RFI ivugaga ko yitabiriwe n’abagera kuri 70. Amakuru akavuga ko hari hatumiwe abagera kuri 50, barimo abayobozi b’igihugu cy’Uburundi bo mu ishyaka rya CNDD-FDD, n’abarwanya ubutegetsi bw’i Burundi. Muri iyi nama haravugwamo n’abandi biyitiriye sosiyete sivili.

Abitabiriye ibiganiro bakiriwe muri hotel ya Munyonyo, amakuru dukesha ibiro ntaramakuru by’abafaransa, aravuga ko umunyakotedivuwari Kassimi Bamba waturutse mu ishyirahamwe ry’Ubumwe bw’Afurika na we yahageze ndetse na Dr. Richard Sezibera umunyamabanga nshingwa bikorwa wa EAC,nawe yari yahageze, akaba yari mubari bayoboye ibi biganiro by’amahoro k’u Burundi.

Perezida Museveni niwe watangije ibi biganiro arikumwe na Richard Sezibera wa EAC



Abitabiriye ibiganiro

Umunyapolitiki Agathon Rwasa ( uwakabiri iburyo) yari yitabiriye ibiganiro

Mbere yuko Minisitiri w’ububanyi n’amahanga, Alain Aime Nyamitwe, yerekeza i Kampala yabwiye RFI ko bagiye kuganira. Yagize ati « Ni ibiganiro tugiyemo ariko si ukumvikana n’abarwanya leta y’Uburundi, icya kabiri kuri twe, twabwiye abahuza bacu ko tutazemera ibyifuzo byose by’abarwanya leta, » Aha Nyamitwe akaba yari yaravuze ko batashyikirana n’abashatse guhirika ubutegetsi, ariko ko kuba babyemeye byabaye ukubaha Perezida Museveni gusa.

Inama y’uyu munsi ishoje imirimo yayo yemeranijwe ko ibiganiro bizakomereza Arusha muri Tanzania tariki ya 06/01/2016. bikazakomeza kuyoborwa n’intumwa ya perezida Museveni, Minisitiri w’Ingabo Cyripus Kiyonga.ariwe Museveni yashyizeho guhuza izo mpande zitavuga rumwe.

Ibi biganiro byari byarahagaritswe n’amatora ya Perezida Nkurunziza yabaye mu kwezi kwa karindwi tariki ya 21. Opposition ikaba itarashakaga ko Nkurunziza ya kwiyamamariza manda ya gatatu, ariko kuva mu biganiro, kuva icyo gihe kugeza ubu nibwo iyi mishyikirano yongeye gusubukurwa.

Ikibazo cy’amahoro mu Burundi kiracyari kure nkukwezi cyane ko abayobozi b’u Burundi barimo guseta ibirenge mu kugirango bumvikane n’abatavuga rumwe na Nkurunziza kuri manda ye ya gatatu. Abasesengura ibya Politiki yo mu Burundi bakaba bavuga ko ibibiganiro ntakintu gifatika bishobora kuvamo kubera ko Nkurunziza agifite imbaraga za politiki n’igisilikare, cyane ko ntanumutwe wagisilikare ufatika umurwanya ngo yemere ibyo basaba kubera igitutu cy’abamurwanya.

Abayoboye imyigaragambyo bo muri Sosiyete batashakaga manda ya gatatu ya Nkurunziza yaguyemo abatari bake, imfungwa ndetse n’impunzi z’abarundi zirenga ibihumbi 200 ziri mu Rwanda, Tanzania na Uganda, bakomeje bavuga ko imigambi yabo yo kwamagana Nkurunziza izakomeza kugeza avuye kubutegetsi.

Hari amakuru ava i bujumbura avuga ko abantu bagera kuri 50 bashyigikiye Perezida Nkurunziza babyukiye mu mihanda bamagana ibiganiro birimo abarwanya ubutegetsi.

Umwanditsi wacu

IBITEKEREZO

TANGA IGITEKEREZO

Kwamamaza
Kwamamaza
Also in this section
Abarundi basaga 40 bakekwaho ibikorwa by’ubutasi birukanwe mu Rwanda

Abarundi basaga 40 bakekwaho ibikorwa by’ubutasi birukanwe mu...

Umukwabu muri Kaminuza y’u Burundi, abasaga 90 batawe muri yombi

Umukwabu muri Kaminuza y’u Burundi, abasaga 90 batawe muri yombi

CHAN2018 : Amavubi asezerewe na Uganda Cranes

CHAN2018 : Amavubi asezerewe na Uganda Cranes

’ Uyu munsi ntawe u Rwanda rubona nk’ umwanzi ’- Perezida Kagame

’ Uyu munsi ntawe u Rwanda rubona nk’ umwanzi ’- Perezida Kagame

Perezida Kagame yayoboye inama nyunguranabitekerezo ku mavugururwa ya AU

Perezida Kagame yayoboye inama nyunguranabitekerezo ku mavugururwa ya...

NEW POSTS
Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...