LATEST NEWS
Mu Rwanda
Nyuma yo gufunga za NGOs noneho Bujumbura igeze ku badepite muri EALA
Publish Date: vendredi 27 novembre 2015
VISITS :825
By Admin

Baca umugani mu kinyarwanda ngo udafite nyirasenge arisenya . Mu gihe inkuru y’uko ubutegetsi bwa Petero Nkurunziza bwahagaritse ibikorwa by’imiryango 10 iharanira uburenganzira bwa muntu mu Burundi itarava mu minwa y’abantu, ubu noneho haje iby’ihagarikwa ry’abadepite bane muri icyenda bahagarariye icyo gihugu mu nteko nshingamategeko y’u muryango w’ubumwe bw’ibihugu by’uburasirazuba bwa Afurika (EALA).

Impamvu yatumye izo za NGO zihagarikwa n’imitungo yazo igafatirwa ni nayo yatumye Bujumbura ifata icyemezo cyo gushaka gukura abo badepite bane muri EALA. Iyo mpamvu ijyanye no kwamagana manda ya gatatu ya Petero Nkurunziza.

Nk’uko byatangajwe na Perezida wa EALA, Daniel Fred Kidega ubu uri hano mu Rwanda, abo badepite u Burundi bwasabye yuko bakurwa mu myanya yabo ni Frederic Ngenzebuhoro, Martino Nduwimana, Yves Nsabimana na Jeremiya Ngendakumana. Ibaruwa imenyesha Perezida wa EALA yuko abo badepite bane bakuwe mu myanya yabo yanditswe na Perezida w’inteko nshingamategeko y’u Burundi akaba na Perezida wa CNDD-FDD, Pascal Nyabenda.

Depite Kidega, ukomoka mu gihugu cya Uganda, avuga ariko yuko icyifuzo cya guverinoma y’u Burundi kinyuranijwe n’amategeko agenga EALA ngo ibyo akaba yararangije no kubimenyesha Pascal Nyabenda. Iyo abadepite batowe n’inteko nshingamategeko z’ibihugu byabo kujya muri EALA baba batari abadepite b’ibyo bihugu ahubwo ari aba EAC.

Pascal Nyabenda

Uretse na EALA kwanga icyifuzo cya leta y’u Burundi cyo kwirukana abo badepite na cya kibazo cyo guhagarika ya miryango iharanira uburenganzira bwa muntu no gufatira imitungo yayo gitangiye kwamaganirwa kure n’amahanga.

Ambasade ya Amerika mu Burundi yaraye isohoye itangazo rivuga yuko icyo kemezo kidashyize mu gaciro ngo kuko atari ngombwa yuko za NGO zivuga rumwe na leta, Amerika agasaba Bujumbura yuko yareka iyo miryango igakomeza imirimo yayo.

Umwe muri abo badepite Bujumbura isaba yuko birukanwa muri EALA, Frederic Ngenzebuhoro, akomoka muri UPRONA igipande cya Charles Nditije kitavuga rumwe na leta. Yigeze kuba Visi Perezida wa Repubulika hagati ya 2004 na 2005.

Daniel Fred Kidega

EALA yateranye bwa mbere tariki 29/11/2001, icyo gihe EAC yari igizwe na Tanzania, Kenya na Uganda. Ibihugu by’u Rwanda n’u Burundi byinjiye muri EAC muri 2007, nabyo bitangira kohereza abadepite muri EALA. Iyi nteko ya EALA igizwe n’abadepite icyenga kuva muri buri gihugu kigize EAC, hakiyongeraho ba Minisitiri bashinzwe EAC, Umunyamabanga Mukuru wa EAC kimwe n’umujyanama w’uyu muryango.

Kayumba Casmiry

IBITEKEREZO
Paul Rwigamba

None se mugihe igihugu kidashaka ko bagihagararira, ubwo bahagarariye ikihe gihugu muri iyo EALA ?


TANGA IGITEKEREZO

Kwamamaza
Kwamamaza
Also in this section
Umugore wa Safi yasubiye muri Canada aho ni ubuhoro ! [ VIDEO ]

Umugore wa Safi yasubiye muri Canada aho ni ubuhoro ! [ VIDEO...

Itorero Zion Temple riramaganira kure inyandiko yitiriwe Apotre Gitwaza yandikiwe FPR

Itorero Zion Temple riramaganira kure inyandiko yitiriwe Apotre Gitwaza...

Impaka ndende no gutakamba mu rubanza rw’abo kwa Rwigara rwarangiye mu ijoro

Impaka ndende no gutakamba mu rubanza rw’abo kwa Rwigara rwarangiye mu...

Gukorera hamwe kw’Abanyarwanda byahesheje Perezida Kagame igihembo cy’indashyikirwa

Gukorera hamwe kw’Abanyarwanda byahesheje Perezida Kagame igihembo...

Urubanza rw’abo kwa Rwigara rwashyizwe mu muhezo

Urubanza rw’abo kwa Rwigara rwashyizwe mu muhezo

NEW POSTS
Ukuri ku ihanurwa ry’indege ya Habyarimana : Kwivuguruza kw’Abatangabuhamya

20-10-2017

Ukuri ku ihanurwa ry’indege ya Habyarimana : Kwivuguruza kw’Abatangabuhamya

Mugenzi Thabita Gwiza, Kayumba na Himbara mu mugambi wabo kwa Rwigara

20-10-2017

Mugenzi Thabita Gwiza, Kayumba na Himbara mu mugambi wabo kwa...

HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Amwe mu mazina y’Abafaransa ashyirwa mu majwi mu guhanura Indege ya Habyarimana

17-10-2017

Amwe mu mazina y’Abafaransa ashyirwa mu majwi mu guhanura Indege ya...

Nta Himbara, nta shinge nta rugero

15-10-2017

Nta Himbara, nta shinge nta rugero

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...