LATEST NEWS
MURI AFURIKA
Maj. Gen Mushyo Kamanzi yagizwe umuyobozi w’ingabo za Loni ziri muri Darfur
Publish Date: mardi 15 décembre 2015
VISITS :953
By Admin

Umunyamabanga Mukuru w’Umuryango w’Abibumbye, Ban Ki-moon n’Umuyobozi wa Komisiyo y’Umuryango wa Afurika yunze Ubumwe, Nkosazana Dlamini Zuma, kuri uyu wa Mbere batangaje ko Maj. Gen Frank Mushyo Kamanzi yagizwe Umuyobozi w’Ingabo z’Umuryango w’Abibumbye ziri kubungabunga amahoro mu Ntara ya Darfur, UNAMID.

Itangazo ry’Umuryango w’Abibumbye rivuga ko uyu musirikare Mukuru mu ngabo z’u Rwanda agiye gusimbura Lt. Gen Paul Ignace Mella ukomoka muri Tanzania, uzarangiza imirimo ye kuwa 31 Ukuboza.

Ban Ki Moon yashimiyiye Lt Gen Mella ku bwitange n’imirimo yakoze ku gihe cye nk’Umuyobozi wa UNAMID.

Gen Kamanzi afite ubunararibonye bw’imyaka isaga 27 mu gisirikare no mu nzego z’ubuyobozi bw’ingabo, yari asanzwe ari Umugaba Mukuru w’Ingabo Zirwanira ku Butaka, mu Ngabo z’u Rwanda.

Maj. Gen Frank Mushyo Kamanzi yavutse tariki 31 Werurwe mu 1964, yiga muri Kaminuza ya Makerere muri Uganda aho yakuye impamyabumenyi ihanitse mu by’Ubuhinzi. Afite kandi impamyabumenyi y’icyiciro cya gatatu cya Kaminuza mu bijyanye n’ubusugire bw’igihugu yakuye muri Kaminuza ya gisirikare (National Defence University) iri i Washington DC, muri Leta Zunze Ubumwe za Amerika.

Urubuga rwa Minisiteri y’Ingabo z’u Rwanda rugaragaza ko Gen. Kamanzi mu 1993 yabaye Ofisiye uhagarariye RPA mu bikorwa byo kugenzura ishyirwa mu bikorwa ry’Amasezerano y’amahoro ya Arusha mu Rwanda na Ofisiye wahagarariye RPA wakoranaga n’ingabo z’Umuryango w’Abibumbye zakoreraga mu Rwanda(UNAMIR) mu 1994-1995.

Yabaye umwe mu bari bagize Komisiyo yakurikiranye ibijyanye n’amasezerano ya Lusaka yo kugarura amahoro muri Congo ; Umujyanama wa Perezida wa Repubulika mu bijyanye n’umutekano (mu 2005) ; Umugaba wungirije w’Ingabo z’Umuryango wa Afurika Yunze Ubumwe mu butumwa bw’amahoro muri Sudani (2006-2007).

Kuva 2009 kugeza 2010 yayoboye Ishuri rikuru rya gisirikare rya Nyakinama, anayobora by’agateganyo Ishuri ryigisha Amahoro rya Nyakinama ; 2010-2012 ayobora Ishuri rya gisirikare rya Gako maze mu 2012 agirwa Umugaba w’Ingabo zirwanira ku butaka.

Maj. Gen. Kamanzi Mushyo

Yakoze kandi amahugurwa atandukanye nko mu Bushinwa, aya ba commander bo ku rwego rwo hejuru rwa gisirikare muri Nigeria no mu ishuri ryigisha iby’Intambara, National Defence University, riri i Washington DC, muri Leta Zunze Ubumwe za Amerika.

Umwanditsi wacu

IBITEKEREZO

TANGA IGITEKEREZO

Kwamamaza
Kwamamaza
Also in this section
Perezida Kagame na Macky Sall bahawe igihembo cya kabiri cyitiriwe Babacar Ndiaye

Perezida Kagame na Macky Sall bahawe igihembo cya kabiri cyitiriwe Babacar...

RwandAir yatangije urugendo rwa mbere i Burayi ihereye mu Bwongereza

RwandAir yatangije urugendo rwa mbere i Burayi ihereye mu Bwongereza

U Rwanda rwifatanyije na Afurika mu kwizihiza umunsi wo kwibohora kwayo

U Rwanda rwifatanyije na Afurika mu kwizihiza umunsi wo kwibohora...

Icyumweru cyahariwe ibikorwa bya Polisi y’u Rwanda cyakomereje mu turere twa Kamonyi, Ngororero na Kicukiro

Icyumweru cyahariwe ibikorwa bya Polisi y’u Rwanda cyakomereje mu turere twa...

NEW POSTS
Uburiganya : Mpayimana Philippe yashyizwe mu majwi mu bashaka imikono ya kandidatire binyuranyije n’amategeko

27-05-2017

Uburiganya : Mpayimana Philippe yashyizwe mu majwi mu bashaka imikono ya...

Minisitiri Mukantabana yashimiye umudepite w’u Rwanda watumye atahuka

26-05-2017

Minisitiri Mukantabana yashimiye umudepite w’u Rwanda watumye...

Inkoni y’Umwana ishira Dondi Dondi : Abandi bapasiteri 3 ba Zion Temple basezeye kuri Apotre Gitwaza, amaherezo ni ayahe ?

26-05-2017

Inkoni y’Umwana ishira Dondi Dondi : Abandi bapasiteri 3 ba Zion Temple...

Mbanda yahaye ’ Gasopo’ Amashyaka yiyita Opposition harimo na RNC

26-05-2017

Mbanda yahaye ’ Gasopo’ Amashyaka yiyita Opposition harimo na...

ITANGAZO RYA RUSHYASHYA

24-05-2017

ITANGAZO RYA RUSHYASHYA

Rudasingwa Theogene yaba ahugiye kuki ?

23-05-2017

Rudasingwa Theogene yaba ahugiye kuki ?

Teteri Agnes Umugore wa Eugene Gasana aravugwa mu bikorwa bya Politiki

23-05-2017

Teteri Agnes Umugore wa Eugene Gasana aravugwa mu bikorwa bya...

Impamvu John Mirenge yakuwe k ’Ubuyobozi bwa ’ RwandAir ’ Igitaraganya

16-05-2017

Impamvu John Mirenge yakuwe k ’Ubuyobozi bwa ’ RwandAir ’ Igitaraganya