LATEST NEWS
MURI AFURIKA
Umubonano wa Gen. Mujyambere na Kayumba Nyamwasa muri Afrika y’Epfo usize FDLR icitsemo ibice bibiri
Publish Date: mardi 7 juin 2016
VISITS :4430
By Admin

Nyuma yaho umwe mu bagaba bakuru mu nyeshyamba za FDLR Brig.Gen. MUJYAMBERE Leopord afatiwe mu mujyi wa Goma, ava muri Afrika y’Epfo anyuze muri Zambia, kugeza ubu akaba ari mu maboko y’ingabo za Congo, aho ategerejwe koherezwa mu Rwanda.

Uyu mu Generali akaba yarafatanywe na Musenyeri, Achille Frere Petrus Ibrahim bavuye kubonana na Gen. Kayumba Nyamwasa, muri uwo mubonano w’ibanga nkuko tubibwirwa n’intasi yacu iba muri Afrika y’Epfo ngo bumvikanye ko hagiye gushingwa undi mutwe utari FDLR, uzaba ugizwe n’igice kimwe cya FDLR na RNC.

Uyu mutwe mushya uzaba ukorera muri Repubulika iharanira Demokarasi ya Congo ndetse no mu Burundi ngo ugamije guharanira uburenganzira bw’impunzi no kuzicyura biciye ku ntambara. Uyu mutwe ukaba wariswe CNDR-Ubwiyunge.

Umuterankunga mukuru ni Paul Rusesabagina biciye k’umuherwe Dr. Eliel Ntakirutimana (Nataki) umuganga akaba ny’iri ibitaro « HOPITAL LAREDO » biba i Texas muri Leta zunze ubumwe z’Amerika, uyu nimwene Pasteur Ntakirutimana waguye Arusha muri gereza aho yari afungiye ibyaha bya Jenoside.

Dr. Elie Ntakirutimana na Paul Rusesabagina

Uyu Dr.Elie Ntakirutimana yaherukaga guhagarikirwa inkunga yahabwaga na Leta ya Texas, nyuma yo kwegeranya ibimenyetso hashingiwe ku nkuru yari yasohotse kuri Rushyashya.net, yasomwe n’ abanyarwanda benshi baba muri Amerika, igaragaza uko Dr. Ntakirutimana na Rusesabagina bakorana n’imitwe y’iterabwoba nka RNC, inzego z’iperereza muri Amerika, zimaze kubona ko uyu muherwe koko akorana n’imitwe y’iterabwoba ikorera muri Afrika, Leta yahise ihagarika inkunga y’amadorali yabonaga.

Ibi bikaba byarabaye nyuma yo kwitaba inzego z’Iperereza muri icyo gihugu abazwa iyo nkuru igaragaza ubugambanyi bwe na Rusesabagina yasohotse muri Rushyashya.net, mu matariki 15 Gashyantare 2016, iyi nkuru yakurikiwe naza commments nyinshi zacicikanaga kuri iyi website.

Nyuma uyu Dr. Ntakirutimana yashakishije uko yaguririra iki kinyamakuru Rushyashya.net ngo kivuguruze birananirana. Kugeza ubu ibi bitaro bye Hopital Laredo biri mu gihombo gikomeye kuburyo byatangiye no kugabanya abakozi kuko bitagihabwa iyo nkunga ya Leta.

Undi mutera nkunga w’uyumutwe wa CNDR-Ubwiyunge, ni Rujugiro Ayabatwa Tribert nawe usanzwe aba muri Afrika y’Epfo akaba ari nawe umaze iminsi ayobora amanama ya RNC, amaze iminsi abera muri République ya Côte d’Ivoire.

Umuherwe Rujugiro Ayabatwa Tribert

Uyu mutwe mushya wa Kayumba Nyamwasa na FDLR mu itangazo washyize ahagaragara ryashyizweho umukono n’uwitwa Kamuhanda Anastase akaba ari umuvugizi wawo, abawugize bavuga ko babonye intego biyemeje kugeraho batazazigeraho bakiyobowe na Byiringiro Victor bashinja kuba yararanzwe n’ibintu byinshi batishimiye.

Gen.Byiringiro wagambaniwe na Brig.Gen. MUJYAMBERE Leopord nyuma akaza gutabwa muri yombi

Gen. Kayumba Nyamwasa n’umwe mu bayobozi b’umutwe mushya wa CNDR-Ubwiyunge.

Ngiyo imigambi y’abanzi b’igihugu bahora bakifuriza inabi, baca umugani ngo « Urucira mukaso rugatwara nyoko ».

