LATEST NEWS
MURI AFURIKA
Papa Francis yashoje uruzinduko rwe yagiriraga muri Afrika
Publish Date: mardi 1er décembre 2015
VISITS :1587
By Admin

Umushumba wa Kiliziya Gatolika, Papa Francis, ejo ku mugoroba kuwa mbere nibwo yashoje urugendo rwe muri Afurika, arushoreje muri Repubulika ya Centrafrique, nyuma yo gusura umusigiti mu murwa mukuru Bangui.

Iki gihugu kimaze hafi imyaka itatu mu makimbirane ashyamiranyije abakirisitu n’abayisilamu. Mu misa yasomye kuri iki Cyumweru yasabye abaturage gushyira intwaro hasi, bakambara ’ubutabera, urukundo, imbabazi n’amahoro y’umwimerere.’

BBC ivuga ko Perezida wa Centrafrique, Catherine Samba-Panza yasabye imbabazi Papa Francis kubera amakimbirane ashingiye ku madini yoretse iki gihugu.

Gusura umusigiti, biri gufatwa nk’ ikintu gikomeye kuri Papa, cyane ko abayisilamu babashije kubonana na Papa bakambitse mu murwa mukuru, nyuma y’uko bo batahunze, ahubwo abagera ku 1500 bagasigara mu gace kiswe PK5 kazengurutswe n’abarwanyi b’abakirisitu bo mu mutwe wa Anti-Balaka.

Ingabo z’u Rwanda ziri mu butumwa bwa Loni muri Centrafrique ziri mu bacungiye hafi umutekano wa Papa Francis wagendereye iki gihugu kuri iki Cyumweru.

Mu rugendo Umushumba wa Kiliziya Gaturika yagiriye ku mugabane wa Afurika aka rusoreza muri Centrafrique, ingabo z’u Bufaransa zari zamugiriye inama zo kurusubika ngo kubera ko umutekano muri iki gihugu utaraba wose.

Nyamara Perezida w’iki gihugu, Catherine Samba Panza yamwijeje ko Ingabo z’u Rwanda zizamurindira umutekano, dore ko ari na zo zirinda Perezida ubwe ndetse n’abayobozi bakomeye bagenderera igihugu.

Ibihumbi by’abemera ndetse barimo n’abaturutse mu bihugu bihana imbibi na Centrafrique buzuye imihanda yo mu mujyi wa Bangui baje gutega amatwi Papa Francis.

Mu Ngabo z’u Rwanda zirinda umukuru w’Igihugu hari n’umukobwa

Mbere y’uko indege ye igera ku kibuga mpuzamahanga cya Bangui, abinyujije ku rubuga rwe rwa Twitter, Papa Francis yagize ati “Nje muri Centrafrique nk’ushaka amahoro kandi nk’intumwa y’icyizere.”

Hafi y’iki kibuga cy’indege ni ho hari benshi mu mpunzi zahunze imvururu zaranze iki gihugu mu 2013 zishingiye ku madini aho bamwe mu nyeshyamba biyitirira idini ya Islam bahanganaga n’umutwe witwaje intwaro wiyitira Ubukirisitu.

BBC ivuga ko uyu mujyi wagoswe n’ingabo nyinshi zirimo iz’Abafaransa hirya no hino ndetse n’iziri mu butumwa bwa Loni, ariko amafoto ari gusangizwa ku mbuga nkoranyambaga agaragaza Ingabo z’u Rwanda hafi ya Papa Francis hamwe na Perezida Panza.

Mu ijambo yavugiye mu ngoro y’Umukuru w’Igihugu, Papa Francis yahamagariye iki gihugu kugira ubumwe kandi bakareka kwishishanya hagati muri bo, anabasaba kureka ibyo kwitwaza imyemerere yabo ngo bamarane.

Umwanditsi wacu

IBITEKEREZO

TANGA IGITEKEREZO

Kwamamaza
Kwamamaza
Also in this section
’Umutekano w’Abarokotse Jenoside ntuhagije Ingengabitekerezo itaracika’ – Perezida Kagame

’Umutekano w’Abarokotse Jenoside ntuhagije Ingengabitekerezo itaracika’ –...

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

Jeannette Kagame yatangije ihuriro rizafasha Abanyarwandakazi b’Abacuruzi...

Kurwanya ruswa : Bane bafunzwe bacyekwaho kuyiha abapolisi

Kurwanya ruswa : Bane bafunzwe bacyekwaho kuyiha abapolisi

Nyarugenge : Abaturage basabwe gufatanya na Polisi y’u Rwanda kurwanya ibiyobyabwenge

Nyarugenge : Abaturage basabwe gufatanya na Polisi y’u Rwanda kurwanya...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...

Afurika y’Epfo : Umunyarwanda yishwe atwikiwe mu nzu azira umugore w’abandi

18-03-2017

Afurika y’Epfo : Umunyarwanda yishwe atwikiwe mu nzu azira umugore...