Cyiza Davidson

IBITEKEREZO
J.De Dieu Ntamugabumwe

Ndabwira Kayumba Umeze Nkumuntu Ukora Umuhanda Yarangiza Akawangiza Niko Wowe Uteweniki ? Baca Umugani ngo Ushize Impumu Yibagirwa Icyamwirukasaga Uraje Ubone Nutiyica Uzica Abawe Ubwose Urabona Abowaje Urwanya Ubahora Jenoside Bakoraga Ububabaye Ishutizawe Cyangwa Baragira ngo Babone Ukobakwica Ubundikugirango Wice Imbeba Uyiha Icyibuga Ibintu Byose Ukabyigizayo Ukayica Kayumba Nawe Agiye Gupfa Ndamuhanuye Nabayobokebe Mfite Ubuhanuzi Bwinshi Kuri Kayumba Ariko Ibye Byababaje Imana Araje Abone Kagame Paul Imana Irakwemera Komeza Wubake Yeruzaremu Shya U Rwanda Rushya

U Rwanda turarukunda tuzarungwa inyuma. Ibyo bitwaza byose byabonerwa ibisubizo abantu bashyize hamwe. Ibyo kandi bakorera mu bwihisho, nta bwihisho bukiri kuri iyi si igihe cyose ushaka gukora nabi. Rushyashya namwe ndabashimiye aho turi hose natwe turi maso ntawe uzazana iby'inka yarembye ngo amererwe neza.

JOACHIM NGABO

IBYO BIFITE AKAHE KAMARO ?MWABUZE IBYO MUTUBWIRA ?MURATWENGEJE

muti

ariko bariya ibyo birirwamo ubanza baba basinze !!!! keretse niba batazi aho urwanda rugeze, ariko baribeshya kuko hose urwanda rurakomeye kandi nabaturage baranezerewe.ibindi rero bashaka sinzi ibyaribyo ???? naho uriya mutetsi we mumwihorere ubanza ashaka kuzaba minister wibikoni murwanda

Nyenyeri

abariye amafaranga ya Rujugiro bo bamaze kuba benshi kuko amaze kuzenguruka I Burayi ashaka abamufasha abashukisha amafaranga.ubu aho bigeze mu Bwongereza mu gice cya West Midland Birmingham amaze kuhateza akavuyo mu banyarwanda baho bamwe bamaze gufata kuri ayo mafaranga ya Rujugiro bayobowe na Eric Gashema na abandi bake bafatanyije bahawe inshingano na Rujugiro hamwe na RNC zo gucamo ibice abanyarwanda batuye muri ako karere,kubiba amacakubiri no kungwagisha abo banyarwanda ubutegetsi bw'u Rwanda no kubusebya na Nyakubahwe Perezida wa Repubulika Paul Kagame ndetse bakaba baratangiye gushinga ama shyirahamwe y'abanyarwanda bajijisha kandi ari imiryango yo gukorera RNC.amakuru amaze kumenyekana kandi yizewe nuko uwo Eric Gashema yamaze kuba Ikigarasha ariko agashaka kubikora under cover ntabyerekana kuko ataragera ku ntago yahawe yo gucamo ibice abanyarwanda batuye mu Bwongereza ndetse nu ubuyobozi bwabo.Mbwira abumva rero kandi ngo ibuye Ryagaragaye ntiriba rikishe Isuka.Mumugendere kure kuko ni ikigarasha bidasubirwaho.

Jean-Vick Niyongabo

Abanditsi ba Rushyashya bagomba kuba bakorana n'ubutasi bwa USA,kuko ibibera hano Texs baba babimenye.Umunsi Rusesabagina abonana na Nataki,byaraye bimenyekanye,birandikwa.Rusesabagina amaze iminsi ahura n'ingorane mu ngendo ze aba yateguye guhura n'Abazungu,akahasanga abahungu b'Intore bamutegereje.Dr Elia we,kuva se yapfira Arusha,yagize umujinya mwinshi cyane,atangira gushaka,kwikubita mu bya politiqwe yo kwihorera.Ubundi yar'umuntu utisukira mu manyanga kandi yubahwa cyane.Aha tuba Laredo,benshi batangiye kwibaza ibya Dr,kuko atakiboneka nka mbere kuv'aho Lone Star Newspaper itangaza ko Dr Nataki yaba akekwaho gushyigikira umutwe wa terror uba muri DRC. Abanyarwanda barumiwe.

Mutabaruka Jean de Dieu

Jyewe nari nayobewe Rujugiro pe !Yifashe nk'umutinganyi(GAY)Abantu baragwira,uriya we se harya ngo nawe arashaka guhirika President P.K.?Ariko bano basaza ko mbona barindagiye ?

Nsinga Emmanuel

Mubyara wa Dr Elie witwa Eliezer Ntamwaga,niwe ujya mu Rwanda amajya n'amaza aneka uko abaturage bifashe ,nicyo batekereza ku buyobozi buriho.Ni nawe wigeze kujya ahantu hitwa Mweso(DRC)agiye kureba uko ingabo za FDRL zifashe,anagiye kugura amabuye y'agaciro.Ab'i wacu muzamumenye,ntajya atinda i Kigali,ahubwo aragenda akihisha iyo ngiyo ku Kibuye.Afitanye ubucuti bukomeye n'ubuyobozi bw'ibanze iyo ngiyo kandi atanga amafaranga.N'umucengezi mubi cyane

Claire Uwakarimba

Ese mwambwira uriya muboyi unarwaye cancer ya prostate ararushywa niki yabanje akarwana n'ubuzima bwe akabona kuvuga ?Ese mbaze.Nka Kayumba koko ageze aho gufatanya n'abo yarwanije kubera gushaka ubutegetsi gusa ?Naho uriya Dr we Elie,ko arumuherwe,ibyo afite ntibyari bihagije kugirango areke kwijandika muri politique ?Twebwe se Abanyarwanda,barabona ko dupfa kwemera ibije byose ?

Ntayombya Ismaei

Dr Elie wajyaga wikundira gusohokana n'inkumi zihagaze neza,ntakiboneka.Twumva ko asa n'ucungishije ijisho kuva Leta ya America imenye ko afatanyije na FDRL,kandi ari umutwe Loni yashyize muri groupe terroriste.Ubundi rwose yari umuntu wiberaho yifitiye ingengabitekerezo kuko se yari genocidaire,ariko ntawe ahutaza.Ndetse yahaye n'Abanyarwanda akazi nta ngorane.Ariko ngo urugiye kera ruhinyuza intwari. Yazize uburangare bwatumye umu nurse wamukoreraga atera ijisho kuri za files zimwe zigaragaza politique arimo na Rusesabagina.

Murangwa Geoffrey

IDr Elie ashukwa na Rusesabagina ngo bazayobora u Rwanda.Hagati aho pharmacy Dr yakoreragamo umugore we yarafunzwe kubera za investigations zicicikana mur'ino minsi.Ubu abakozi bamwe bari kuri unemployment compassation y'amazi atandatu.Nta muntu n7umwe uzagambanira u Rwanda uzagir'amahoro.

vision 2050

Murakoze banyamakuru ba Rushyashya.Ntimugatinye gushyira ahagaragara abashaka gusubiza igihugu mu kaga


TANGA IGITEKEREZO

Kwamamaza
Kwamamaza
Also in this section
I Bujumbura imyigaragambyo ikomeye yabyukiye k’umuryango yamagana ibiganiro bibera Arusha

I Bujumbura imyigaragambyo ikomeye yabyukiye k’umuryango yamagana ibiganiro...

Icyamamare mu mibyinire Sommizi Mhlongo aratwite nyuma yo kwibagisha inda ibyara

Icyamamare mu mibyinire Sommizi Mhlongo aratwite nyuma yo kwibagisha inda...

Burundi : Leta irasaba ko Gen Niyombare na bagenzi be bashakaga guhirika Nkurunziza bafatwa

Burundi : Leta irasaba ko Gen Niyombare na bagenzi be bashakaga guhirika...

Abatavuga rumwe mu Burundi bazahurira Arusha muri iki cyumweru kandi icyizere kirahari

Abatavuga rumwe mu Burundi bazahurira Arusha muri iki cyumweru kandi...

NEW POSTS
Visi Perezida w’u Buhinde yashimye Kagame aho yavanye u Rwanda

22-02-2017

Visi Perezida w’u Buhinde yashimye Kagame aho yavanye u Rwanda

BURUSELI : RNC irimo gucuruza urupfu rwa Col Patrick Karegeya mu gihe umuryango umaze imyaka 5 usaba ubuhungiro uhakanirwa

22-02-2017

BURUSELI : RNC irimo gucuruza urupfu rwa Col Patrick Karegeya mu gihe...

Uganda : Kijuru muri District ya Kibaale Inkambi y’ imyitozo ya Kayumba n’abashaka gutera u Rwanda

21-02-2017

Uganda : Kijuru muri District ya Kibaale Inkambi y’ imyitozo ya Kayumba...

Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

RNC –Ishaje yadukanye ’Agashya ’ noneho igeze no mubapfakazi

20-02-2017

RNC –Ishaje yadukanye ’Agashya ’ noneho igeze no mubapfakazi

Impanuro z’Umukuru w’Igihugu Perezida Kagame i Nyagatare

18-02-2017

Impanuro z’Umukuru w’Igihugu Perezida Kagame i Nyagatare

Ibya Dr. Rudasingwa n’abagenzi be Musonera na Ngarambe biteye kwibaza byinshi !

17-02-2017

Ibya Dr. Rudasingwa n’abagenzi be Musonera na Ngarambe biteye kwibaza...